पोषक अनाज पाक उत्सव...#InternationalYearOfMillets2023 https://t.co/G1tuohpJCQ

— Narendra Singh Tomar (@nstomar) July 30, 2022

کم سے کم پانی کی کھپت، کم کاربن فوٹ پرنٹ، اور خشک سالی کے حالات میں بھی موٹے اناج کی پیداوار ممکن ہے۔ اس لیے یہ آب و ہوا کے موافق فصلیں ہیں۔ سبزی خور کھانوں کی بڑھتی ہوئی مانگ کے دور میں موٹے  اناج  ایک متبادل خوراک کا نظام تشکیل دیتے ہیں۔ موٹے اناج متوازن غذا کے ساتھ ساتھ محفوظ ماحول میں بھی معاون ہوتے ہیں۔ یہ انسانوں کے لیے قدرت کے تحفے ہیں۔ موٹے اناج مائیکرو نیوٹرینٹس جیسے بی کمپلیکس وٹامنز اور معدنیات کا ذخیرہ ہیں، جن کی کمی ہے۔

آئی سی اے آر – آئی آئی ایم آر، آئی ایچ ایم (پوسا) اور آئی ایف سی اے کے اشتراک سے منعقد ہونے والے اس میلے کے مہمان خصوصی جناب تومر نے کہا کہ موٹے اناج کو یہ کہہ کر ضائع نہیں کرنا چاہیے کہ یہ غریبوں کا کھانا ہے، بلکہ اس کی دنیا بھر میں  یوگا اور آیوروید کی طرح تشہیر کی جانی چاہیے، کیونکہ یہ صحت کے نقطہ نظر سے بہت اہم ہیں۔ ہندوستان موٹے اناج کی فصلوں اور ان کی مصنوعات کا ایک سرکردہ پیداکرنے والا اور صارف ہے۔ جناب تومر نے کہا، ’’میں موٹے اناج کے استعمال اور اس کے صحت سے متعلق فوائد کے بارے میں بیداری پھیلانے کے لیے اس طرح کی  اور بہت سی تقریبات کی توقع کرتا ہوں۔‘‘

انسٹی ٹیوٹ آف ہوٹل مینجمنٹ، کیٹرنگ اینڈ نیوٹریشن، پوسا کے طلباء نےموٹے اناج اور غذائی تحفظ پرایک نکڑ ناٹک پیش کیا ۔ جناب تومر نے  موٹے اناج کے مختلف اسٹالوں کا بھی معائنہ کیا اور انعامات تقسیم کئے۔ موٹے اناج سے بنی بہترین پکوانوں کے ایوارڈز کے لیے مقابلہ کرنے والی 26 ٹیموں میں سے پانچ ٹیموں کو شارٹ لسٹ کیا گیا۔ آئی ایچ ایم اندور، چٹکارا یونیورسٹی اور آئی سی آئی نوئیڈا نے سر فہرست تین مقامات حاصل کیے، جبکہ آئی ایچ ایم بھوپال اور آئی ایچ ایم ممبئی نے بھی فائنل راؤنڈ میں حصہ لیا۔

زراعت اور کسانوں کی بہبود کے مرکزی وزیر مملکت جناب کیلاش چودھری، زراعت کے مرکزی سکریٹری جناب منوج آہوجا، ایڈیشنل سکریٹری جناب ابھیلکش لیکھی، آئی سی اے آرکےڈائرکٹر جنرل ڈاکٹر ترلوچن مہا پاترا اور آئی آئی ایم آر، حیدرآبادکی ڈائریکٹر  محترمہ رتناوتی  کے ہمراہ دیگر معززین بھی اس پروگرام میں موجود تھے۔

میلے کے ذریعہ  عام لوگوں کو  موٹے اناج سے تیار ہونے والی غذائیت سے بھرپور لذیذ پکوانوں کا مزہ چکھنے کا موقع مل رہا ہے۔ دلّی ہاٹ میں اس میلے کے دوران غذائیت کے بارے میں معلومات فراہم کی جا رہی ہیں۔ یہ موٹے اناج  کے غذائی فوائد کو فروغ دینے ، کاروبار اور عام لوگوں کے لیے ایک باقاعدہ ڈائٹ پلان کا ایک بہترین موقع ہے، جس میں بہت سے اسٹارٹ اپس اور دیگرشراکت داروں نے بھی حصہ لیا ہے۔’چھوٹے پیمانے کی صنعتوں اور صنعت کاروں کے لیے کاروباری امکانات‘ پر پینل ڈسکشن، اسٹریٹ ڈرامے اور کوئز مقابلے میلے کی توجہ کا مرکز ہیں، جن کے ذریعہ موٹے اناج کی خوبیوں کی نشر و اشاعت کی جا رہی ہے۔ یہ میلہ 31 جولائی تک جاری رہے گا۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

 (30.07.2022)

8432