وزارت ریلوے نے ڈائمنڈ کواڈریلیٹرل کے کچھ راستوں جیسے دہلی-ممبئی، دہلی-کولکتہ، ممبئی-چنئی، ممبئی-ناگپور اور چنئی-بنگلور-میسورو کے لیے فزیبلٹی اسٹڈیز کی ہیں۔

مزید برآں،مندرجہ ذیل سات (7) ایچ ایس آر کوریڈورز کے لیے تفصیلی پروجیکٹ رپورٹ (ڈی پی آر) کا سروے اور تیاری کی گئی ہے:

1. دہلی-وارانسی
2. دہلی- احمد آباد
3. ممبئی- ناگپور
4. ممبئی- حیدرآباد
5. چنئی-بنگلور-میسور
6. دہلی- چنڈی گڑھ- امرتسر
7. وارانسی- ہاوڑہ

تاہم، انتہائی سرمایہ کاری کی وجہ سے، کسی بھی تیز رفتار ریل منصوبے کی منظوری کئی عوامل پر منحصر ہے جیسے تکنیکی فزیبلٹی، مالی استحکام اور فنانسنگ کے اختیارات کی دستیابی وغیرہ.

اب تک حکومت نے حکومت جاپان کی تکنیکی اور مالی مدد سے ہائی اسپیڈ ریل کے صرف ایک پروجیکٹ یعنی ممبئی احمد آباد ہائی اسپیڈ ریل (ایم اے ایچ ایس آر) پروجیکٹ کو منظوری دی ہے۔ اس منصوبے کو عملی جامہ پہنانے کے لیے نیشنل ہائی اسپیڈ ریل کارپوریشن لمیٹڈ (این ایچ ایس آر سی ایل) کے نام سے ایک اسپیشل پرپز وہیکل (ایس پی وی) تشکیل دیا گیا ہے۔ ممبئی احمد آباد ہائی اسپیڈ ریل (ایم اے ایچ ایس آر) پروجیکٹ کی موجودہ صورت حال درج ذیل ہے:

1. حتمی لوکیشن  سروے اور جیو ٹیکنیکل تحقیقات مکمل. صف بندی کو حتمی شکل دے دی گئی۔
2. گجرات میں وائلڈ لائف، کوسٹل ریگولیشن زون (سی آر زیڈ) اور فاریسٹ کلیئرنس سے متعلق قانونی منظوری۔
3. تقریباً 1392.6 ہیکٹر زمین کی کل ضرورت میں سے 1374.2 ہیکٹر زمین حاصل کی جاچکی ہے۔
4. پورے پروجیکٹ کے کام کو وڈودرا میں ٹریننگ انسٹی ٹیوٹ سمیت ٢٨ کنٹریکٹ پیکیجز میں تقسیم کیا گیا ہے۔ اس وقت 19 پیکجز دیے جاچکے ہیں، 01 کا جائزہ لیا جا رہا ہے اور 03 پیکجز کے لیے نوٹس انوائٹنگ ٹینڈر (این آئی ٹی) شائع کیا جا چکا ہے اور بقیہ 5 پیکجز کے لیے این آئی ٹی شائع ہونا ابھی باقی ہے۔
5. گجرات اور دادرا اور نگر حویلی میں واقع کل 352 کلومیٹر طویل پروجیکٹ میں سے 352 کلومیٹر لمبائی میں سول ورکس دسمبر 2020 سے مختلف مراحل میں شروع ہوچکے ہیں۔ نومبر 2022 کے آخر تک، کل 352 کلومیٹر بلند وایاڈکٹ میں سے، تقریباً 212.3 کلومیٹر پائلنگ، 129.2 کلومیٹر فاؤنڈیشن، 113.3 کلومیٹر گھاٹ، اور 14 کلومیٹر سپر اسٹرکچر مکمل ہوچکا ہے۔
6. 1651 میں سے 1596 یوٹیلیٹیز کو منتقل کر دیا گیا ہے۔

یہ اطلاع ریلوے، مواصلات اور الیکٹرانک اور انفارمیشن ٹکنالوجی کے وزیر جناب اشونی ویشنو نے آج لوک سبھا میں ایک سوال کے تحریری جواب میں دی۔

***

(ش ح-ع ا-ع ر)

U. No. 14167

(Release ID: 1885581)