ہنرمندی  اور صنعت کاری کے وزیر مملکت جناب راجیو چندر شیکھر نے آج راجیہ سبھا میں ایک تحریری جواب میں  یہ معلومات دی ہے کہ اسکل انڈیا مشن کے تحت،  ہنرمندی و کاروبار کی وزارت (ایم ایس ڈی ای) کے تحت ہنر مندی کی ترقی کے مراکز/انسٹی ٹیوٹ کے ایک جامع نیٹ ورک کے ذریعے مختلف اسکیموں یعنی پردھان منتری کوشل وکاس یوجنا (پی ایم کے وی وائی)، جن شکچھن سنستھان (جے ایس ایس)، نیشنل اپرنٹس شپ پروموشن اسکیم (این اے پی ایس) اور کرافٹسمین ٹریننگ اسکیم (سی ٹی ایس) صنعتی تربیتی اداروں (آئی ٹی آئی) کے ذریعے ملک بھر کے نوجوانوں  کوہنر مندی کی تربیت فراہم کرتی ہے  ۔ ملک میں سرکاری اور نجی شعبے کے ذریعے چلائے جانے والے ہنر مندی کے فروغ کے اداروں اورپی ایم کے وی آئی، جے ایس ایس، این اے پی ایس اور آئی ٹی آئی کے تحت تربیت یافتہ نوجوانوں کی تعداد کی تفصیلات درج ذیل جدول میں ہیں:

 

• *اداروں کی تعداد

ایم ایس ڈی ای کی اسکیموں میں سے، تقرریوں کو خاص طور پر پی ایم کے وی وائی کے تحت ٹریک کیا جاتا ہے۔ پی ایم کے وی وائی کے تحت، ستمبر 2022 تک 24.30 لاکھ امیدواروں کو روزگار فراہم کیا گیا ہے۔ تاہم، دیگر مذکورہ اسکیموں کی تیسری پارٹی کی جانچ کی رپورٹوں کے مطابق، تربیت یافتہ امیدواروں کی تقرری یا آمدنی بڑھانے کے معاملے میں  یہ ایک کامیابی ہے۔ جہاں تک جے ایس ایس اسکیم سے فائدہ اٹھانے والوں کے روزگار کا تعلق ہے، اسکیم کی تھرڈ پارٹی جائزہ رپورٹوں میں دیکھا گیا ہے کہ جے ایس ایس میں منعقدہ تربیتی پروگرام کے اثرات کے طور پر، خود اور اجرت کی ملازمت اور نجی ملازمت لازمی ہوگئی ہے۔ اسکیم کی افادیت اس حقیقت سے مزید واضح ہوگی کہ اسی رپورٹ میں بتایا گیا ہے کہ مستفید ہونے والے تربیت کنندگان میں سے 77.05 فیصد پیشہ ورانہ تبدیلیوں سے گزر چکے ہیں۔ آئی ٹی آئی گریجویٹس کے ٹریسر اسٹڈی کی حتمی رپورٹ (جنوری 2018 میں وزارت ہنرمندی کی ترقی اور انٹرپرینیورشپ، جی اوآئی کے ذریعہ شائع شدہ) میں بتایا گیا ہے کہ کل آئی ٹی آئی پاس آؤٹس میں سے 63.5 فیصدنے ملازمت حاصل کی (اجرت+ازخود، جن میں سے 6.7 فیصد خود ملازم ہیں )۔

 

************

ش ح۔ ج ق   ۔ م  ص

 (U: 13470)

(ریلیز آئی ڈی: 1881692) وزیٹر کاؤنٹر : 129