قبائلی امور کی وزیر مملکت محترمہ رینوکا سنگھ سروتا  نےآج راجیہ سبھا میں بتایا کہ قبائلی امور کی یہ وزارت ملک کے درج فہرست قبائل کے زیر اثر علاقوں میں تعلیم، صحت، معاشی بااختیار بنانے وغیرہ سے متعلق مختلف اسکیموں کو نافذ کر رہی ہے۔ ان اسکیموں کے تحت سالانہ تجاویز کی وصولی ایک مسلسل عمل ہے جسے اس وزارت نے اسکیمیٹک اصولوں کے مطابق سمجھا ہے۔ ان اسکیموں کی تفصیلات درج ذیل ہیں:

1. ایکلویہ ماڈل رہائشی اسکول (ای ایم آر ایس): یہ سنٹرل سیکٹر کی ایک اسکیم ہے جسے 98-1997 میں متعارف کرایا گیا تھا تاکہ رہائشی اسکولوں کے ذریعے دور دراز علاقوں میں درج فہرست قبائل (ایس ٹی) کے طلباء (کلاس 6 سے 12 ویں تک) کو معیاری تعلیم فراہم کی جا سکے۔ آج تک، وزارت کی طرف سے 684 اسکولوں کی منظوری دی گئی ہے، جن میں سے 378 کے فعال ہونے کی اطلاع ہے۔

 

II      آئین ہند کے آرٹیکل 275(1) کے تحت گرانٹس: اس اسکیم کے تحت ریاستوں کو فنڈز جاری کیے جاتے ہیں تاکہ وہ ترقی کی ایسی اسکیموں کی لاگت کو پورا کرسکیں جو ریاست کی طرف سے درج فہرست قبائل کی بہبود کو فروغ دینے کے مقصد سے شروع کی جاسکتی ہے یا اس ریاست میں درج فہرست علاقوں کی انتظامیہ کی سطح کو اس ریاست کے باقی علاقوں کی انتظامیہ تک بڑھایا جاسکے۔

III     پردھان منتری آدی آدرش گرام یوجنا (پی ایم اے اےجی وائی): 'پردھان منتری آدی آدرش گرام یوجنا (پی ایم اے اےجی وائی)' کا مقصد 36428 دیہاتوں میں بنیادی انفراسٹرکچر فراہم کرنا ہے جن میں اہم قبائلی آبادی کم از کم 50 فیصد قبائلی آبادی ہو اور 500 ایس ٹیز اور مرکزی ایس ٹی سی اور ریاستی ٹی ایس پی فنڈز کے ساتھ ہم آہنگ ہو۔

 

IV     ایس ٹی  طلباء کی اعلیٰ تعلیم کے لیے قومی فیلوشپ اور اسکالرشپ: یہ اسکیم یونیورسٹیوں میں ایم فل اور پی ایچ ڈی کو جاری رکھنےکے لئے  اور سرفہرست  246 اداروں جیسے کہ آئی آئی ٹی/ اے آئی آئی ایم ایس وغیرہ میں گریجویٹ اور پوسٹ گریجویٹ کورسز  کرنے کے لیے مالی مدد فراہم کرتی ہے۔  

 

 V      بیرون ملک تعلیم کے لیے ایس ٹی طلباء کو نیشنل اوورسیز اسکالرشپ (این او ایس): اسکیم کے تحت ہر سال 20 ایس ٹی  طلباء کو بیرون ملک اعلیٰ تعلیم حاصل کرنے کے لیے مالی مدد فراہم کی جاتی ہے۔

 

VI     درج فہرست قبائل کی بہبود کے لیے کام کرنے والی رضاکارانہ تنظیموں کو امداد: وزارت تعلیم، صحت اور معاش کے منصوبوں کے لیے قبائلی پہاڑی، دور دراز اور سرحدی علاقوں میں کام کرنے والی غیر سرکاری رضاکارانہ تنظیموں (این جی اوز) سمیت رضاکارانہ تنظیموں (وی اوز) کو فنڈ فراہم کرتی رہی ہے۔

 

 VII  درج فہرست قبائل کے لیے وینچر کیپیٹل فنڈ (وی سی ایف): سال22-2021 سے، 'وینچر کیپیٹل فنڈ برائے شیڈولڈ ٹرائب' (وی سی ایف-ایس ٹی) کی اسکیم وزارت نے 50.00 کروڑ کے کارپس فنڈ کے ساتھ پانچ سالکی مدت کے لئے  شروع کی ہے تاکہ ایس ٹی نوجوانوں کے ذریعہ انٹرپرینیورشپ / اسٹارٹ اپ پروجیکٹس کو فروغ دیاجاسکے۔

 

VIII  پردھان منتری جن جاتیہ وکاس مشن (پی ایم جےوی ایم):  اس اسکیم کو دو اسکیموں کے انضمام کے ساتھ تصور کیا گیا ہے یعنی (i) 'کم سے کم امدادی قیمت کے ذریعے چھوٹی جنگلاتی پیداوار کی مارکیٹنگ کا طریقہ کار اور ایم ایف پی  کے لیے ویلیو چین کی ترقی (ایم ایف پی کے لیے ایم ایس پی)'۔ اور (ii) 'قبائلی مصنوعات کی ترقی اور مارکیٹنگ کے لیے ادارہ جاتی تعاون'۔ پی ایم جے وی ایم معیاری ان پٹ، ٹکنالوجی، کریڈٹ اور بہتر مارکیٹنگ تک رسائی وغیرہ کے ذریعے ذریعہ معاش پر مبنی قبائلی ترقی کو حاصل کرنے کی کوشش کرتا ہے۔

 

IX     ماقبل میٹرک اسکالرشپ: ماقبل میٹرک اسکالرشپ اسکیم ایک مرکزی اسپانسر شدہ اسکیم ہے جس کے تحت کلاس IX اور X میں پڑھنے والے ایس ٹی طلباء کو مالی امداد فراہم کی جاتی ہے۔

 

X       مابعد میٹرک اسکالرشپ: مابعد میٹرک اسکالرشپ اسکیم ایک مرکزی اسپانسر شدہ اسکیم ہے جس کے تحت دسویں جماعت سے آگے پڑھنے والے ایس ٹی طلباء کو مالی امداد فراہم کی جاتی ہے۔

 

 XI    ٹرائبل ریسرچ انسٹی ٹیوٹ (ٹی آر  وائی ) کو سپورٹ: اس اسکیم کا مقصد ٹی آر  وائی کو تحقیق، دستاویزات، تربیت اور صلاحیت سازی کی سرگرمیاں انجام دینے کے لیے مضبوط کرنا ہے اور قبائلی ترقی کے لیے ایک علمی مرکز کے طور پر کام کرنا ہے۔ اس اسکیم کے تحت قبائلی عجائب گھر بھی قائم کیے گئے ہیں۔

 

XII   خاص طور پر کمزور قبائلی گروہوں کی ترقی(پی وی ٹی جیز): یہ اسکیم رہائش، پینے کے پانی، تعلیم اور صحت کی خدمات، معاش کی مدد، اور ثقافتی پہلوؤں میں اقدام  کے ذریعے زندگی کے معیار کو بہتر بنانے کے لیے رہائش گاہ کی سطح کی ترقی کا طریقہ اپناتی ہے۔

ش ح۔  اک - ج

Uno11895

 

(Release ID: 1871190) Visitor Counter : 122