પેન્શન અને પેન્શનર્સ કલ્યાણ વિભાગ, કર્મચારી, જાહેર ફરિયાદ અને પેન્શન મંત્રાલય, ભારત સરકાર દ્વારા કેન્દ્ર સરકારના પેન્શનરો માટે ડિજિટલ લાઇફ સર્ટિફિકેટના પ્રચાર માટે રાષ્ટ્રવ્યાપી ઝુંબેશ શરૂ કરવામાં આવી છે. નવેમ્બર 2021માં, ડૉ. જીતેન્દ્ર સિંહ, માનનીય રાજ્ય મંત્રી (PP) એ કોઈપણ Android મોબાઇલ ફોન દ્વારા જીવન પ્રમાણપત્ર સબમિટ કરવાની માઇલસ્ટોન ફેસ ઓથેન્ટિકેશન ટેકનિક લોન્ચ કરી હતી. હવે ડિપાર્ટમેન્ટ ડિજિટલ મોડ દ્વારા લાઇફ સર્ટિફિકેટને પ્રમોટ કરવા અને ફેસ ઓથેન્ટિકેશન ટેકનિકને લોકપ્રિય બનાવવા માટે વિશેષ રાષ્ટ્રવ્યાપી ઝુંબેશ શરૂ કરી રહ્યું છે. તમામ રજિસ્ટર્ડ પેન્શનર્સ એસોસિએશન, પેન્શન વિતરણ કરતી બેંકો, ભારત સરકારના મંત્રાલયો અને CGHS વેલનેસ સેન્ટરોને પેન્શનરોના 'ઇઝ ઑફ લિવિંગ' માટે વિશેષ શિબિરોનું આયોજન કરીને જીવન પ્રમાણપત્ર સબમિટ કરવા માટે ડિજિટલ લાઇફ સર્ટિફિકેટ/ફેસ ઓથેન્ટિકેશન ટેકનિકને પ્રોત્સાહન આપવા માટે નિર્દેશ આપવામાં આવ્યો છે.

આ શ્રેણીમાં, પેન્શન અને પેન્શનર્સ કલ્યાણ વિભાગના નિયામક ડૉ. પ્રમોદ કુમારના નેતૃત્વમાં કેન્દ્ર સરકારની એક ટીમ ગુજરાતના બે શહેરોની મુલાકાત લેશે. વડોદરા કેમ્પ 14મી નવેમ્બર, 2022ના રોજ દત્તા રોડ સ્ટેટ બેંક ઓફ ઈન્ડિયા, અલકાપુરી શાખા, નેહા એપાર્ટમેન્ટ, આર.સી. ખાતે યોજાશે. જ્યારે અમદાવાદ કેમ્પ 15મી નવેમ્બર, 2022ના રોજ સ્ટેટ બેંક ઓફ ઈન્ડિયા, વહીવટી કચેરી, સીએન વિદ્યાલય, આંબાવાડી ખાતે યોજાશે. તમામ પેન્શનરો ડિજિટલ માધ્યમથી તેમના જીવન પ્રમાણપત્રો સબમિટ કરવા માટે કેન્દ્રની મુલાકાત લઈ શકે છે.

અગાઉ લાઇફ સર્ટિફિકેટ ફિઝિકલ સ્વરૂપે જમા કરાવવું પડતું હતું અને આ માટે વૃદ્ધ પેન્શનધારકોને કલાકો સુધી બેંકોની બહાર કતારોમાં ઊભા રહેવું પડતું હતું. હવે, તેમના ઘરમાં આરામથી એક બટનના ક્લિક પર તે શક્ય બન્યું છે.

કેન્દ્રીય ટીમે બેંક/પોસ્ટ ઑફિસમાં આધાર કાર્ડ, OTP માટે રજિસ્ટર્ડ મોબાઇલ નંબર, PPO નંબર અને એકાઉન્ટ નંબર જેવા ચોક્કસ દસ્તાવેજ લાવવા વિનંતી કરી છે, ખાસ કરીને જો તેઓ પ્રથમ વખત ફેસ ઓથેન્ટિકેશન દ્વારા DLC કરી રહ્યાં હોય. આ સુવિધા રાજ્ય સરકાર સહિત અન્ય પેન્શન મંજૂર કરતી સંસ્થાઓના પેન્શનરો માટે પણ ઉપલબ્ધ છે.

કેન્દ્રીય ટીમે તમામ પેન્શનધારકોને વિભાગની અધિકૃત યુટ્યુબ ચેનલ - DOPPW_INDIAOFFICIALની મુલાકાત લેવા વિનંતી કરી છે જ્યાં સરળ ભાષામાં ફેસ ઓથેન્ટિકેશન ટેકનીક દ્વારા જીવન પ્રમાણપત્ર સબમિટ કરવાની પ્રક્રિયા સમજાવતા બે વીડિયો અપલોડ કરવામાં આવ્યા છે.

 

YP/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(Release ID: 1875563) Visitor Counter : 148