اترپردیش اور ہریانہ کی ریاستوں سے آئے ہوئے ڈیڑھ سے سو زیادہ کھادی اداروں کے نمائندوں کی موجودگی میں کھادی اور دیہی صنعتوں سے متعلق کمیشن کے سربراہ جناب منوج کمار کی جانب سے ایک ’کھادی-سمواد‘(کھادی پر مکالمہ)منعقد ہوا۔نئے سال کے موقع پر منعقد اس کھادی-سمواد کے دوران کھادی اور دیہی صنعتی پروگرام کی توسیع و ترقی کے ضمن میں تفصیلی بات چیت ہوئی۔ایشوز میں کھادی دھاگے کی کتائی کے لئے کچے سامان کے طورپر مناسب شرح پر چاندی کی دستیابی کو یقینی بنانے کا ایشو بھی زیر بحث ایشوز میں شامل تھا۔اس کے ساتھ ساتھ ایم ایم ڈی اے اسکیم کے تحت سبسڈی کی بروقت ادائیگی کا ایشو بھی اس میں شامل تھا۔کے وی آئی سی کے سربراہ نے کتائی کرنے والے بُنکروں کو یہ یقین دہانی کرائی کہ اِن ایشوز کا جلد از جلد حل نکال لیا جائے گا۔

اس موقع پر مطلع کیا گیا کہ گزشتہ سال کے مقابلے رواں مالی سال کے دوران مصنوعات کی تیاری اور فروخت ریکارڈ رہی ہے اور کھادی اداروں کو ہندوستانی بین الاقوامی تجارتی میلے وغیرہ میں حصہ لینے کا بڑا فائدہ حاصل ہوا ہے۔یہ بات قابل ذکر ہے کہ اس سال آئی آئی ٹی ایف نے 250 اسٹالوں کے ساتھ کھادی انڈیا پویلین کا اہتمام کیا، جس میں مختلف ریاستوں سے میلے میں شرکت کرنے والے اداروں نے یہ بات درج کی کہ اس میں 12.06کرو ڑروپے کی ریکارڈ فروخت ہوئی۔ان اِداروں کو خریداروں کی دلچسپیوں کو بھی جاننے کا موقع ملا اور انہیں پائیدار روزگار کے ساتھ اس پروگرام کو آگے لے جانے کا حوصلہ ملا۔

کے وی آئی سی کے سربراہ نے اس حقیقت پر اطمینان کا اظہار کیا کہ بڑی تعداد میں نئے اور نوجوان افراد کھادی سیکٹر سے جڑ رہے ہیں اور وہ اپنے ذاتی ادارے قائم کرکے نہ صرف یہ کہ خود کفیل بن رہے ہیں، بلکہ وہ دیگر نوجوانوں کے لئے تحریک کا مؤثر ذریعہ بھی بن رہے ہیں۔اس کے ساتھ ساتھ وہ انہیں روزگار کے مواقع بھی فراہم کررہے ہیں۔انہوں نے کھادی اداروں کے نمائندوں سے اصرار کیا کہ کھادی سیکٹر میں وہ روایتی چرخہ پر نئی افرادی قوت کی تربیت کا کام انجام دیں ، تاکہ کھادی پیداوار میں نئی صلاحیتوں کو شامل کیا جائے اور کتائی کرنے والوں و بُنکروں تک زیادہ سے زیادہ آمدنی پہنچائی جاسکے۔

*************

ش ح- ج ق–ن ع

U. No.122

(Release ID: 1888783) Visitor Counter : 84