محنت اور روزگار اور ماحولیات، جنگلات اور آب و ہوا میں  تبدیلی کے مرکزی وزیر جناب بھوپیندر یادو نے ایمپلائز اسٹیٹ انشورنس کارپوریشن (ای ایس آئی سی) میڈیکل کالج اور ای ایس آئی سی ہسپتال، جوکا، کولکاتہ میں ای ایس آئی  ہیلتھ اسکیم کی توسیع کے امکانات  تلاش کرنے کے لیے ایک جائزہ میٹنگ کی صدارت کی۔

اس موقع پر بات کرتے ہوئے جناب بھوپیندر یادو نے ملک کے غیر نافذشدہ اضلاع میں ای ایس آئی ہیلتھ اسکیم کو نافذ کرنے کے لیے حکومت کے عزم کا اعادہ کیا۔ بیمہ شدہ افراد اور مستفیضین کو صحت کی بہتر دیکھ بھال فراہم کرنے کے لیے، جائزہ میٹنگ میں  بنیادی ڈھانچہ کو  بہتر بنانے کے امکان پر بھی تبادلہ خیال کیا گیا۔

محنت اور روزگار اور پٹرولیم اور قدرتی گیس کے وزیر مملکت جناب رامیشور تیلی نے کہا کہ حکومت طبی بنیادی ڈھانچہ بنانے پر توجہ مرکوز کر رہی ہے تاکہ ملک کےورکرز آسانی سے طبی دیکھ بھال کے فوائد حاصل کر سکیں۔

، محنت اور روزگار کی وزارت  سکریٹری محترمہ آرتی آہوجانے قیمتی تجاویز  پیش کیں اور ای ایس آئی سی اسکیم کی کوریج کو بڑھانے، صحت کی دیکھ بھال کی خدمات میں بہتری اور صنعتی کلسٹروں میں پیشہ ورانہ بیماریوں کی روک تھام کے لیے ایک ایکشن پلان تجویز کیا۔

ای ایس آئی سی  کے ڈی جی ڈاکٹر راجندر کمارنے ای سنجیونی کے ذریعے صحت کی دیکھ بھال کی خدمات کے موثر کام کے لیے ایک جدید طریقہ اپنانے اور جدید ٹیکنالوجی ماڈل کو مربوط کرنے اور ای ایس آئی سی کی آن لائن دھنونتری ایپلی کیشن کے استعمال پر بات کی۔

ایمس  کے  ڈائرکٹر  ڈاکٹر ایم سرینواس نے میٹنگ کے شرکاء سے ور چوئل طریقہ سے  خطاب کیا اور ای ایس آئی سی کی ترقی میں مدد کرنے اور اس کے بیمہ شدہ افراد اور مستفیضین  کو صحت کی بہتر سہولیات فراہم کرنے کے لیے کئی تجاویز پیش کیں۔

مغربی بنگال حکومت  کے پرنسپل سکریٹری (محکمہ محنت) جناب برون کمار رے، جناب آلوک چندرا، ایس ایل ای اے، محنت اور روزگار کی وزارت، جناب پرشانتا نندی چودھری، قومی  سکریٹری، سی آئی ٹی یو اورجناب  شیو پرساد تیواری، جنرل سکریٹری، ٹی یو سی سی۔ تمام میڈیکل کمشنرز، انشورنس کمشنر (پی اینڈ اے)، ای ایس آئی سی ، ہیڈکوارٹر کے چیف انجینئر، نچ زونل میڈیکل کمشنرز، ای ایس آئی سی کے 8 میڈیکل کالج اور اسپتالوں کے ڈینز اور میڈیکل سپرنٹنڈنٹس، ایک پی جی آئی ایم ایس آر اور دو ڈینٹل کالج اور اسپتالوں نے بھی اس  میٹنگ میں شرکت کی۔

*****

ش ح – ف ا –  م ص

U: 14543

(Release ID: 1887668) Visitor Counter : 145