وزیر دفاع جناب راج ناتھ سنگھ نے 14 دسمبر 2022 کو سابق فوجیوں کی معاون صحت اسکیم (ای سی ایچ ایس ) سے مستفید ہونے والوں کی طرف سے ملٹری/آرمڈ فورسز کے ہسپتالوں میں علاج کے لیے چارج کیے جانے والے ہسپتال اسٹاپج رولز (ایچ ایس آر) کی مکمل ادائیگی کی پالیسی کو منظوری دی۔ وزارت دفاع کو ایچ ایس آر کی ادائیگی کے حوالے سے متعددالزامات پر مبنی بیانات موصول ہوئے ہیں کیونکہ ملٹری ہسپتال اور ای سی ایچ ایس کے درمیان استفادہ کنندگان کی طرف سے طبی علاج کے حوالے سے  کچھ  بے قاعدگی پائی گئی ہے ۔

ای سی ایچ ایس کے تحت موجودہ پالیسی کے مطابق، ایچ ایس آر اور فوجی ہسپتالوں میں علاج کے لیے خرچ کیے جانے والے دیگر چارجز ای سی ایچ ایس کے رکن کی طرف سے مکمل طور پر ادا کیے جاتے ہیں اور یہ قابل واپسی نہیں ہیں۔ یہ ہسپتال صرف سابق فوجیوں، ان کی شریک حیات، 25 سال سے کم عمر کے بچوں اور والدین تک کے لئے مفت علاج فراہم کرتے ہیں۔ زیر کفالت بھائیوں/بہنوں، غیر شادی شدہ بہنوں اور معذور بچوں کو علاج کے لیے نااہل قرار دیا گیا تھا اور انہیں ایچ ایس آر چارجز ادا کرنے ہوں گے۔ تاہم، ای سی ایچ ایس کے تحت، ایک بنیادی فائدہ اٹھانے والا اور اس کے زیر کفالت افراد بغیر نقدی کے علاج کے اہل ہیں۔

وزیر دفاع کی منظوری کے بعد، موجودہ پالیسی میں ترمیم کی گئی ہے اور اب فوجی ہسپتالوں میں علاج کے لیے خرچ ہونے والے ایچ ایس آر اور دیگر چارجز کی پوری ادائیگی ای سی ایچ ایس فائدہ اٹھانے والے کے ذریعے کی جائے گی، جس کی باز ادائیگی کی جائے گی۔ فوجی ہسپتالوں میں سابق فوجیوں اور ان کے زیر کفالت افراد کو باوقار علاج فراہم کرنے کی سمت میں اٹھایا جانے والا یہ ایک بڑا اقدام ہے۔

**********

ش ح۔ س ب۔ ف ر

U. No.13837

(Release ID: 1883654) Visitor Counter : 132