देशभरात कोविड -19 प्रतिबंधक लसीकरणाचा वेग आणि व्याप्ती वाढविण्यासाठी केंद्र सरकार वचनबद्ध आहे. देशव्यापी कोविड - 19 प्रतिबंधक लसीकरणाला 16 जानेवारी 2021 पासून सुरूवात झाली. कोविड -19 प्रतिबंधक लसीकरणाच्या सार्वत्रिकीकरणाचा नवा टप्पा 21 जून 2021 पासून सुरु  झाला. राज्ये आणि केंद्रशासित प्रदेशांसाठी लसीकरणाचे उत्तम नियोजन करण्याच्या दृष्टीने लसींची अधिक उपलब्धता, लसींच्या साठ्याविषयी आगाऊ सूचना आणि लसींची पुरवठा साखळी सुनियोजित करणे या माध्यमातून लसीकरण मोहिमेची गती वाढविण्यात आली आहे.

देशव्यापी लसीकरण मोहिमेचा एक भाग म्हणून, भारत सरकार राज्ये आणि केंद्रशासित प्रदेशांना कोविड प्रतिबंधक लसींचा विनामूल्य पुरवठा करत आहे. कोविड-19 प्रतिबंधक लसीकरण मोहिमेच्या सार्वत्रिकीकरणाच्या नवीन टप्प्यात, केंद्र सरकार देशातील लस उत्पादकांद्वारे उत्पादित 75% लशी  खरेदी करून त्यांचा राज्ये आणि केंद्रशासित प्रदेशांना मोफत पुरवठा करत आहे.

केंद्र सरकारने सुमारे 201.93 (2,01,93,89,325)  कोटी लसींच्या मात्रा राज्ये आणि केंद्रशासित प्रदेशांना (मोफत) आणि थेट राज्याद्वारे खरेदी प्रक्रियेच्या अर्थात सर्व स्रोतांच्या माध्यमातून उपलब्ध केल्या आहेत.

5 कोटी 34 लाख (5,34,61,810) न वापरलेल्या उपयुक्त  मात्रा, राज्ये आणि केंद्रशासित प्रदेशांकडे शिल्लक आहेत.

***

Jaydevi PS/MP/CY

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai