آج راجیہ سبھا میں ڈاکٹر کے لکشمن کو دیے گئے ایک تحریری جواب میں دفاع کے وزیر مملکت جناب اجے بھٹ کے ذریعہ یہ اطلاع فراہم کی گئی کہ  گذشتہ تین برسوں کے دوران دفاع اور ایرو اسپیس کے شعبہ میں اختراع کی غرض سے افراد اور اسٹارٹ اپ اداروں کو  فروغ دینے کے لیے تین ’ڈیئر ٹو ڈریم‘ مقابلوں کے تحت مجموعی طور پر 5637 درخواستیں موصول ہوئیں۔ گذشتہ تین برسوں کے دوران ڈیئر ٹو ڈریم مقابلوں کے تحت مجموعی طور پر موصول شدہ 5637 درخواستوں میں سے کل 52 افراد اور 34 اسٹارٹ اپ اداروں کو منظوری دی گئی۔ اب تک 07 پروجیکٹوں کو منظوری دی جا چکی ہے اور انہیں ڈیئر ٹو ڈریم مقابلے کے فاتحین کو تفویض کیا جا چکا ہے۔

دفاع اور ایرواسپیس کے میدان میں اختراعی خیالات کے لیے اختراع کاروں، صنعت کاروں، 18 برس سے زائد کی عمر کے افراد اور اسٹارٹ اپ اداروں (ڈی پی آئی آئی ٹی کے ذریعہ تسلیم شدہ  اور جن کے بانی بھارتی افراد ہوں) کو ایک پلیٹ فارم پر لانے کی غرض سے ، ڈی آر ڈی او2019 سے ہر سال ڈیئر ٹو ڈریم مقابلے کا اہتمام کر رہا ہے۔ اندراجات کی جانچ کے لیے انتخاب کا معیار تجویز کی تکمیل، سائنسی درستگی، ڈیزائن کی تکمیل، میرٹ، تکنیکی تیاری کی حاصل شدہ سطح اور اختراع ہے۔

اس اسکیم سے منتخبہ افراد/کمپنی مستفید ہو رہی ہیں کیونکہ ڈی آر ڈی او تکنالوجی ترقیاتی فنڈ (ٹی ڈی ایف) اسکیم کے توسط سے منظورشدہ آئیڈیاز کو ابتدائی شکل میں لانے کے لیے ان کو تعاون فراہم کرتا ہے۔

******

ش ح۔ا ب ن۔ م ف

U-NO.13688

(Release ID: 1882731) Visitor Counter : 136