زراعت اور کسانوں کی بہبود کے مرکزی وزیر جناب نریندر سنگھ تومر نے آج لوک سبھا میں ایک تحریری جواب میں بتایا کہ کسانوں کی آمدنی کو دوگنا کرنے کی حکومت کی کوششوں کے بہت مثبت نتائج برآمد ہوئے ہیں۔ اس سلسلے میں حکومت نے اپریل 2016 میں ایک بین وزارتی کمیٹی تشکیل دی تھی، جو "کسانوں کی آمدنی کو دوگنا کرنے (ڈی ایف آئی)" سے متعلق مسائل کا جائزہ لینے   کے لئے تشکیل دی گئی  تھی اور اس کے حصول کے لیے حکمت عملی کی سفارش کی تھی۔ کمیٹی نے ستمبر 2018 میں 14 جلدوں میں اپنی حتمی رپورٹ حکومت کو پیش کی تھی ، جو مختلف پالیسیوں، اصلاحات اور پروگراموں کے ذریعے کسانوں کی آمدنی کو دوگنا کرنے کی حکمت عملی پر مشتمل تھی۔ اس مقصد کو حاصل کرنے کے لیے، کمیٹی نے آمدنی میں اضافے کے درج ذیل 7 ذرائع کی نشاندہی کی:-

1. فصل کی پیداواری صلاحیت میں اضافہ
2. مویشیوں کی پیداواری صلاحیت میں اضافہ

• III. وسائل کے استعمال کی کارکردگی - پیداواری لاگت میں کمی

4. فصل کی شدت میں اضافہ
5. اعلیٰ قدر والی زراعت میں تنوع
6. کسانوں کی پیداوار پر معاوضہ دینے والی قیمتیں۔
7. فاضل افرادی قوت کو زراعت سے غیر زراعتی پیشوں میں منتقل کرنا

 کسانوں کی آمدنی کو دوگنا کرنے کی حکمت عملی کی بنیاد درج ذیل بنیادی اصولوں پر مبنی ہے:

1. زیادہ پیداواری صلاحیت کو حاصل کرکے زرعی ذیلی شعبوں میں کل پیداوار میں اضافہ
2. پیداواری لاگت کو معقول بنانا/کم کرنا
3. زرعی پیداوار میں معاوضہ  والی قیمتوں کو یقینی بنانا
4. مؤثر رسک مینجمنٹ
5. پائیدار ٹیکنالوجیز کو اپنانا

حکمت عملی کے مطابق حکومت نے کسانوں کے لیے بالواسطہ یا بلاواسطہ زیادہ آمدنی حاصل کرنے کے لیے متعدد پالیسیاں، اصلاحات، ترقیاتی پروگرام اور اسکیموں کو اپنایا اور نافذ کیا ہے، جن میں یہ شامل ہیں:

 

1-بجٹ مختص کرنے میں بے مثال اضافہ

سال 16-2015 میں، زراعت اور کسانوں کی بہبود کی وزارت (جس میں ڈی اے  آر ای ، ڈی اے ایچ اینڈ ایف) شامل تھے   کا مختص کردہ بجٹ  صرف  25460.51 کروڑ روپے تھا۔  یہ 5.44 گنا سے زیادہ بڑھ کر 23-2022 میں 1,38,550.93 کروڑ روپے ہو گیا ہے۔

2-پی ایم کسان کے ذریعے کسانوں کو آمدنی  کی حمایت

2019 میں پی ایم – کسان  کا آغاز – جو کہ 3 مساوی قسطوں میں  سالانہ  6000  روپے مہیا کرانے والی   آمدنی کی  حمایت کی اسکیم ہے۔ اب تک کے  2 لاکھ کروڑ  روپے سے زیادہ  تقریبا 11.3  کروڑ  اہل کسانوں کے خاندانوں کے  جاری کئے جاچکے ہیں۔

3-پردھان منتری فصل بیما یوجنا (پی ایم ایف بی وائی)

چھ سال – پی ایم ایف بی وائی  کا آغاز 2016 میں کسانوں کے لیے اعلیٰ پریمیم کی شرح اور کیپنگ کی وجہ سے بیمہ کی رقم میں کمی کے مسائل کو حل کرنے کے لیے کیا گیا تھا۔ نفاذ کے گزشتہ 6 سالوں میں - 38 کروڑ کسانوں کی درخواستوں کا اندراج کیا گیا ہے اور 11.73 کروڑ  سے زیادہ (عارضی) کسان درخواست دہندگان کے دعوے موصول ہوئے ہیں۔ اس عرصے کے دوران تقریباً روپے 25,185 کروڑ روپے کسانوں نے اپنے حصہ کے پریمیم کے طور پر ادا کیے، جس کے مقابلے  میں انہیں 1,24,223 کروڑ روپے (عارضی) سے زیادہ کے دعوے ادا کیے گئے ہیں۔ اس طرح کسانوں کی طرف سے ادا کیے گئے پریمیم کے ہر 100 روپے کے بدلے، انہیں تقریباً 493 روپے دعوے کے طور پرموصول ہوئے ہیں۔

4-زرعی شعبے کے لیے ادارہ جاتی قرض

1. 16-2015 میں 8.5 لاکھ کروڑ روپے  سے بڑھ کر 23-2022  میں  18.5 لاکھ کروڑ روپے تک پہنچنے کا ہدف مقرر ہوا۔
2. کسان کریڈٹ  کارڈ (کے سی سی) کے ذریعے 4 فیصد سالانہ سود پر رعایتی ادارہ جاتی قرض کا فائدہ بھی اب جانوروں اور ماہی پروری کے کسانوں کو ان کی قلیل مدتی ورکنگ سرمائے کی ضروریات کو پورا کرنے کے لیے بڑھا دیا گیا ہے۔
3. کسان کریڈٹ کارڈز (کے سی سی) کے ذریعے پی ایم - کسان استفادہ کنندگان کا احاطہ کرنے پر توجہ دینے کے ساتھ رعایتی ادارہ جاتی قرض فراہم کرنے کے لیے فروری 2020 سے ایک خصوصی مہم چلائی گئی ہے۔11 نومبر   2022 تک، 376.97 لاکھ نئی کے سی سی درخواستیں منظور کی گئی ہیں، جن کی مہم کے ایک حصے کے طور پر 4,33,426 کروڑ روپے کی منظور شدہ کریڈٹ حد ہے۔

 5-پیداواری لاگت کے ڈیڑھ گنا پر کم از کم امدادی قیمت (ایم ایس پی) کا تعین –

1. حکومت نے تمام لازمی خریف، ربیع اور دیگر تجارتی فصلوں کے لیے ایم ایس پی میں 19-2018 سے  پورے ہندوستان میں پیدا وار کی اوسط لاگت کے ساتھ  کم از کم 50 فیصد کی واپسی کے ساتھ اضافہ کیا ہے۔
2. دھان (عام) کے لیے ایم ایس پی 14-2013  میں 1310 روپے  فی کوئنٹل سے  بڑھ  کر23-2022 میں 2040  روپے  فی کوئنٹل  ہوگئی ہے ۔
3. گندم کے لیے ایم ایس پی 14-2013 میں 1400 فی کوئنٹل سے  بڑھ کر 23-2022 میں 2125 روپے فی کوئنٹل ہوگئی ہے ۔

 6-ملک میں نامیاتی کاشتکاری کو فروغ دینا

1. پرم پراگت کرشی وکاس یوجنا (پی کے وی وائی ) کو  ملک میں نامیاتی کھیتی کو فروغ دینے کے لیے 16-2015 میں شروع کیا گیا تھا۔ 32384 کلسٹرز بنائے گئے اور 6.53 لاکھ ہیکٹر کے رقبے کا احاطہ کیا گیا ہے، جس سے 16.19 لاکھ کسانوں کو فائدہ پہنچا ہے۔ اس کے علاوہ، نمامی گنگے پروگرام کے تحت 123620 ہیکٹر رقبہ کا احاطہ کیا گیا ہے اور قدرتی کھیتی کے تحت 4.09 لاکھ ہیکٹر رقبہ کا احاطہ کیا گیا ہے۔ اتر پردیش، اتراکھنڈ، بہار اور جھارکھنڈ میں کسانوں نے دریائے گنگا کے دونوں طرف نامیاتی کھیتی شروع کی ہے، تاکہ ندی کے پانی کی آلودگی کو کنٹرول کیا جا سکے اور ساتھ ہی کسانوں کو اضافی آمدنی حاصل ہو سکے۔
2. حکومت نے یہ بھی تجویز پیش کی ہے کہ وہ پائیدار قدرتی کاشتکاری کے نظام کو بھارتیہ پراکرتک کرشی پدھتی (بی پی کے پی) اسکیم کے ذریعے فروغ دیں۔ مجوزہ اسکیم کا مقصد کاشت کی لاگت کو کم کرنا، کسانوں کی آمدنی میں اضافہ اور وسائل کے تحفظ اور محفوظ اور صحت مند مٹی، ماحولیات اور خوراک کو یقینی بنانا ہے۔
3. نارتھ ایسٹ ریجن میں مشن آرگینک ویلیو چین ڈیولپمنٹ (ایم او وی سی ڈی این ای آر) شروع کیا گیا ہے۔ 189039 کسانوں پر مشتمل اور 172966 ہیکٹر رقبہ کا احاطہ کرتے ہوئے  379 فارمر پروڈیوسر کمپنیاں تشکیل دی گئی ہیں۔

7-فی ڈراپ مزید فصل

فی ڈراپ مور کراپ (پی ڈی ایم سی) اسکیم سال 16-2015 میں شروع کی گئی تھی، جس کا مقصد پانی کے استعمال کی کارکردگی کو بڑھانا، ان پٹ کی لاگت کو کم کرنا اور مائیکرو آبپاشی ٹیکنالوجیز یعنی چھڑکاؤ اور اسپرنکلر آبپاشی کے نظام کے ذریعے فارم کی سطح پر پیداواری صلاحیت کو بڑھانا ہے۔ سال 16-2015 سے پی ڈی ایم سی اسکیم کے ذریعے اب تک 69.55 لاکھ ہیکٹر کا رقبہ  کا مائیکرو آبپاشی کے تحت  احاطہ کیا  گیاہے۔

8-مائیکرو آبپاشی فنڈ

نبارڈ کے ساتھ ابتدائی کارپس 5000 کروڑ روپے کا ایک مائیکرو آبپاشی فنڈ بنایا گیا ہے۔ 22-2021 کے بجٹ کے اعلان میں، فنڈ کے کارپس کو 10000 کروڑ روپے تک بڑھایا جانا ہے۔ 17.09 لاکھ ہیکٹر پر محیط 4710.96 کروڑ روپے کے پروجیکٹوں کو منظوری دی گئی ہے۔

9-فارمر پروڈیوسر آرگنائزیشنز (ایف پی اوز) کا فروغ

1. معیشت کے پیمانے کو زرعی کاموں میں لانے کے لیے نئے 10,000 ایف پی اوز کی تشکیل اور فروغ کے لیے ایک نئی مرکزی سیکٹر اسکیم کا آغاز 29 فروری 2020 کو وزیر اعظم نے 28-2027 تک 6865 کروڑ روپے کے بجٹ کے ساتھ کیا تھا۔
2. 31 اکتوبر   2022  تک، 3855 نمبر ایف پی او کی نئی ایف پی او سکیم کے تحت اندراج کیا گیا ہے۔

 10-شہد کی مکھیوں کے پالنا اور شہد کا ایک قومی مشن (این بی ایچ ایم) 2020  میں آتم نربھر بھارت ابھیان کے ایک حصے کے طور پر شروع کیا گیا ہے، تاکہ پولنیشن کے ذریعے فصلوں کی پیداواری صلاحیت میں اضافہ کیا جا سکے اور اضافی ذریعہ  آمدنی  کے طور پر شہد کی پیداوار میں اضافہ کیا جا سکے۔ 21-2020  تا 23-2022  کی مدت کے لئے  500 کروڑروپے شہد کی مکھیوں کے پالنے کے شعبے کے لیے مختص کیے گئے ہیں۔  21-2020 اور  22-2021  سے آج کی تک کی مدت کے دوران  این بی ایچ ایم کے تحت تقریباً  139.23 کروڑ روپے  امداد کے لئے  114 پروجیکٹوں  کو منظور کیا گیا  / یا فنڈنگ کے لئے منظوری دی گئی ہے۔

11-زرعی میکانائزیشن

میکانائزیشن زراعت کو جدید بنانے اور کاشتکاری کے کاموں کی سختی کو کم کرنے کے لیے انتہائی ضروری ہے۔15-2014 سے مارچ 2022 کے کی مدت کے دوران زرعی میکانائزیشن کے لیے 5490.82 کروڑ روپے مختص کیے گئے ہیں۔ کسانوں کو سبسڈی کی بنیاد پر 13,88,314 مشینیں اور آلات فراہم کیے گئے ہیں۔ 18,824 کسٹم ہائرنگ سینٹرز، 403 ہائی ٹیک ہب اور 16,791 فارم مشینری بینک قائم کیے گئے ہیں، تاکہ کسانوں کو کرائے کی بنیاد پر زرعی مشینیں اور آلات دستیاب ہوں۔ رواں سال یعنی 23-2022 کے دوران، اب تک کی 504.43 کروڑ روپے کی رقم سبسڈی پر تقریباً 65302 مشینوں کی تقسیم، 2804 سی ایچ سیز، 12 ہائی ٹیک حبس اور 1260 گاؤں کی سطح کے فارم مشینری بینکوں کے قیام کے لیے جاری کیے گئے ہیں۔

 12-کسانوں کو سوائل ہیلتھ کارڈ فراہم کرنا

سوائل ہیلتھ کارڈ سکیم سال 15-2014 میں متعارف کرائی گئی تھی ،تاکہ غذائی اجزاء کے استعمال کو بہتر بنایا جا سکے۔ کسانوں کو درج ذیل نمبروں کے کارڈ جاری کیے گئے ہیں۔

1. سائیکل-1 (2015  تا  2017) – 10.74 کروڑ
2. سائیکل- II ( 2017  تا  2019) - 11.97 کروڑ
3. ماڈل ولیج پروگرام (20-2019) - 19.64 لاکھ

 13- قومی زرعی مارکیٹ (ای- این اے ایم) توسیعی پلیٹ فارم کا قیام

1. 22 ریاستوں اور 03 مرکز کے زیر انتظام علاقوں کی 1260 منڈیوں کو ای – این اے ایم  پلیٹ فارم سے مربوط کیا گیا ہے۔
2. 31 اکتوبر   2022  تک، 1.74 کروڑ سے زیادہ کسان اور 2.36 لاکھ تاجر ای – این اے ایم پورٹل پر رجسٹرڈ ہو چکے ہیں۔
3. مجموعی طور پر 6.5 کروڑ ایم ٹی اور 19.24 کروڑ نمبر (بانس، پان، ناریل، لیموں اور مکئی  کا دانا) کا مجموعی حجم تقریباً 2.22 لاکھ کروڑ روپے کی تجارت  31 اکتوبر    2022  تک ای- این اے ایم پلیٹ فارم پر ریکارڈ کی گئی ہے۔

 14. خوردنی تیلوں – آئل پام  کے لیے قومی مشن کا آغاز -  این ایم ای او  کو 11,040 کروڑ روپے کے کل اخراجات کے ساتھ منظور کیا گیا ہے۔ اس سے اگلے 5 سالوں میں شمال مشرقی ریاستوں میں 3.28 لاکھ ہیکٹر اور باقی ہندوستان میں 3.22 لاکھ ہیکٹر کے ساتھ آئل پام پلانٹیشن کے تحت 6.5 لاکھ ہیکٹر کا اضافی رقبہ آئے گا۔ اس مشن کا سب سے بڑا فوکس ان کسانوں کو تازہ پھلوں کے گچھوں (ایف ایف بیز) کی قابل عمل قیمتیں فراہم کرنا ہے، جو صنعت کے ذریعہ ایک آسان قیمت طے کرنے والے فارمولے کے ساتھ یقینی خریداری سے منسلک ہیں۔ اگر صنعت کی طرف سے ادا کی گئی قیمت اکتوبر 2037 تک قابل عمل قیمت سے کم ہے، تو مرکزی حکومت کسانوں کو قابل عمل فرق کی ادائیگی کے ذریعے معاوضہ دے گی۔

15-زرعی بنیادی  ڈھانچہ  جاتی فنڈ (اے آئی ایف)

سال 2020 میں اے آئی ایف کے آغاز کے بعد سے، اسکیم نے 18133 سے زیادہ پروجیکٹوں کے لیے ملک میں زرعی بنیادی ڈھانچے کے لیے 13681 کروڑ روپے کی رقم منظور کی ہے۔ اسکیم کے تعاون سے، مختلف زراعت کے بنیادی ڈھانچے بنائے گئے اور کچھ بنیادی ڈھانچے تکمیل کے آخری مرحلے میں ہیں۔ ان انفراسٹرکچر میں 8076 گودام، 2788 پرائمری پروسیسنگ یونٹس، 1860 کسٹم ہائرنگ مراکز ، 937 چھانٹنے اور گریڈنگ یونٹس، 696 کولڈ اسٹور پروجیکٹس، 163 اسیسنگ یونٹس اور تقریباً 3613 دیگر قسم کے پوسٹ ہارویسٹ مینجمنٹ پروجیکٹس اور کمیونٹی فارمنگ اثاثے شامل ہیں۔

16-زرعی پیداوار کی لاجسٹکس میں بہتری، کسان ریل کا تعارف۔

کسان ریل کو وزارت ریلوے نے خصوصی طور پر خراب ہونے والی زرعی اجناس کی نقل و حرکت کو پورا کرنے کے لیے شروع کیا ہے۔ پہلی کسان ریل جولائی 2020 میں شروع ہوئی تھی۔ 31 اکتوبر 2022 تک 167 روٹس پر 2359 خدمات چلائی جا چکی ہیں۔

17-ایم آئی ڈی ایچ - کلسٹر ڈویلپمنٹ پروگرام:

کلسٹر ڈویلپمنٹ پروگرام (سی ڈی پی ) کو باغبانی کے کلسٹروں کی جغرافیائی مہارت سے فائدہ اٹھانے اور پری پروڈکشن، پیداوار، فصل کے بعد، لاجسٹکس، برانڈنگ اور مارکیٹنگ کی سرگرمیوں کی مربوط اور مارکیٹ کی وجہ سے  ترقی کو فروغ دینے کے لیے ڈیزائن کیا گیا ہے۔ ڈی اے اینڈ ایف ڈبلیو نے باغبانی کے 55 کلسٹرز کی نشاندہی کی ہے، جن میں سے 12 کو سی ڈی پی کے پائلٹ مرحلے کے لیے منتخب کیا گیا ہے۔

18-زراعت اور متعلقہ شعبے میں اسٹارٹ اپ ایکو سسٹم کی تشکیل

اب تک، مالی سال 20-2019 سے 23-2022 تک کے دوران 1055 اسٹارٹ اپس کو آخر کار مختلف نالج پارٹنرز اور ڈی اے اینڈ ایف ڈبلیو  کے زرعی بزنس انکیوبیٹرز نے منتخب کیا ہے۔ متعلقہ نالج پارٹنرز (کے پیز) اور آر کے وی وائی  آراے ایف ٹی اے اے آر زرعی تجارت انکیو بیٹر (آر- اے بی  آٗیز) کو ڈی اے اینڈ ایف ڈبلیو  کی جانب سے امدادی حمایت کے طور پر اِن اسٹارٹ اپ کی فنڈنگ کے لئے  کل 6317.91 لاکھ روپے کی ایک مشت امدادی رقم جاری کی گئی ہیں۔

19. زرعی  اور اس سے منسلک زرعی اجناس کی برآمد میں کامیابی

ملک نے زرعی اور اس سے منسلک اجناس کی برآمد میں زبردست نمو دیکھی ہے۔ سال 16-2015 کے مقابلے میں، زرعی اور اس سے منسلک برآمدات 16-2015 میں 32.81 بلین امریکی ڈالر سے بڑھ کر 22-2021 میں 50.24 بلین امریکی ڈالر تک پہنچ گئی ہیں، یعنی 53.1 فیصد کا اضافہ ہوا ہے۔

مندرجہ بالا سیاق و سباق میں، یہ بتایا گیا ہے کہ وزارت شماریات اور پروگرام کے نفاذ [قومی شماریاتی دفتر (این ایس او)] نے این ایس ایس کے 70ویں دور (جنوری 2013 سے دسمبر 2013) کے دوران سال جولائی 2012- جون 2013 کے تعلق سے  اور این ایس ایس 77ویں دور (جنوری 2019-دسمبر 2019) کے دوران ملک کے دیہی علاقوں میں زرعی سال جولائی 2018-جون 2019 کے حوالے سے زرعی گھرانوں کی صورت حال کا جائزہ لینے کا سروے (ایس اے ایس) کیا۔ ان سروے سے، این ایس ایس 70ویں راؤنڈ (13-2012 ) اور این ایس ایس 77ویں راؤنڈ (19-2018) سے حاصل کردہ فی زرعی گھرانے کی تخمینی اوسط ماہانہ آمدنی کا حساب بالترتیب 6426 روپے  اور 10,218 روپے لگایا گیا۔

ان اسکیموں کے مثبت نفاذ میں حکومت کی کوششوں سے کسانوں کی آمدنی میں اضافہ کرنے کے لیے نمایاں نتائج برآمد ہوئے ہیں۔ آزادی کا امرت مہوتسو کے ایک حصے کے طور پر، انڈین کونسل آف ایگریکلچرل ریسرچ (آئی سی اے آر) نے ایک کتاب جاری کی ہے، جس میں ان لاتعداد کامیاب کسانوں میں سے 75,000 کسانوں کی کامیابی کی کہانیاں شامل ہیں ،جنہوں نے اپنی آمدنی میں دو گنے سے زیادہ  کا اضافہ کیا ہے۔

۰۰۰۰۰۰۰۰

(ش ح- ا ک- ق ر)

U-587

(Release ID: 1891925) Visitor Counter : 363