'આઝાદી કા અમૃત મહોત્સવ' ના ભાગરૂપે ઉર્જા અને પેટ્રોકેમિકલ મંત્રાલયના સહયોગથી પાવર મંત્રાલયે ગુજરાતના ગોધરા, પંચમહાલ જિલ્લામાં 'બીજલી મહોત્સવ'નું આયોજન કર્યું હતું. બીજલી મહોત્સવનો ઉપયોગ રાજ્ય અને કેન્દ્ર સરકાર વચ્ચેના સહયોગની ઉજવણી કરવા અને પાવર સેક્ટરની મુખ્ય સિદ્ધિઓને પ્રકાશિત કરવા માટે એક મંચ તરીકે કરવામાં આવ્યો હતો. કાર્યક્રમ ની મુખ્ય વિશેષતાઓ આ પ્રમાણે છે –

●             ઉત્પાદન ક્ષમતા 2014માં 2,48,554 મેગાવોટથી વધીને આજે 4,00,000 મેગાવોટ થઈ છે જે અમારી માંગ કરતાં 1,85,000 મેગાવોટ વધુ છે.

• ભારત હવે તેના પાડોશી દેશોમાં વીજળીની નિકાસ કરી રહ્યું છે.

●             1,63,000 ckm ટ્રાન્સમિશન લાઇન ઉમેરવામાં આવી છે, જે સમગ્ર દેશને એક ફ્રિકવન્સી પર ચાલતા એક ગ્રીડમાં જોડે છે. લદ્દાખથી કન્યાકુમારી અને કચ્છથી મ્યાનમાર સરહદ સુધી તે વિશ્વની સૌથી મોટી સંકલિત ગ્રીડ તરીકે ઉભરી આવી છે.

●             આ ગ્રીડનો ઉપયોગ કરીને આપણે દેશના એક ખૂણેથી બીજા ખૂણે 1,12,000 મેગાવોટ વીજળી ટ્રાન્સમિટ કરી શકીએ છીએ.

●             અમે COP21 માં વચન આપ્યું હતું કે 2030 સુધીમાં અમારી ઉત્પાદન ક્ષમતાના 40% રિન્યુએબલ એનર્જી સ્ત્રોતોમાંથી હશે. અમે નિર્ધારિત સમય કરતાં 9 વર્ષ વહેલા નવેમ્બર 2021 સુધીમાં આ લક્ષ્યાંક હાંસલ કર્યો છે.

●             આજે આપણે રિન્યુએબલ એનર્જી સ્ત્રોતો દ્વારા 1,63,000 MW જનરેટ કરીએ છીએ.

●             અમે વિશ્વમાં ઝડપી ગતિએ રિન્યુએબલ એનર્જી ક્ષમતા સ્થાપિત કરી રહ્યા છીએ.

●             કુલ રૂ. 2,01,722 કરોડના ખર્ચ સાથે અમે છેલ્લાં પાંચ વર્ષમાં વિતરણ માળખાને મજબૂત બનાવ્યું છે - 2,921 નવા સબ-સ્ટેશનો બનાવીને, 3,926 સબ-સ્ટેશનોનું વિસ્તરણ કરીને, 6,04,465 ckm LT લાઇન્સ ઇન્સ્ટોલ કરીને, 2,68,838 જેટલી 11 KV HT લાઇન્સ ની સ્થાપના કરી, 1,22,123 ckm કૃષિ ફીડરનું ફીડર અલગ કરવું અને ઇન્સ્ટોલ કરવું.

●             2015 માં ગ્રામીણ વિસ્તારોમાં પુરવઠાના સરેરાશ કલાકો 12.5 કલાક હતા જે હવે વધીને સરેરાશ 22.5 કલાક થયા છે.

●             સરકારે વીજળી (ગ્રાહકો ના અધિકારો) નિયમો, 2020 રજૂ કર્યા છે જે હેઠળ-

i) નવું કનેક્શન મેળવવા માટેની મહત્તમ સમય મર્યાદા જાહેર કરવામાં આવી છે.

ii) ગ્રાહકો હવે રૂફ ટોપ સોલાર અપનાવીને પ્રોઝ્યુમર બની શકે છે.

iii) સમયસર બિલિંગ સુનિશ્ચિત કરવામાં આવશે.

iv) મીટર સંબંધિત ફરિયાદોના નિરાકરણ માટે સમયરેખા સૂચિત.

v) રાજ્ય નિયમનકારી સત્તા અન્ય સેવાઓ માટે સમયરેખાને સૂચિત કરશે.

vi) ડિસ્કોમ ગ્રાહકોની ફરિયાદોના નિરાકરણ માટે 24X7 કોલ સેન્ટર સ્થાપશે.

●             2018 માં 987 દિવસમાં 100% ગ્રામ વિદ્યુતીકરણ (18,374) હાંસલ કર્યું.

●             18 મહિનામાં 100% ઘરગથ્થુ વિદ્યુતીકરણ (2.86 કરોડ) પ્રાપ્ત કર્યું. જે વિશ્વની સૌથી મોટી ઇલેક્ટ્રિફિકેશન ડ્રાઇવ તરીકે ઓળખાય છે.

●             સોલાર પંપ અપનાવવા માટેની યોજના રજૂ કરવામાં આવી છે જેમાં - કેન્દ્ર સરકાર 30% સબસિડી આપશે અને રાજ્ય સરકાર 30% સબસિડી આપશે. આ ઉપરાંત 30% લોનની સુવિધા પણ મળશે.

ઉજ્જવલ ભારત ઉજ્જવલ ભવિષ્ય – પાવર @2047 ની છત્રછાયા હેઠળ વધુ લોકભાગીદારી અને વીજ ક્ષેત્રના વિકાસને નાગરિકો સુધી પહોંચાડવા માટે સમગ્ર દેશમાં બીજલી મહોત્સવો ઉજવવામાં આવી રહ્યા છે.

મુખ્ય મહેમાન શ્રીમતી. કામિનીબેન સોલંકી, પ્રમુખ, પંચમહાલ જિલ્લા પંચાયત, શ્રી. સી. કે. રાઉલજી, ધારાસભ્ય ગોધરા, શ્રીમતી. સુમનબેન ચૌહાણ, ધારાસભ્ય કાલોલ, જિલ્લા કલેકટર શ્રી - પંચમહાલ , જિલ્લા વિકાસ અધિકારી શ્રી -  પંચમહાલ, પોલિસ અધિક્ષક શ્રી - પંચમહાલ, નગરપાલિકા પ્રમુખ શ્રી – ગોધરા, જિલ્લા પ્રમુખ શ્રી - ભા.જ.પ., એડિશનલ ચીફ એન્જિનિયર શ્રી, MGVCL - વડોદરા, જનરલ મેનેજર શ્રી, પાવરગ્રીડ - વડોદરા અને અન્ય અસંખ્ય મહાનુભાવોએ આ પ્રસંગે હાજરી આપી હતી. મહાનુભાવોએ વીજળીના ફાયદા અને છેલ્લા કેટલાક વર્ષોમાં પાવર સેક્ટરમાં દર્શાવેલી અભૂતપૂર્વ વૃદ્ધિ પર પ્રકાશ પાડ્યો હતો. આ ઇવેન્ટમાં કેટલાક લાભાર્થીઓએ તેમના અનુભવો શેર કર્યા હતા.

મુલાકાતીઓ અને મહેમાનો સાથે જોડાવા માટે, વિવિધ સાંસ્કૃતિક કાર્યક્રમો, નુક્કડ નાટક અને પાવર સેક્ટર પર ટૂંકી ફિલ્મોના સ્ક્રીનિંગનું આયોજન કરવામાં આવ્યું હતું. વિશાળ મેળાવડાને જોતાં, તે સુનિશ્ચિત કરવામાં આવ્યું હતું કે સામાજિક અંતર અને માસ્ક પહેરવા જેવા તમામ કોવિડ સલામતી પ્રોટોકોલનું પાલન કરવામાં આવ્યું હતું. આ ઉપરાંત તમામ ઉપસ્થિતોને માસ્કનું વિતરણ પણ કરવામાં આવ્યું હતું.

SD/GP/JD

 

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(Release ID: 1845597) Visitor Counter : 145