نئی دلی، 20 جنوری، 2023 / الیکٹرانکس اور انفارمیشن ٹکنالوجی اور ہنرمندی کی ترقی اور انٹرپرینیورشپ کے وزیر مملکت جناب راجیو چندر شیکھر نے آج بنگلورو کے کرناٹک پبلک اسکول، اتراہلی میں منعقدہ ایک انٹر اسکول آرٹ اور پینٹنگ مقابلے کی صدارت کی۔ مقابلہ سیشن امتحانات کے اختتام پر طلباء کی حوصلہ افزائی کے لیے 'ایگزام واریئر' کے موضوع پر منعقد کیا گیا تھا۔  وزیر موصوف نے ‘پریکشا پہ چرچا’ پروگرام کے تحت منعقدہ اس مقابلے کے حصہ کے طور پر طلباء اور اساتذہ سے بات چیت کی۔  وزیر موصوف نے کہا کہ آج کے نوجوان ہمارے ترقی کے انجن ہیں اور نئے بھارت کی تشکیل میں اہم رول ادا کریں گے۔

کرناٹک پبلک اسکول، اتراہلی، بنگلورو میں جناب راجیو چندر شیکھر

 

 جناب راجیو چندر شیکھر نے کہا، ‘‘وزیر اعظم کی طرف سے شروع کی گئی ‘پریکشا پہ چرچا’ کا مقصد طلبہ، اساتذہ اور والدین تک پہنچنا اور امتحانات کو دباؤ سے پاک بنانے کے طریقوں اور ان کی مستقبل میں ترقی کے مواقع کے بارے میں بات چیت کرنا ہے۔ کرناٹک پبلک اسکول، اتراہلی اور آس پاس کے اسکولوں کے دیگر طلباء کے ایک اجتماع سے خطاب کیا۔

خاتون ٹیک لیڈرز محترمہ جیا جگدیش، اے ایم ڈی انڈیا کی کنٹری ہیڈ اور محترمہ نیروتی رائے، کنٹری ہیڈ، انٹیل انڈیا اور کو انڈیا کے سی ای او اور جنابک بانی جناب اپرمیا اور ممبر قانون ساز اسمبلی جناب ایم کرشنپا نے اسکول میں وزیر کے ساتھ شمولیت اختیار کی۔ انہوں نے طلباء کو  اپنی زندگی کے تجربات سے واقف کرایا اور انہیں اپنے خوابوں کی پیروی کرنے کی ترغیب دی۔  اس بات چیت کی وجہ سے طلبا کی کافی حوصلہ افزائی ہوئی ۔ یہ پوچھے جانے پر کہ کون طلبا امتحان کے منتظر ہیں، سبھی طلباء نے ہاتھ اٹھا لیے۔

طلباء نے مقابلے میں بڑے جوش و خروش کے ساتھ حصہ لیا اور فاتحین کا اعلان چترا کلا پریشٹھ کے ماہرین نے کیا۔ محترمہ نروتی رائے، محترمہ جیا جگدیش اور مسٹر اپرمیا نے جیتنے والوں اور تمام شرکاء کو انعامات اور سرٹیفکیٹ دیئے۔  جیتنے والوں کو انعام کے طور پر ہیئر ایبلز اور پہننے کے قابل الیکٹرانکس آئٹم بھی دیئے گئے۔

 

اس سے پہلے دن میں، وزیر موصوف نے یہاں این اے سی آئی این کمپلیکس کا دورہ کیا اور روزگار میلہ میں حصہ لیا جس میں وزیر اعظم ویڈیو کانفرنسنگ کے ذریعے شامل ہوئے تھے۔ اس موقع پر کل 71,000 نئے بھرتی ہونے والوں کو مختلف سرکاری ملازمتوں کے لیے تقرر نامے دیئے گئے۔

اپنے خطاب میں جناب راجیو چندر شیکھر نے کہا کہ سرکاری نوکریاں صرف نوکریاں نہیں ہیں بلکہ جن سیوا اور دیش سیوا کا موقع ہیں۔

حکومت میں مختلف شعبوں میں ملازمتوں کے 10 لاکھ موقعے پیدا کرنے کے لیے وزیر اعظم کے عہد کی تعریف کرتے ہوئے، جناب راجیو چندر شیکھر نے کہا کہ روزگار میلے اس عہد کی تکمیل کی طرف ایک اہم قدم ہیں۔

رکن پارلیمنٹ اور کرناٹک کے سابق وزیر اعلی جناب سدانند گوڑا بھی اس تقریب میں موجود تھے۔

.................

 

ش ح ۔ ا س ۔ ت ح

U - 696

 

(Release ID: 1892629)