انڈین ریلوے کی جانب سے حفاظت کو سب سے زیادہ ترجیح دی جاتی ہے اور ٹرین حادثات کو روکنے کے لیے دیسی سازوسامان کی ترقی سمیت تمام ممکنہ اقدامات مسلسل کیے جا رہے ہیں۔ انڈین  ریلوے نے مقامی طور پر ایک خودکار ٹرین پروٹیکشن سسٹم تیار کیا ہے جسے ’کوَچ‘ (ٹرین کے تصادم سے بچنے کا نظام) کا نام دیا گیا ہے، تاکہ انسانی غلطی، سگنل سے گزرنے اور تیز رفتاری کےباعث ہونے والے حادثات کو روکا جا سکے۔

عمل درآمد میں شامل پیچیدگیوں کو مدنظر رکھتے ہوئے، جن کے لیے تمام رولنگ اسٹاک، وے سائیڈ اسٹیشنوں اور ٹریک کا 'کوچ' سے لیس ہونا ضروری ہے، 'کوچ' کو مرحلہ وار نافذ کرنے کا فیصلہ کیا گیا ہے۔ اب تک، 'کوچ' کو 77 انجنوں کے ساتھ جنوب مرکزی ریلوےکے 1,455 کلومیٹر ٹریک کے لیے تعینات کیا گیا ہے۔  فی الحال، دہلی-ممبئی اور دہلی-ہاؤڑہ کوریڈور (3000 کلومیٹر روٹ) پر 'کوچ' کام جاری ہے۔

'کوچ' کے دیگر فوائد میں ٹرن آؤٹ کے قریب پہنچنے پر خودکار بریک لگا کر ٹرینوں کی رفتار کو کنٹرول کرنا، ٹیکسی میں سگنل کے پہلوؤں کو اعادہ ، جو زیادہ رفتار اور دھند والے موسم کے لیے مفید ہے، اور اس میں لیول کراسنگ گیٹس پر آٹو سیٹی بجانا شامل ہیں۔

فی الحال انڈین ریلوے میں مرحلہ وار ’کوچ‘ کو لاگو کیا جا رہا ہے۔ مزید یہ کہ 'کوچ' میں مستقبل میں برآمدی صلاحیت موجود ہے۔

یہ اطلاع ریلوے، مواصلات اور الیکٹرانک اور انفارمیشن ٹیکنالوجی کے وزیر جناب اشونی ویشنو نے آج راجیہ سبھا میں ایک سوال کے تحریری جواب میں دی۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

U No. : 14311

(Release ID: 1886228) Visitor Counter : 168