پاور اور این آر ای کی وزارت کے لئے پارلیمانی اراکین کی پارلیمانی مشاورتی کمیٹی کی میٹنگ کل شام نئی دہلی میں ہوئی۔ مرکزی وزیر برائے بجلی اور ایم این آر ای جناب آر کے سنگھ  نے میٹنگ کی صدارت کی۔ اجلاس میں مختلف سیاسی جماعتوں کے معزز اراکین اسمبلی شریک تھے۔

اس موقع پر موجود پارلیمانی اراکین میں جناب ارون ساو، لوک سبھا، جناب چندر شیکھر ساہو، لوک سبھا، جناب گیانیشور پاٹل، لوک سبھا، جناب کھگن مرمو، لوک سبھا، جناب پردیوت بوردولوئی، لوک سبھا، جناب رام داس چندر بھانجی تادس، لوک سبھا، جناب رویندر کشواہا، لوک سبھا، محترمہ ریتی پاٹھک، لوک سبھا، محترمہ سنگیتا کماری سنگھ دیو، لوک سبھا، جناب توپون کمار گوگوئی، ڈاکٹر امییاجنک، راجیہ سبھا اور ڈاکٹر کنیموزی این وی این سومو، راجیہ سبھا شامل تھیں۔ "توانائی کے تحفظ کے اقدامات" اجلاس کا موضوع تھا۔

معزز اراکین کے سوالات کا جواب دیتے ہوئے وزیر موصوف نے بتایا کہ حالیہ مہینوں میں اس سال جب بجلی کی طلب میں اضافہ ہوا تو بجلی کی کل پیداوار میں آر ای کا حصہ 25 فی صد سے 29 فیصد تک رہا۔  آر ای ایک بڑا شعبہ ہے۔ ایس ایم ایز کے لئے توانائی کی کارکردگی کی مداخلتوں کی کامیابیوں کا بھی ذکر کیا گیا اور توانائی کے تحفظ کے اقدامات پر پریزنٹیشن بھی دی گئی۔ 2021-22 میں ایس ڈی اے اسکیم کی کامیابیوں کو بھی شیئر کیا گیا اور بتایا گیا کہ بجلی کی وزارت نے ریاستوں سے کہا ہے کہ وہ چیف سکریٹریوں کے تحت توانائی کی منتقلی کے لئے ریاستی سطح کی اسٹیئرنگ کمیٹیاں قائم کریں۔ کئی ریاستیں پہلے ہییہ کمیٹیاں تشکیل دے چکی ہیں۔

بجلی اور ایم این آر ای کے وزیر نے معزز ممبران کو علیحدہ زرعی فیڈرز کی بابت آگاہ کیا جن سے زرعی توانائی کی کھپت کو جانچنے میں مدد ملتی ہے۔ ہندوستان میں کولڈ چین توانائی کی کارکردگی کے علاوہ  برقی نقل و حرکت کو فروغ دینے کے اقدامات پر بھی تبادلہ خیال کیا گیا۔ اجالا اسکیم کی کامیابیوں کو شیئر  کرنے کے علاوہ اجلاس میں توانائی کی بچت کے پروگرام کی تعمیر پر بھی تبادلہ خیال کیا گیا اور بتایا گیا کہ  تجارتی عمارتوں کے لئے شروع کردہ ای سی بی سی کو  22 ریاستوں/ مرکزی خطوں نے اپنایا ہے۔ ایکونواس سمہیتا رہائشی عمارتوں کے لئے 2019-2018 شروع کی گئی تھی۔ میٹنگ میں پیٹ دوئم کی اہم کامیابیوں کا بھی ذکر کیا گیا۔

معزز پارلیمانی اراکین نے مختلف اقدامات اور اسکیموں کے حوالے سے کئی تجاویز پیش کیں۔ جناب سنگھ نے قیمتی تجاویز کے لئے شرکاء کا  شکریہ ادا کرتے ہوئے میٹنگ کا اختتام کیا۔

***

ش ح۔ع س۔ ک ا

 

(Release ID: 1849184) Visitor Counter : 114