حکومت نے آج کہا کہ اس وقت ملک میں خلائی سیاحت کو کنٹرول کرنے والے کوئی قوانین نہیں ہیں اور خلائی سیاحت کے لیے مخصوص قانون بنانے کا کسی طرح کا کوئی منصوبہ نہیں ہے۔ تاہم، 'گگنیان' مشن کے ایک حصے کے طور پر، بھارت انسانی  خلائی پرواز کے مشنز کے لئے ضروری ٹکنالوجیز اور  عملے  کے لئے حفاظتی پروٹوکول کو فروغ دے رہا ہے۔

آج راجیہ سبھا میں ایک سوال کے جواب میں سائنس و ٹیکنالوجی کے مرکزی وزیر مملکت (آزادانہ چارج)؛ ارضیاتی سائنس کے وزیر مملکت (آزادانہ چارج)؛ وزیر اعظم کے دفتر، عملہ، عوامی شکایات، پنشن، جوہری توانائی اور خلاء کے وزیر مملکت، ڈاکٹر جتیندر سنگھ نے کہاکہ بھارت کے خلائی تحقیق سے متعلق ادارے ( آئی ایس آر او -اسرو)اس وقت ہیومن ریٹیڈ لانچ وہیکل، آربیٹل ماڈیول، لائف سپورٹ سسٹم، کریو اسکیپ سسٹم، ہیومن سینٹرک پروڈکٹس اور گگنیان مشن کے لئے  کریو ریکووری  کے لئے تکنیک کو فروغ دے رہا ہے۔ یہ سبھی تکنالوجی مستقبل میں خلائی سیاحت کو آگے بڑھانے کے لیے بلڈنگ بلاکس کے طور پر کام کریں گی۔

عالمی صارفین کو سیٹلائٹ خدمات فراہم کرنے والے نجی اسٹارٹ اپس سے متعلق ایک اور سوال میں، ڈاکٹر جتیندر سنگھ نے بتایاکہ تقریباً15 اسٹارٹ اپ سیٹلائٹ خدمات پیش کرنے کے شعبے یعنی سیٹلائٹ ڈیٹا کے ذریعہ ویلیو ایڈڈ خدمات فراہم کرنے کی سمت میں  کام کررہے ہیں۔  وزیرموصوف نے کہا کہ انڈین نیشنل سینٹر فار اسپیس پروموشن اینڈ اتھارٹی (آئی این- ایس پی اے سی آئی) بھارتی اسٹارٹ اپس کی کیپبلٹی میٹرکس  کو فروغ  دینے کے لیے ایک سروے کر رہا ہے، جو خلائی شعبے میں نجی سرگرمیوں کے لیے حتمی ڈیٹا بیس کے طور پر کام کرے گا۔

سال 2020 میں حکومت کے ذریعہ اعلان کردہ خلائی اصلاحات کی روشنی میں خلائی شعبے میں شروع سے آخر تک سرگرمیوں کو انجام دینے میں غیر سرکاری اداروں [این جی ایز] کی زیادہ سے زیادہ شراکت داری کا تصور پیش کیا گیا ہے۔ ان اصلاحات کے تحت حکومت خلائی ٹیکنالوجی کی ترقی کے لیے پبلک پرائیویٹ پارٹنرشپ (پی پی پی) پر غور کر سکتی ہے۔

 

************

ش ح ۔ ف ا  ۔  م  ص

 (U: 8306)

(Release ID: 1845955) Visitor Counter : 128