1. ایک ہزار کلو واٹ سے کم شدہ 100 کلو واٹ کی لوڈ کی حد کے ساتھ کسی بھی صارف کو گرین انرجی  اوپن ایکسیس کی اجازت ہے۔
2. پورٹل صارفین کو شفاف، آسان، یکساں اور ہموار طریقہ کار کے ذریعے آسانی سے گرین پاور تک رسائی کی اجازت دے گا۔
3. صارفین گرین پاور تک رسائی سے فائدہ اٹھائیں گے۔ گرین انرجی اوپن ایکسیس کے لیے منظوری ایک صارف کو 15 دنوں کے اندر مقررہ مدت میں دی جائے گی۔

 

جناب آر کے سنگھ، مرکزی وزیر برائے بجلی اور این آر ای گرین انرجی اوپن ایکسیس پورٹل کے آغاز کے موقع پر اظہار خیال کرتے ہوئے

حکومت ہند کی طرف سے صاف اور سبز توانائی کو فروغ دینے کے لیے کئی اقدامات کے تسلسل میں، بجلی اور نئی اور قابل تجدید توانائی کے مرکزی وزیر، جناب آر کے سنگھ نے آج ویڈیو کانفرنسنگ کے ذریعے گرین انرجی اوپن ایکسیس پورٹل کا آغاز کیا۔ بجلی کے وزیر مملکت جناب کرشن پال بھی اس موقع پر موجود تھے۔ اس موقع پر سیکرٹری (بجلی)، چیئرپرسن، سی ای اے اور سی ایم ڈی، پوسوکو سمیت دیگر سینئر افسران بھی موجود تھے۔ ریاستوں، ریگولیٹری کمیشنوں، آر ای  ڈویلپرز اور دیگر اسٹیک ہولڈرز کے تقریباً 500 شرکاء بھی  اس تقریب میں شریک  ہوئے کی۔

کوئی بھی صارف 100 کلو واٹ یا اس سے زیادہ کے منسلک لوڈ کے ساتھ  خود اپنے یا کسی ڈیولپر کی طرف  سے  قائم کردہ کسی قابل تجدید توانائی پیدا کرنے والے پلانٹ سے اوپن ایکسیس کے ذریعے قابل تجدید توانائی حاصل کر سکتا ہے۔کھلی رسائی 15 دنوں کے اندر دی جانی چاہیے۔ اس پورٹل پر کھلی رسائی کے لیے درخواست دی جا سکتی ہے۔

اس پورٹل پر  https://greenopenaccess.in/ سبز توانائی کی کھلی رسائی سے متعلق درخواستوں کی کارروائی کے لیے اسٹیک ہولڈرز بشمول کھلی رسائی کے شرکاء، تاجر، پاور ایکسچینج، قومی/علاقائی/ ریاستی لوڈ ڈسپیچ مراکز، مرکزی/ ریاستی ٹرانسمیشن کی افادیت  کے لئے رسائی حاصل کی جا سکتی ہے ۔ یہ پورٹل سبز توانائی تک کھلی رسائی دینے کے لیے ایک شفاف، آسان، یکساں اور ہموار طریقہ کار فراہم کرتا ہے، جو کہ بجلی کی منڈیوں کو گہرا کرنے اور قابل تجدید توانائی (آر ای) وسائل کو گرڈ میں انضمام کے لائق  بنانے کے لئے کلیدی حیثیت رکھتا ہے۔

بجلی کی وزارت نے 06 جون 2022 کو بجلی (گرین انرجی اوپن رسائی کے ذریعے قابل تجدید توانائی کو فروغ دینے کے لئے) قواعد، 2022 کو نوٹیفائی  کیا ہے۔ ان قوانین کا مقصد سبز توانائی کی پیداوار، خریداری اور استعمال کو فروغ دینا ہے ،جس میں فضلہ سے توانائی کے پلانٹس سے توانائی حاصل کرنا  شامل ہے۔

مرکزی وزیر جناب آر کے سنگھ نے اس موقع پر اظہار خیال کرتے ہوئے صاف توانائی میں منتقلی کی اہمیت کا ذکر کیا۔ انہوں نے ذکر کیا کہ ہندوستان دنیا کی آبادی کا تقریباً 17 فیصد ہونے کے باوجود عالمی اخراج میں صرف 3.5 فیصد کا حصہ ڈال رہا ہے اور ہندوستان عالمی سطح پر صاف توانائی کی منتقلی کی قیادت کر رہا ہے اور آر ای  صلاحیت میں اضافے کی سب سے تیز رفتار ترقی کر رہا ہے۔ وزارت بجلی نے اس سلسلے میں بہت سے اقدامات کیے ہیں اور بہت سے ترقی کے مراحل میں ہیں۔ انہوں نے اصلاحاتی عمل میں نفاذ کی آسانی کی اہمیت پر زور دیا۔

وزیر مملکت برائے بجلی، جناب کرشن پال نے کہا کہ گرین اوپن ایکسیس قوانین کا مقصد آر پی او کی تکمیل کے لیے سبز توانائی کی پیداوار، فروخت اور خریداری اور استعمال تک رسائی فراہم کرنا ہے۔ انہوں نے کہا کہ یہ قواعد زیادہ تر چھوٹے صارفین کو فائدہ پہنچائیں گے اور قابل تجدید توانائی کے لیے کھلی رسائی کے انتظام میں حائل رکاوٹوں کو دور کریں گے۔

بجلی کی وزارت کے سکریٹری جناب آلوک کمار نے مستقبل میں سبز اور صاف توانائی کے وسائل کے ساتھ توانائی کی حفاظت کی ضرورت کا ذکر کیا۔ ہندوستان غیر فوصل ایندھن کے ذرائع سے 50 فیصد نصب شدہ صلاحیت کے این ڈی سی  اہداف کو پورا کرنے کے لئے پرعزم ہے اور سبز توانائی کی منتقلی میں بڑے پیمانے پر انقلاب کے آغاز کے راستے پر ہے۔ گرین انرجی اوپن ایکسیس کے قوانین تمام جنریٹرز، ڈی آئی ایس سی او ایمز اور دیگر اسٹیک ہولڈرز کی شرکت کے ساتھ صاف توانائی کی منتقلی کے ہندو ستان کے ویژن کی حمایت کرتے ہیں۔ انہوں نے مختلف اصلاحات اور اقدامات کا ذکر کیا، جیسے کہ قابل تجدید توانائی کے انضمام کے لیے مربوط ٹرانسمیشن کی منصوبہ بندی، کاربن مارکیٹ، ہم آہنگی اور ہم آہنگ کیپٹیو استعمال اور قابل تجدید توانائی کے لیے بینکنگ۔

نوڈل ایجنسیاں پورٹل کے ذریعے اسٹیک ہولڈرز تک سبز توانائی کی کھلی رسائی سے متعلق پیش رفت کی رپورٹیں پوسٹ کریں گی۔ گرین انرجی اوپن ایکسیس کی منظوری 15 دنوں میں دی جائے گی، ورنہ پورٹل کے ذریعے تکنیکی ضروریات کو پورا کرنے کے ساتھ ہی اسے منظور شدہ سمجھا جائے گا۔

اس اقدام کا مقصد سب کے لیے سستی، قابل اعتماد، پائیدار، اور سبز توانائی کو یقینی بنانا ہے۔ صارفین اب آسانی سے آر ای  پاور تک رسائی حاصل کر سکتے ہیں۔

Hon'ble Minister of Power and New & Renewable Energy, Shri R K Singh launched the Green Energy Open Access Portal through Video Conferencing. pic.twitter.com/Dgn2YAqfcb

— Office of R.K. Singh (@OfficeOfRKSingh) November 11, 2022

انسٹاگرام لنک: https://www.instagram.com/p/Ck0pHBqvESn/?igshid=YmMyMTA2M2Y

فیس بک لنک:

https://www.facebook.com/RajKumarSinghIndia/posts/pfbid0v6mnWHuJPBerjoU5zrFV7HDq6x5PsPZFQ3gHHsvQZyrDWztTqbNnBaLydK8fpvHpl

۰۰۰۰۰۰۰۰

(ش ح- اک- ق ر)

U-12853

(Release ID: 1878227) Visitor Counter : 176