وزیر اعظم جناب نریندر مودی کو  تعلیم اور ہنرمندی کے فروغ  اور انترپریونرشپ کے مرکزی وزیر جناب دھرمیندر پردھان کے ذریعہ ’انڈیا: دی مدر آف ڈیموکریسی‘ کے عنوان سے  کتاب تعلیم کے وزرائے مملکت ڈاکٹر راج کمار رنجن سنگھ اور جناب سبھاش سرکار کی موجودگی میں پیش کی گئی۔   آئی سی ایچ آر  کے چیئرمین  اور رکن  سکریٹری پروفیسر رگھوویندر تنور اور پروفیسر امیش اشوک کدم بھی  اس موقع پر موجود تھے۔آئی سی ایچ آر کے ذریعہ تیار اور شائع  اس کتاب میں ہندوستان میں جمہوریت کی ابتدا  شواہد پر مبنی تفصیلات ہیں۔

وزیر اعظم جناب نریندر مودی نے کتاب، اس  کتاب ،  اسے تیار کرنے میں کی گئی  سخت محنت اور آئی سی ایچ آر کی دانشورانہ  کوششوں  کو سراہا۔ انہوں نے آئی سی ایچ آر  کے چیئرمین اور رکن سکریٹری کو ان کی مستقبل کی تعلیمی کوششوں کے لیے نیک خواہشات  پیش کیں۔

جناب  دھرمیندر پردھان نے کہا کہ ہندوستان میں جمہوری  جذبہ اور اقدار تہذیب کے آغاز سے ہی موجود ہیں ۔ انہوں نے کہا کہ آئی سی ایچ آر کے ذریعہ  شائع کی گئی کتاب جمہوریت کی ابتدا اور اس کے نظریات کے ثبوت پر مبنی ایک بیان ہے۔

اس کتاب میں ہندوستان کی ان جمہوری روایتوں کے بارے میں  بات کی گئی ہے جس نے نہ صرف برصغیر ہندوستان کی تقدیر کو  بدل دیا بلکہ دنیا بھر کے کئی ممالک کو بھی تحریک دی ۔ ہندوستان کی قومی اقدار اور ہماری قدیم ثقافت میں جمہوریت کی گہری جڑیں  ہیں، جو الگ اور یہاں تک کہ  اختلافی نظریہ کے تئیں بھی  احترام  کرناسکھاتی ہے۔

یہ کتاب پرجا-تنتر، جن-تنتر اور لوک-تنتر کے درمیان فرق کو واضح کرتی ہے۔ اس کتاب میں ہندوستان میں   زمانہ سے رائج  جمہوری اداروں کے بے شمارحوالہ جات موجود  ہیں۔ اس سے  یہ ثابت ہوتا ہے کہ ہندوستان میں جمہوری نظام صدیوں میں فروغ پایا ہے۔ ساتھ ہی ، یہ کتاب عالمی تعلیمی  حلقہ  کی توجہ مبذول کرنے کی ایک کوشش ہے  کہ قانون کے لیے ویدک اصطلاح دھرمن ہے۔

 

*****

ش ح – ف ا –  م ص

U: 14359

(Release ID: 1886538) Visitor Counter : 73