قومی نمونہ سروے (این ایس ایس) کے 76 ویں اور 77 ویں دور میں شامل موضوعات پر دو روزہ قومی سیمینار کا افتتاح آج کوچین کے سیمینار ہال میں مہمان خصوصی پروفیسر (ڈاکٹر) کے این مدھوسودنن، وائس چانسلر،سی یو ایس اے ٹی( CUSAT )نے کیا۔ یونیورسٹی آف سائنس اینڈ ٹیکنالوجی (سی یو ایس اے ٹی)، کوچی۔ افتتاحی اجلاس میں مہمان خصوصی پروفیسر (ڈاکٹر) پی جی سنکرن، پرو وائس چانسلر، سی یو ایس اے ٹی ، قومی شماریاتی دفتر (این ایس او) کےاےڈی جیز ، ایم ایس پی آئی، ایڈیشنل سیکرٹری، ایم ایس پی آئی، ، آزاد ڈومین کے ماہرین، ریٹائرڈ پروفیسرز ، ورکنگ گروپ کے ممبران، اکیڈمیا کے نمائندے، محققین اور میڈیا نے بھی شرکت کی۔

اپنے افتتاحی خطاب میں، مہمان خصوصی، کوچین یونیورسٹی آف سائنس اینڈ ٹیکنالوجی کے وائس چانسلر نے مشاہدہ کیا کہ وزارت کی طرف سے سیمینار کے مقام کا انتخاب تدریس کے شعبے میں  شماریات سمیت تحقیق میں سی یو ایس اے ٹی کے کام کا اعتراف/منظوری ہے۔ انہوں نے 17 ویں سیمینار کی میزبانی کا موقع فراہم کرنے پر وزارت کا شکریہ ادا کیا۔کوچین یونیورسٹی آف سائنس اینڈ ٹیکنالوجی میں قومی سیمینار میں اپنے خطاب میں انہوں نے ماہرین تعلیم میں تحقیقی بصیرت کی حمایت کرنے والے ڈیٹا کی بڑھتی ہوئی ضرورت پر زور دیا اور ملک میں ڈیٹا تیار کرنے والی مختلف ایجنسیوں کے ساتھ مضبوط تعاون پر زور دیا۔ انہوں نے این ایس او، پی ایس پی آئی کی طرف سے سامنے لائی گئی تفصیلی سروے رپورٹوں کی تعریف کی اور تسلیم کیا کہ نیشنل سیمپل سروے (این ایس ایس) رپورٹس ملک میں ڈیٹا پر مبنی علم کی بنیاد کی ریڑھ کی ہڈی ہیں۔

ایڈیشنل ڈائریکٹر جنرل ایس سی ڈی نے مہمانوں کا خیرمقدم کیا اور سیمینار میں شرکت کے لیے وقت نکالنے پر سبھی کا شکریہ ادا کیا۔ انہوں نے توقع ظاہر کی کہ ان دو روزہ سیمینار میں ہونے والی بحث مستقبل میں سروے کی منصوبہ بندی کے مزید ارتقا کے لیے علم کے ذخیرے کا ایک بہترین ذریعہ ثابت ہوگی۔

پرو وائس چانسلر، سی یو ایس اے ٹی ، نے اپنے تبصرے میں، نوٹ کیا کہ این ایس ایس ہندوستان میں ایک گھریلو نام ہے، خاص طور پر جب بات تعلیمی دنیا میں آزاد تحقیق کی ہو۔

ایڈیشنل ڈائریکٹر جنرل، این ایس او (ایس ڈی آر ڈی)، ایم او ایس پی آئی نے آرگنائزنگ ٹیم کا شکریہ ادا کیا اور کہا کہ ان دو راؤنڈز کے نتائج پر قومی سیمینار، پالیسی سازوں، ماہرین تعلیم اور محققین کے لیے انتہائی معنی خیز تھا۔

ایڈیشنل ڈائریکٹر جنرل، این ایس او (ایف او ڈی)، ایم او ایس پی آئی نے مشاہدہ کیا کہ یہ انٹرایکٹو پلیٹ فارم خود شناسی کے لیے انتہائی اہم ہے اور اس کے استعمال سے فیلڈ میں ڈیٹا اکٹھا کرنے کے طریقے میں ضروری بہتری آتی ہے۔ وہ اکیڈمیاں، محققین اور وزارت کے درمیان تعاون کے حامی تھے۔

 

ش ح۔   ش ت۔ج

Uno-9785

(रिलीज़ आईडी: 1856175) आगंतुक पटल : 196