প্রধান মন্ত্রী, শ্রী নরেন্দ্র মোদীনা ময়াই তাংবল লৌখিবা কেবিনেৎ কম্মিতি ওন ইকনোমিক এফিয়র্সনা গেহু অমসুং মেস্লিনগী য়াম (ঐচ.এস. কোদ ১১০১) মপালদা থাদোকপদা অথিংবশিং থমখিবা অদু কোমথোক্নবা পোলিসীদা অহোংবা পুরক্নবগী প্রপোজেল অয়াবা পীখ্রে।

কান্নবা:

অয়াবা পীবা অসিনা গেহুগী য়াম মপালদা থাদোকপদা অথিংবা অমা হৌজিক থম্বা য়াহল্লগনি, মসিনা গেহুগী য়ামগী মমল ৱাংখৎলক্লিবা অসি হন্থহনবা অমসুং খুন্নাইগী খ্বাইদগী শোত্থরবা শরুকশিংদা ফুদ সেক্যুরিতী ফংহনবা ঙম্লগনি।

থবক ওইনা ওন্থোকপা:

দিরেক্তোরেৎ জেনরেল ওফ ফোরেন ত্রেদ (দি.জিএফ.তি.)না হীরম অসিদা চেরোল অমা থোক্লগনি।

মসিগী মরমদা:

গ্লোবেল হ্বীত ত্রেদকী ১/৪ রোমগী মপুং ওইবা এক্সপোর্তরশিং অসি রসিয়া অমসুং য়ুক্রেন্না ওইরি। মখোয়গী মরক্তা শোক্নরিবা লান অসিনা মরম ওইদুনা মালেমগী গেহুগী সপ্লাই চেন্দা চৈথেং নংখি মসিনা ভারতকী গেহুগী দিমান্দ হেনগৎহল্লি। মসিনা মরম ওইদুনা দোমেস্তিক মার্কেৎ অসিদা লৈরিবা গেহুগী মমল ৱাংখৎলকপা উবা ফংখি। লৈবাক অসিগী মীওই বিলিয়ন ১.৪গী ফুদ সেক্যুরিতী ফংহন্নবা মে ২০২২দা গেহু মপালদা থাদোকপদা অথিংবা থম্নবা ৱারেপ অমা লৌখি।

অদুম ওইনমক, গেহু মপালদা থাদোকপদা অথিংবা থম্বনা মরম ওইদুনা (দোমেস্তিক মার্কেৎতা মমলশিং ৱাংখৎলক্লিবা অসি হেনগৎহন্দনবা অমসুং লৈবাক অসিদা ফুদ সেক্যুরিতী লৈহন্নবা) ফোরেন মার্কেৎশিংদা গেহুগী য়ামগী দিমান্দ হেনগৎলকখি অমসুং ২০২২গী এপ্রিল-জুলাইদা ওইখিবা অদুগা ২০২১গী মসিগা চপ মান্নবা মতম অদু চাংদম্নবদা ভারত্তগী মসি মপালদা থাদোকপদা ২০০%গী গ্রোথ রেজিস্তর তৌখি।

মালেমগী কৈথেলদা গেহুগী য়ামগী দিমান্দ হেনগৎলকপা অসিনা দোমেস্তিক মার্কেৎতা গেহুগী ফ্লোরগী মমল চাউনা হেনগৎলকখি।

মমাংদা গেহুগী য়াম মপালদা থাদোকপদা অথিংবা অমত্তা থমদনবা পোলিসী অমা শেমখি। মসিনা মরম ওইদুনা ফুদ সেক্যুরিতী লৈহন্নবা অমসুং লৈবাক অসিদা গেহুগী য়ামগী মমল ৱাংখৎলকপা য়েংশিন্নবা গেহুগী য়াম মপালদা থাদোকপদা অথিংবশিং থমমখিবা অদু কোমথোক্তুনা পোলিসী অসিগী শরুক খরা শেমদোকপগী মথৌ তাবা লৈখি।

**********