লৈবাক শিনবা থুংবদা চত্থরিবা #HarGharTiranga কেম্পেন্না প্রজাশিংদা মখোয়গী য়ুমশিংদা জাতিগী ফিরাল চীংখৎহন্নিংবগী পুক্নিং থৌগৎনবা পান্দম থম্মি, অমসুং লৈবাকনীংবগী ইথিল পোকহল্লি। কেম্পেনগী মাংওইননা ফ্লেগ কোদ ওফ ইন্দিয়া, ২০২২গী মরমদা মসিদা পীরি:

১. ভারতকী জাতিগী ফিরাল অসিনা ভারত মচাশিংগী আসা অমসুং অনীংবা তাক্লি। মসিনা ঐখোয়গী জাতি অমা ওইবগী চাউথোকচবগী খুদম্নি অমসুং জাতিগী ফিরাল অসিবু মালেম পুম্বগী ওইনা নুংশিবা ইকাই খুম্নবা অমসুং লোয়েলতি অদু তাক্লি। মসিনা ভারত মীয়ামগী পুক্নিং হকচাংদা অখন্নবা অমসুং মরুওইবা মফম অমা কল্লি।

২. ভারতকী জাতিগী ফিরাল অসিবু চিংখৎপা/শীজিন্নবা/থেৎপগী চৎলোনশিং অসি প্রিভেন্সন ওব ইন্সল্তস তু নেসনেল ওনর এক্ত, ১৯৭১ অমসুং ফ্লেগ কোদ ওব ইন্দিয়া, ২০০২না কোনশিল্লি। ফ্লেগ কোদ ওব ইন্দিয়া, ২০০২গী মরুওইবা ফিচর খরা মখাদা মীয়াম্না ভাপ তানবগীদমক পীরিঃ-

ক. ফ্লেগ কোদ ওব ইন্দিয়া, ২০০২ অসি দিসেম্বর ৩০, ২০২১দা থোকপা ওর্দর অমদা শেমদোক-শাদোকপা লৈখি অমসুং পোলিস্তর নৎত্রগা মেচিন্না লোনবা ফ্লেগশিংবু শীজিন্নবা অয়াবা পীখি। হৌজিক্তি, জাতিগী ফিরাল অসি খুৎনা তুবা, খুৎনা লোনবা নৎত্রগা মেচিন্না শাবা, লশিং/পোলিস্তর/শামতু/মুগাগী খাদি বন্তিংনা শারগনি।

খ. পব্লিক, প্রাইবেৎ ওর্গানাইজেসন নৎত্রগা এজুকেসনেল ইন্সতিত্যুসন অমগী মীহুৎনা জাতিগী ফিরালবু নুমিৎ খুদিংগী অমসুং অখন্নবা থৌরমশিংদা জাতিগী ফিরালবু ইকাইখুম্নবা অমসুং কাংলোন ঙাকপগা লোইননা চিংখৎপা/উৎপা য়াই।

গ. ফ্লেগ কোদ ওব ইন্দিয়া, ২০০২ অসি জুলাই ১৯, ২০২২দা থোকপা ওর্দর অমগী মতুং ইন্না শেমদোক-শেমজিন তৌখি অমসুং ফ্লেগ কোদ ওব ইন্দিয়াগী পার্ত ২গী  পেরাগ্রাফ ২.২গী ক্লোজ (xi)বু মখাগী ক্লোজশিং অসিনা মহুৎ শিনখিঃ-

                  (xi) "মেম্বর ওব পব্লিক অমগী য়ুমদা নৎত্রগা অহাংবা মফমদা ফিরাল অসিবু মতমদা মদু অয়ুক নুংথিল নুমিদাং পাইহনবা য়াই;"

ঘ. জাতিগী ফিরালগী মওং অসি রেক্তেঙ্গুলার ওইগদবনি। ফিরালগী পাক চাউবসি অমা হেক্তমক ওইবা য়াই অদুবু মদুগী অশাংবা অমসুং অৱাংবা (অপাকপা)গী রেসিও অদুদি ৩:২ ওইহনগদবনি।

ঙ. জাতিগী ফিরাল অসিবু চিংখৎলিবা/উৎলিবা মফম অদু ইকাইখুম্ননিংঙাই ওইবা মফম অমা ওইগদবনি অমসুং পুম্নমক্না উবা মওংদা থমগদবনি।

চ. শেগাইবা নৎত্রগা ফিভম চাদ্রবা ফিরাল থেৎলোইদবনি।

ছ. ফিরাল অসি অতোপ্পা ফিরালশিংগা অমুক্তদা মতোন অমখক্তদা পুন্না পাইমিন্নহল্লোইদবনি।

জ. ফিরাল অসি ফ্লেগ কোদকী পার্ত IIIগী সেক্সন IXদা পল্লিবা অখন্নবা মীওইশিং হায়বদি রাস্ত্রপতি, উপ্প-রাস্ত্রপতি, প্রধান মন্ত্রী, গবর্নর অসিনচিংবশিং নত্তনা অতোপ্পা গারীশিংদা থেৎলোইদবনি।

ঝ. অতোপ্পা ফিরাল নৎত্রগা ফি অমত্তনা জাতিগী ফিরালগী মথক্তা নৎত্রগা নাক নাক্তা ৱাংনা থম্লোইদবনি।

খঙজিনবীগদবাঃ মখা তানা অকুপ্পা মরোল খঙনবগীদমক, প্রিভেন্সন ওব ইন্সল্তস তু নেসনে ওনর এক্ত, ১৯৭১ অমসুং ফ্লেগ কোদ ওব ইন্দিয়া, ২০২২ অসি গৃহ মন্ত্রালয়গী ৱেবসাইৎ www.mha.gov.in দা ফংবীগনি।

*****

(Release ID: 1849055)