పిఏసిఎస్‌ (ప్రైమరీ అగ్రికల్చరల్ క్రెడిట్ సొసైటీ)లు పంచాయతీ/ గ్రామ స్థాయిలో దేశంలో స్వల్పకాలిక సహకార క్రెడిట్ నిర్మాణంలో కీలక పాత్రను కలిగి ఉన్నాయి. రైతులకు స్వల్పకాలిక మరియు మధ్యకాలిక రుణాలు మరియు ఎరువులు, పురుగుమందులు, విత్తనాలు మొదలైన ఇతర ఇన్‌పుట్ సౌకర్యాలను అందించడం ద్వారా దేశంలోని గ్రామీణ ఆర్థిక వ్యవస్థను నిలబెట్టడంలో ఇవి కీలకమైన లింక్‌గా పనిచేస్తాయి. దేశంలో దాదాపు 95,000 పిఎసిలు ఉన్నాయి, సభ్యుల సంఖ్య సుమారు 13 కోట్లు. వీటిని నాబార్డ్ 351 జిల్లా సెంట్రల్ కోఆపరేటివ్ బ్యాంకులు (డిసిసిబిలు) మరియు 34 స్టేట్ కోఆపరేటివ్ బ్యాంకులు (ఎస్‌టిసిబిఎస్) ద్వారా రీఫైనాన్స్ చేశారు.ఎస్‌టిసిబిఎస్‌ మరియు డిసిసిబిలు కలిసి ఏటా దాదాపు రూ.5 లక్షల కోట్ల గ్రామీణ క్రెడిట్‌ను అందిస్తాయి. వీటిలో రూ.3 1.3 లక్షల కోట్లు నాబార్డ్ చేత రీఫైనాన్స్ చేయబడతాయి.

పారదర్శకతను మెరుగుపరచడం, సామర్థ్యాన్ని పెంపొందించడం, రుణాల సత్వర పంపిణీని నిర్ధారించడం, డిసిసిబిలు మరియు ఎస్‌టిసిబీలతో అవాంతరాలు లేని అకౌంటింగ్‌ను కలిగి ఉండటం మరియు చెల్లింపులలో అసమతుల్యతను తగ్గించడం కోసం మూడు సంవత్సరాలలో 63,000 ఫంక్షనల్ పిఏసిఎస్‌ల కంప్యూటరైజేషన్ కోసం మొత్తం రూ.2,516 కోట్ల ఆర్థిక వ్యయంతో ప్రాజెక్ట్ చేయబడింది. జూన్ 29, 2022 నాటి నిర్ణయానికి అనుగుణంగా ఆర్థిక వ్యవహారాలపై క్యాబినెట్ కమిటీ ఆమోదించింది. ఈ ప్రాజెక్ట్ అన్ని ఫంక్షనల్ పిఏసిఎస్‌లను నాబార్డ్‌తో ఎస్‌టిసిబీలు మరియు డిసిసిబిల ద్వారా లింక్ చేయడానికి ఈఆర్‌పి (ఎంటర్‌ప్రైజ్ రిసోర్స్ ప్లానింగ్) ఆధారిత సాధారణ సాఫ్ట్‌వేర్‌లోకి తీసుకువస్తుంది. కామన్ అకౌంటింగ్ సిస్టమ్ (సిఏఎస్) మరియు మేనేజ్‌మెంట్ ఇన్ఫర్మేషన్ సిస్టమ్ (ఎంఐఎస్‌) అమలు పిఏసిఎస్‌ వారి కార్యకలాపాలను ఆన్‌లైన్‌లో నిర్వహించడానికి, డిసిసిబిలు మరియు ఎస్‌టిసిబీల ద్వారా నాబార్డ్‌ నుండి రీఫైనాన్స్/రుణాలను పొందేందుకు వీలు కల్పిస్తుంది. ప్రస్తుతం పిఏసిఎస్‌  చేపట్టే ఆర్థిక కార్యకలాపాలు వాటి సంబంధిత బైలాల ద్వారా పరిమితం చేయబడ్డాయి. ఇవి చాలా సందర్భాల్లో పాతవిగా మారాయి మరియు సవరించాల్సిన అవసరం ఉంది. దీంతో పిఏసిఎస్‌ని బలోపేతం చేయడానికి మరియు పంచాయితీ స్థాయిలో వాటిని శక్తివంతమైన ఆర్థిక సంస్థలుగా మార్చడానికి వారి వ్యాపార కార్యకలాపాలను వైవిధ్యపరచడానికి పిఏసిఎస్‌ నమూనా ఉపనిబంధనలను అన్ని రాష్ట్రాలు/కేంద్రపాలిత ప్రాంతాలు, మంత్రిత్వ శాఖలు/భారత ప్రభుత్వానికి సంబంధించిన విభాగాలు, నాబార్డ్‌, నాఫ్స్‌కాబ్, రాష్ట్ర సహకార బ్యాంకులు, జిల్లా సహకార బ్యాంకులు మొదలైన వాటితో సంప్రదించిన తర్వాత మంత్రిత్వ శాఖ రూపొందించింది. పిఏసిఎస్‌కు చెందిన ఈ మోడల్ ఉపనిబంధనలు పాడి పరిశ్రమ, మత్స్య పరిశ్రమ, పూల పెంపకం, గోడౌన్ల ఏర్పాటు, ఆహార ధాన్యాల సేకరణ, ఎరువులు, విత్తనాలు, ఎల్‌పిజీ, సిఎన్జీపెట్రోల్/డీజిల్ డిస్ట్రిబ్యూటర్‌షిప్, స్వల్పకాలిక & దీర్ఘకాలిక క్రెడిట్, అనుకూల నియామక కేంద్రాలు, సాధారణ సేవా కేంద్రాలు, సరసమైన ధరల దుకాణాలు (ఎఫ్‌పిఎస్‌), కమ్యూనిటీ నీటిపారుదల, వ్యాపార కరస్పాండెంట్ కార్యకలాపాలు, సాధారణ సేవా కేంద్రం మొదలైన 25 కంటే ఎక్కువ వ్యాపార కార్యకలాపాలను చేపట్టేందుకు వీలు కల్పిస్తాయి.

            ఈ రోజు రాజ్యసభలో ఒక ప్రశ్నకు వ్రాతపూర్వక సమాధానంలో సహకార మంత్రి శ్రీ అమిత్ షా ఈ సమాచారాన్ని పేర్కొన్నారు.


 

*****

(Release ID: 1883640) Visitor Counter : 191