دہلی کے انڈیا گیٹ کے کرتویہ پتھ پر سماجی انصاف اور تفویض اختیارات کی وزارت کے زیر اہتمام 6 روزہ دویا کلا میلہ بدھ کو شاندار طریقے سے اختتام پذیر ہوا۔ اس موقع پر سماجی انصاف اور تفویض اختیارات کے مرکزی وزیر ڈاکٹر وریندر کمار نے معذوروں کے لیے آن لائن سیل پورٹل www.nhfdcfondation.org کا آغاز کیا اور آئیڈیا-سکشم کی طرف سےخود روزگار کے لئے 75 دیویانگوں میں 16 لاکھ سے زیادہ کی اصل گرانٹ کی رقم تقسیم کی۔اس کے ساتھ ہی ایک درجن دیویانگوں کو مختلف کمپنیوں کی طرف سے روزگار کے خطوط بھی فراہم کیے گئے۔ ساتھ ہی میلے میں حصہ لینے والے 200 سے زیادہ دیویانگ کاروباریوں کو بھی لائف انشورنس کے لیے 5-5 ہزار کی رقم دی گئی۔

 

اس موقع پر ڈاکٹر وریندر کمار نے دویا کلا میلہ کے اپنے تجربے کو شیئر کرتے ہوئے کہا، “دیویانگ لوگوں نے مختلف قسم کےمصنوعات تیا رکئے ہیں اور انہیں سماج کے لوگوں کے لیے یہاں لایا ہے۔ ساتھ ہی اس بات پر زور دیا گیا کہ سکشم بھارت – سمرتھ بھارت اور آتم نربھربھارت میں معذور افراد کی شرکت ضروری ہے۔ دیویانگ جنوں کی خود انحصاری کو فروغ دینے کا وزارت کا مقصد دویا کلا میلہ میں کافی حد تک حاصل کیا گیا ہے۔ معذور افراد اور ان کی مصنوعات کو ملک اور بیرون ملک فروخت کے لیے آن لائن سروس فراہم کی جا رہی ہے۔

سماجی انصاف اور تفویض اختیارات کے وزیر مملکت رام داس اٹھاولے نے اختتامی تقریب میں کہا کہ "دویا کلا میلہ" نے "آتم نربھر بھارت" کے عزم کو پورا کرنے کا مقصد حاصل کیا ہے اور ملک کے کونے کونے سے تعلق رکھنے والے دیویانگ کاریگروں، فنکاروں، دستکاروں اور کاروباریوں کو بڑے پیمانے پر روزگار اور خود روزگار فراہم کیا ہے۔ یہ مواقع کے ساتھ جڑنے کی مضبوط مہم ثابت ہوئی ہے۔

ریاستی وزیر پرتیما بھومک نے کہا کہ کرتویہ پتھ کی تشکیل کے بعد، ہماری وزارت کو دویا کلا میلہ منعقد کرنے کا یہ پہلا موقع ملا ہے اور دیویانگوں نے میلے میں اپنے بہترین پروڈکٹس کی نمائش کرکے آتم نربھر بھارت کو دکھایا ہے۔ میلے میں مختلف شعبوں میں بہترین کارکردگی دکھانے پر دیویانگوں کو بھی نوازا گیا ہے۔ دیویانگ محمد نسیم کو دو لاکھ 60 ہزار کی زیادہ سے زیادہ فروخت کے لیے، راجن گواڈے کو بہترین اسٹال کے لیے ، ہمانشی آنند کو قلم کاری اور آرٹ کے لیے اور کلاشری کو بہترین خواتین کے زمرے کے لیے نوازا گیا۔

اس میلے میں دہلی کے لوگوں نے معذور افراد کے فن اور ہنر کی تعریف کی اور ان کے تیار کردہ سامان کو لے کر گئے۔ اس 6 روزہ میلے میں 80 لاکھ روپے سے زیادہ کی فروخت ہوئی۔ آئیڈیا-سکشم نے میلے میں مختلف معذور کاروباریوں کو تربیت کے ساتھ ساتھ اصل گرانٹ کی تقسیم بھی کی۔

"دویا کلا میلہ" میں 22 ریاستوں اور مرکز کے زیر انتظام علاقوں کے 200 سے زیادہ دیویانگ کاریگروں، فنکاروں، کاروباریوں نے اپنی مہارت، فن اور کاروباری صلاحیت کا مظاہرہ کیا۔ شام کو ثقافتی پروگراموں کا انعقاد کیا گیا جس سے میلے میں شریک لوگوں نے خوب لطف اٹھایا۔

 

..................................................................................................................

ش ح۔ اک- ع ر

U-13465

(ریلیز آئی ڈی: 1881679) وزیٹر کاؤنٹر : 154