وزیر اعظم جناب نریندر مودی کے سوچھتا پروگرام  کو ادارہ جاتی بنانے اور حکومت میں زیر التواء  پڑے کام کاج کے  بوجھ کو کم سے کم  کرنے کے وژن اور مشن سے تحریک حاصل کرتے ہوئے، بھاری صنعتوں کی وزارت نے 2 اکتوبر سے 31 اکتوبر 2022 تک ایک خصوصی مہم 2.0 شروع کی ہے جس میں زیر التواء  پڑے  معاملات کو نمٹانے،  جگہ کے مناسب بندوبست کرنے اور  ماحول کو صاف ستھرا اور سرسبز بنانےپر خصوصی زور دیا گیا ہے۔

اس مقصد کو آگے بڑھاتے ہوئے، وزارت پہلے ہی مہم کے لیے مقرر کردہ اہداف کو پیچھے چھوڑ چکی ہے اور فائدہ مند استعمال اور اسکریپ اور فالتو مواد کو ضائع کرنے سے حاصل ہونے والی آمدنی کے لیے خالی جگہ حاصل کرنے کے سلسلے میں قابل ذکر کامیابی حاصل کر چکی ہے۔

وزارت ملک بھر میں پھیلی ہوئی اپنی  سی پی ایس ایزاور خودمختار اداروں کے ساتھ  کے مل کر اسکریپ اور فضلہ مواد کو ٹھکانے لگانے کے لیے سرگرم عمل ہے، اس طرح دفتر کی جگہ، جمنازیم، لائبریری، کینٹین وغیرہ جیسے فائدہ مند استعمال کے لیے 20.32 لاکھ مربع فٹ جگہ بنائی گئی ہے اور ماحول کو صحت مند بنایا جا رہا ہے۔

وزارت کے تمام دفاتر میں صفائی سے متعلق سرگرمیاں، فائلوں کا جائزہ/جگہ نکالنا، جگہ کے مفید استعمال وغیرہ سے متعلق سرگرمیاں شروع کی جا رہی ہیں۔ افسران کو ریکارڈ مینجمنٹ، فزیکل ریکارڈ کو ڈیجیٹل  شکل میں  منتقل کرنے کی خصوصی تربیت دی جا رہی ہے۔

مہم کے دوران 84890 فائلوں کا جائزہ لیا گیا جن میں سے 52445 فائلوں کو ختم کیا جا چکا ہے۔ اسکریپ ڈسپوزل کی فروخت سے حاصل ہونے والی رقم کی شکل میں  5.71 کروڑ روپے کمائے گئے ہیں۔

روزانہ کی پیشرفت کی نگرانی اس کام کے لئے مخصوص کردہ ایک ٹیم کے ذریعے کی جا رہی ہے اور اسے انتظامی اصلاحات اور عوامی شکایات کے محکمے کے زیر اہتمام ایس سی پی ڈی ایم  پورٹل پر اپ لوڈ کیا جا رہا ہے۔ صفائی کا جذبہ اور صفائی کی طرف تہوار کا جذبہ اپنے عروج پر ہے۔

ایک ماہ تک جاری رہنے والی یہ مہم 31 اکتوبر 2022 کو اختتام پذیر ہونے والی ہے، لیکن وزارت میں تمام افسران اور عملے نے سوچھتا کو زندگی کا ایک طریقہ بنا دیا ہے جو کبھی ختم نہیں ہوگا اور مزید بڑھتا جائے گا۔

*************

 

 

ش ح۔ س ب ۔ رض

U. No.13299

(Release ID: 1880912)