وزارت ثقافت (ایم او سی) کے ذریعہ خصوصی مہم 2.0 کے نفاذ کا مرحلہ مکمل کرلیا گیا ہے جو  ایم او سی کے تمام افسران کیلئے ریکارڈ کے بندوبست اور فائل جمع کرنے کے رہنما خطوط اور تبادلہ خیال پر خصوصی توجہ دینے کے ساتھ نیشنل آرکائیوز آف انڈیا (این اے آئی) میں ایک روزہ ورکشاپ کے ساتھ شروع ہوا۔ اس مرحلے کے دوران حاصل کی گئی کچھ کامیابیاں حسب ذیل ہیں:

• تقریباً 65 فیصد زیر التواء ایم پی  کے حوالہ جات کو نمٹا دیا گیا ہے
• آئی ایم سی ریفرنسز میں 100 فیصد تصفیہ
• درج کرائی گئی عوامی شکایات میں سے تقریباً 80 فیصد پر کام مکمل کیا جاچکا ہے
• آج تک زیر التواء پی ایم او حوالہ جات کا تقریباً 55 فیصد نمٹار ہ کیا گیا
• 2 ضوابط/ طریقہ کار کی نشاندہی اور آسان کر دی گئی ہے
• جائزہ کے لیے مختص کی گئی 100 فیصد فزیکل فائلوں کا جائزہ لیا گیا ہے
• جن تمام 225 سوچھتا ابھیان مقامات  کی نشاندہی کی گئی ہے، انہیں کامیابی کے ساتھ صاف کیا گیا ہے۔
• کوڑے کی فروخت سے 38,52,946 روپے کی آمدنی ہوئی ہے۔

شاستری بھون، نئی دہلی میں وزارت کے دفتر کے احاطے میں صفائی کی وسیع سرگرمیاں جاری ہیں تاکہ کام کرنے کا ایک صحت مند ماحول اور دفتری جگہ کا زیادہ سے زیادہ استعمال کیا جا سکے۔ ثقافت کی وزارت کے سکریٹری جناب گووند موہن اور جوائنٹ سکریٹری (انتظامیہ) نے مجموعی کام کا معائنہ  اور نگرانی کی۔

 

سکریٹری (ثقافت) نے وزارت میں صفائی کی سرگرمیوں کا جائزہ لیا

وزارت ثقافت کے مختلف ڈویژنوں کو فیلڈ دفاتر میں مہم کی نگرانی کے لیے مناسب طور پر حساس بنایا گیا۔ وزارت کو اپنے منسلک اور ماتحت دفاتر اور خود مختار اداروں یعنی عجائب گھروں، قومی کتب خانوں، اکیڈمیوں، بدھ اداروں وغیرہ سے مثبت جواب ملا۔ کچھ اہم نکات ذیل میں دیئے گئے ہیں۔

اے ایس آئی نے اس مہم کو انتہائی سنجیدگی کے ساتھ انجام دیا اور کشمیر سے کنیا کماری اور اروناچل سے گجرات تک اپنے مختلف علاقائی حلقوں کے ذریعے پورے ملک میں بڑے پیمانے پر صفائی مہم چلائی۔ یہ کہنے کی ضرورت نہیں کہ صاف ستھری یادگاریں بڑی تعداد میں سیاحوں کو راغب کرتی ہیں۔

   

اے ایس آئی نے مرکزی طور پر محفوظ یادگاروں پر صاف صفائی کی سرگرمیاں انجام دیں

یہ مہم چھتیس گڑھ کے بائیں بازو کی انتہائی پسندی سے متاثر خطہ  ( این ٹی ای اے) جیسے بستر علاقے میں بھی چلائی گئی۔ (اے این آرسی)کے  سب ریجنل سنٹر، جگدل پور نے خصوصی مہم 2.0 میں سرگرمی سے حصہ لیا جس میں جھاڑیوں سے بھرے کمپلیکس کو صاف ستھرے روایتی ڈورلا قبائلی جھونپڑی میں تبدیل کرنا جیسے جدید خیالات کے ساتھ سرگرمی سے حصہ لیا جو کمیونٹی کی شراکت داری کے ساتھ موجودہ اوپن ایئر بشریات سانسی میوزیم کو مزید وسعت دے گا۔ عملے کے ارکان نے سب سے پہلے 2 اکتوبر 22 کو احاطے کی صفائی کی۔ اس کے بعد، ڈورلا قبائلی برادری کے اراکین سے ان کی شرکت کے لیے رابطہ کیا گیا، جس سے حکومت کے عوامی شرکت کے مقصد کو مزید تقویت ملی۔ گھروں کی اطراف کی دیواریں عموماً بانس کی ٹہنیوں یا پتلی ٹہنیوں پر مٹی کے پلاسٹر سے بنی ہوتی ہیں۔ کھجور کے پتوں سے گھر کی دیواریں تیار کی جاتی ہیں۔

 

صفائی کی سرگرمیاں مقامی کمیونٹی کے ساتھ مل کر مکمل کی گئیں

سکما ضلع کے کونٹا کے کمیونٹی ممبران بھی کام شروع کرنے کے لیے ٹیم میں شامل ہوئے۔ ڈورلا جھونپڑی کی تعمیر 30 اکتوبر 2022 کو مکمل ہوئی۔

یہ دورلا جھونپڑی علاقے کے لوگوں کے حیاتیاتی ثقافتی پہلو سے متعلق معلومات اور علم کی ترسیل کے مرکز کے طور پر کام کرے گی۔

 

مستند ڈورلا قبائلی ہٹ سیٹ اپ

 دفتر اور میوزیم کی عمارت میں اور اس کے ارد گرد صفائی کی سرگرمیاں این آرسی، پورٹ بلیئر کے ذریعہ دو اکتوبر سے 19 اکتوبر 2022تک مکمل کی گئیں۔ 17 اکتوبر 2022 کو زونل اینتھروپولوجیکل میوزیم (زیڈ اے ایم) کے داخلی دروازے پر دفتر-کم-لائبریری کی عمارت کے پیچھے جھاڑیوں اور کچرے کو صاف کرکے ایک خصوصی صفائی مہم چلائی گئی۔

 

صفائی کی سرگرمیاں اور دفتر کے احاطے کو خوبصورت بنانا

میوزیم کمپلیکس میں غیر استعمال شدہ جگہوں کے استعمال کے لیے ایک خصوصی مہم شروع کی گئی۔ مذکورہ علاقے میں موجود جھاڑیوں، پودوں اور جنگلی گھاسوں کو صاف کر دیا گیا ہے۔ نکوبار جزائر سے تعلق رکھنے والے نکوباریس قبیلے کی روایتی رہائشی اکائیاں/جھونپڑیوں کو صاف کیے گئے علاقے میں کھڑا کیا جائے گا۔ ان جھونپڑیوں کی تعمیر قبیلے کے رہائش گاہ سے دستیاب قدرتی مواد کا استعمال کرتے ہوئے مقامی بنائے  رکھنے کے لیے کیا گیا تھا۔ یہ مقامی لوگوں کی مدد سے قبائلی رہنما/ قبائلی کونسل کے کپتان کی شرکت سے کیا گیا۔ یہ اس علاقے کے قبائلی ثقافت کے مقامی لوگوں کے لیے ماحول دوست زندگی گزارنے کے تعلق سے سیکھنے کا ایک مقام بھی ہوگا۔ اس کے ساتھ ساتھ اس علاقے میں قبائلی برادریوں کی مدد سے روایتی جاراوا قبائلی جھونپڑیاں اور شومپین قبائلی جھونپڑیاں بھی قائم کی گئیں۔ ان تمام قبائلی جھونپڑیوں کی تعمیر 30 اکتوبر 2022 تک مکمل ہو گئی تھی۔

جاراوا ٹرائبل ہٹ                      نیکوباریز ٹرائبل ہٹ                          شومپین ٹرائبل ہٹ

 

یہ قبائلی روایتی جھونپڑیاں اب سیاحوں کو ماحول دوست جھونپڑیوں/ رہائش گاہوں کے بارے میں آگاہ کریں گی جو مقامی سوسائٹیوں کے ذریعے استعمال کی جا رہی ہیں۔

بوگڈی، میسور میں واقع اے این ایس آئی کے جنوبی علاقائی مرکز نے اپنے پسماندہ علاقے میں تقریباً 2.5 ایکڑ غیر استعمال شدہ اراضی کو صاف کیا کیونکہ جھاڑیوں کی وجہ سے اکثر جنگلی جانور آجاتے ہیں۔ اب 1.5 ایکڑ اراضی کو مخصوص مقاصد کے لیے استعمال کیا جا گیا ہے، جس میں یوگ ٹریک اور قبائلی آباد کاری کو بطور خاص ورثہ سائٹ تیار کرنا شامل ہے۔ مرکز نے بیٹا کروبا قبائلی برادری کے لوگوں کو ایسے قدرتی ماحول میں اپنی روایتی جھونپڑی بنانے کے لیے مدعو کیا تھا۔ اس کے علاوہ علاقے کے دوسرے گوشے میں گاؤں کی ایک چھوٹی سی جھونپڑی بھی بنائی گئی ہے، جسے عملے کے ارکان اور زائرین کے لیے ایک کیفے ٹیریا کے طور پر استعمال کیا جائے گا۔

یوگا ٹریک                        ولیج ہٹ کم کیفے ٹیریا                       بیٹا کروبا قبائل           

میگھالیہ کی راجدھانی شیلانگ میں اے این ایس آئی نارتھ ایسٹ ریجنل سنٹر کے دفتر کے تمام عملے کے ارکان کی مدد سے دفتر کے احاطے کی وسیع صفائی اور خوبصورتی کا اہتمام کیا گیا۔ سمندری طوفان ’’سیتانگ‘‘ کی وجہ سے پیدا ہونے والی موسمی صورتحال کے پیش نظر دفتر کے باغ میں بیٹھنے کے نئے انتظامات، پھولوں کی کیاریاں بنانے کے ساتھ ساتھ صفائی ستھرائی بھی کی گئی۔ مقامی کھاسی ثقافت کی خوبصورتی کو اجاگر کرنے کے لیے دفتر کے احاطے میں روایتی یک سنگی بھی نصب کیے گئے تھے۔ یہ یک سنگی انتظامات دو طرح کے تھے - ماؤبنا یا مونم جس میں سامنے ایک سپاٹ ٹیبل اسٹون کے ساتھ تین سیدھے پتھر ہوتے ہیں اور ماؤ شونگ تھیٹ جو فلیٹ ٹیبل اسٹون ہوتے ہیں۔ ساتھ میں ورٹیکل پتھر ہوتے ہیں۔ یہ مسافروں کے بیٹھنے کے لیے استعمال ہوتا ہے۔

 

ماؤبنا مونولتھ ‘ماؤ-شونگ تھیٹ

 

**********

ش ح ۔ ع ح

U.No: 12349

(Release ID: 1874702) Visitor Counter : 92