مسابقتی کمیشن آف انڈیا (سی سی آئی) نے آج ان آٹھ فرموں کے خلاف حتمی حکم جاری کیا جو مسابقتی ایکٹ، 2002 کے سیکشن 3(3)(a) اور 3(3)(d) کی خلاف ورزی کرتی ہیں۔ ایکٹ’  کو سیکشن 3(1) کے ساتھ پڑھا جاتا ہے، جو مسابقتی مخالف معاہدوں کو  ممنوع  قرار دیتا ہے۔  یہ مقدمہ ایسٹرن ریلوے کی جانب سے دائر ریفرنس کی بنیاد پر شروع کیا گیا تھا۔

سی سی آئی نے ان فرموں کو ایسٹرن ریلوے کو براہ راست یا بالواسطہ قیمتوں کا تعین کرنے، ٹینڈرز مختص کرنے، بولی کی قیمتوں کو مربوط کرنے اور بولی کے عمل میں ہیرا پھیری کے ذریعے ایکسل بیرنگ کی فراہمی میں کارٹیلائزیشن میں ملوث پایا۔ اس معاملے کے شواہد میں ای میلز، کال ڈیٹیل ریکارڈ اور فرموں کے نمائندوں کے بیانات شامل تھے۔ ای میلز کے تبادلے سے ظاہر ہوتا ہے کہ فرموں نے آپس میں ایکسل بیرنگ کی خریداری کے لیے ہندوستانی ریلوے کے ٹینڈرز کے حوالے سے مقدار مختص کرنے پر تبادلہ خیال کیا۔ دکانداروں کو معاوضے کے طریقہ کار پر بھی بات چیت کرتے ہوئے پایا گیا کہ ان میں سے کچھ  طے شدہ مقدار کے حصول  میں کامیابی حاصل نہیں کرپائے تھے۔ آٹھ (8) اداروں میں سے، دو (02)  نےسی سی آئی کے سامنے کم جرمانہ عائد کئے جانے  کے لئے درخواست  دی تھی ۔ ایکٹ کے سیکشن 46 کے تحت، ایک کارٹیل ممبر کمیشن کو مبینہ کارٹیل کے سلسلے میں مکمل، سچے اور اہم انکشافات فراہم کرنے کے عوض کم جرمانے کی درخواست دائر کر کے کمیشن سے رجوع کر سکتا ہے۔

اس پس منظر میں، سی سی آئی نے 2015 سے 2019 کے دوران ایسٹرن ریلوے کی طرف سے پیش کیے گئے ٹینڈر میں آٹھ(8) فرموں کو بولی میں دھاندلی اور کارٹیلائزیشن کا قصوروار پایا۔ تاہم، سی سی آئی نے کوئی مالی جرمانہ عائد کرنے سے گریز کیا کیونکہ یہ  فرمیں  ایسی  اہم ایس ایم ایسز ہے جن کا عملہ  اور کاروبار محدود ہے اور ان فرموں کی طرف سے جرم میں ملوث ہونے کی اعتراف کی شکل میں  تعاون پر مبنی  اور غیرمخاصمانہ رویہ  اپنایا گیا تھا۔اسی کے ساتھ ساتھ  اس معاشی دباؤ کو بھی پیش نظر رکھا گیا جو ان فرموں پر کووڈ-19  کی وجہ سے  پڑا تھا۔ مزید برآں، کمیشن نے پایا کہ او پیز نے پہلے کے معاملے میں تحقیقات شروع ہونے کے فوراً بعد اپنے کارٹیل طرز عمل کو روک دیا (یعنی، 2018 کا حوالہ کیس نمبر 02)۔ اس طرح، کمیشن نے مذکورہ بالا حقیقت کو کوئی مالی جرمانہ عائد نہ کرنے کے لیے تخفیف کرنے والے عوامل کے طور پر سمجھا اور فرموں کے خلاف بندش اور باز رہنے کا حکم جاری کیا۔

 یہ حکم 2020 کے ریفرینس  سی نمبر 02 میں منظور کیا گیا تھا، اور آرڈر کی ایک کاپی سی سی آئی کی ویب سائٹ www.cci.gov.in پر دستیاب ہے۔

*************

 

ش ح۔  س ب۔ رض

U. No.11311

(Release ID: 1867026) Visitor Counter : 138