سماجی انصاف اور تفویض اختیار کے وزیر مملکت، جناب رام داس اٹھاولے نے آج لوک سبھا میں ایک سوال کے تحریری جواب میں درج ذیل معلومات فراہم کیں۔

درج فہرست ذات اور درج فہرست قبائل سے تعلق رکھنے والے ممبران کے خلاف ہونے والے جرائم کو چیک کرنے اور انہیں روکنے کے لیے، پارلیمنٹ کے ذریعے بنایا گیا ایک قانون موجود ہے، جس کا نام ہے ’’درج فہرست ذات اور درج فہرست قبائل (کے خلاف مظالم کی روک تھام) کا قانون، 1989‘‘۔ اس قانون کے التزامات کو مؤثر طریقے سے نافذ کرنے کے لیے ایس سی/ایس ٹی (پی او اے) ضوابط، 1995 بھی بنائے گئے ہیں۔

درج فہرست ذات اور درج فہرست قبائل (کے خلاف مظالم کی روک تھام، یعنی پی او اے) کا قانون، 1989 کے سیکشن (2) 21 اور پی او اے ضوابط، 1995 کے ضابطہ (1)3 میں اُن ’’شناخت شدہ علاقوں‘‘ (جنہیں عام طور پر ’’مظالم کے امکانات والے علاقے‘‘ کہا جاتا ہے) کی نشاندہی کے مقصد سے وضاحت پیش کی گئی ہے، جہاں ایس سی/ایس ٹی کے ممبران کو ظلم کا شکار بنانے کا خطرہ لاحق رہتا ہے اور جہاں ان کی حفاظت کو یقینی بنانے کے لیے ضروری قدم اٹھانے کی ضرورت ہے۔ ریاست کے لحاظ سے مظالم کے امکانات والے علاقوں کی شناخت کی تفصیلات ضمیمہ میں دی گئی ہیں۔

درج فہرست ذات اور درج فہرست قبائل (کے خلاف مظالم کی روک تھام) کا قانون، 1989 کے ضابطہ 8 کے تحت ریاستی حکومت کو  ڈی جی پی، اے ڈی جی پی/آئی جی پی کی نگرانی میں، ریاستی ہیڈکوارٹرز میں، ایس سی/ایس ٹی پروٹیکشن سیل بنانے کی ذمہ داری سونپی گئی ہے۔ آندھرا پردیش، آسام، بہار، چھتیس گڑھ، گجرات، ہریانہ، ہماچل پردیش، جھارکھنڈ، کرناٹک، کیرالہ، مدھیہ پردیش، مہاراشٹر، میگھالیہ، میزورم، اوڈیشہ، پنجاب، راجستھان، سکم، تمل ناڈو، تلنگانہ، تریپورہ، اتر پردیش، اتراکھنڈ، مغربی بنگال، انڈمان و نکوبار جزائر، چنڈی گڑھ، قومی راجدھانی خطہ دہلی، جموں و کشمیر اور پڈوچیری جیسی ریاستوں/مرکز کے زیر انتظام علاقوں میں ایس سی/ایس ٹی پروٹیکشن سیل قائم کیے گئے ہیں۔

مزید برآں،  محکمہ سماجی انصاف اور تفویض اختیار کے ذریعے درج فہرست ذات اور درج فہرست قبائل کے ممبران پر ہونے والے مظالم  کے خلاف قومی ہیلپ لائن (این ایچ اے اے) بھی قائم کیا گیا ہے۔ اس ہیلپ لائن کا مقصد امتیاز کو ختم کرنے کے لیے بنائے گئے قانون کے التزامات کے بارے میں بیداری پیدا کرنا اور تحفظ فراہم کرنا ہے۔ این ایچ اے اے ملک بھر میں ٹول فری نمبر ’14566‘ پر دستیاب ہے۔

پی سی آر ایکٹ، 1955 اور درج فہرست ذات اور درج فہرست قبائل (کے خلاف مظالم کی روک تھام) کا قانون، 1989 کو نافذ کرنے کے لیے مرکز کی طرف سے امداد یافتہ اسکیم جاری ہے، جس کے تحت ریاستوں/مرکز کے زیر انتظام علاقوں  کو  بنیادی طور پر نفاذی اور عدالتی مشینری کو مضبوط کرنے،  ایس سی/ایس ٹی پروٹیکشن سیل اور اسپیشل پولیس اسٹیشن بنانے،  بین ذات شادیوں کے معاملے میں جہاں میاں بیوی میں سے کوئی ایک ایس سی ہو تو انسینٹو دینے، بیداری پیدا کرنے، مظالم کے شکار متاثرین کی راحت رسانی او رباز آبادکاری، سفر اور قانون مدد فراہم کرنے کے لیے مرکز کی طرف سے امداد فراہم کی جاتی ہیں۔

آئین ہند کے ساتویں شیڈول (فہرست-II) کے تحت ’پولیس‘ اور ’عوامی نظم و نسق‘ ریاستی موضوعات ہیں۔ درج فہرست ذات اور درج فہرست قبائل (کے خلاف مظالم کی روک تھام) کا قانون، 1989 کے نفاذ کی بنیادی ذمہ داری ریاستوں حکومتوں/مرکز کے زیر انتظام علاقوں کی انتظامیہ کی ہے۔

تاہم، حکومت ہند پی او اے قانون و ضوابط کو ان کی اصل روح کے ساتھ مؤثر طریقے سے نافذ کرنے کے لیے وقتاً فوقتاً ریاستی حکومتوں/مرکز کے زیر انتظام علاقوں کی انتظامیہ کو ایڈوائزری جاری کرتی رہتی ہے۔

خواتین اور بہبود اطفال کی وزارت بھی ذیلی اسکیم ’سمبل‘ کے اجزاء کے طور پر امبریلا اسکیم ’مشن شکتی‘ کے تحت ذیلی اسکیم ’سامرتھیہ‘ کے جزو شکتی سدن کے طور پر ملک بھر میں ون اسٹاپ سنٹر اور خواتین کے ہیلپ لائنس کی ہمہ گیری کو نافذ کر رہی ہے۔

ون اسٹاپ سنٹر، جو شکتی سنٹرز کے نام سے مشہور ہے، وَن اسٹاپ سنٹر (او ایس سی) کو ملک بھر میں یکم اپریل 2015 سے نافذ کیا جا رہا ہے۔ ون اسٹاپ سنٹر کا مقصد پبلک اور پرائیویٹ دونوں مقامات پر تشدد کی شکار عورتوں کو ایک ہی چھت کے نیچے مربوط سپورٹ اور امداد فراہم کرنا ہے، اور انہیں  مختلف خدمات تک فوری، ایمرجنسی اور غیر ایمرجنسی کی حالت میں رسائی مہیا کرانا ہے، جس میں خواتین کے خلاف کسی بھی قسم کے تشدد کے خلاف لڑنے کے لیے انہیں پولیس، طبی، قانونی مدد اور کاؤنسلنگ او نفسیاتی مدد مہیا کرانا شامل ہیں۔ ابھی تک 758 او ایس سی کو منظوری دی جا چکی ہے اور ان میں سے 708 او ایس سی 35 ریاستوں/مرکز کے زیر انتظام علاقوں میں فعال ہیں اور ابھی تک 5.40 لاکھ سے زیادہ خواتین کی مدد کی جا چکی ہے۔

خواتین ہیلپ لائن کی ہمہ گیری (ڈبلیو ایچ ایل) کو یکم اپریل، 2015 سے نافذ کیا جا رہا ہے، جس کا مقصد ایمرجنسی اور غیر ایمرجنسی کی حالت میں ملک بھر کے اندر خواتین کو 24 گھنٹے ریفرل سروس کے ذریعے فوری مدد مہیا کرنا ہے۔ اس اسکیم کے تحت،  مدد اور معلومات حاصل کرنے کی خواہش مند خواتین کو مختصر کوڈ 181 کے ذریعے 24 گھنٹے ٹول فری ٹیلی کام سروس مہیا کرائی جا رہی ہے۔ خواتین کا ہیلپ لائن 34 ریاستوں/مرکز کے زیر انتظام علاقوں میں کام کر رہا ہے اور اس کے ذریعے ابھی تک 70.00 لاکھ سے زیادہ متاثرہ خواتین کی کال موصول ہونے پر انہیں مدد فراہم کی گئی ہے۔

شکتی سدن کا مقصد  برے حالات میں پھنسی عورتوں، اور ٹریفکنگ کی شکار عورتوں  کی مدد کرنا ہے، جنہیں باز آبادکاری کے لیے ادارہ جاتی مدد کی ضرورت ہے، تاکہ وہ پورے عز و وقار کے ساتھ زندگی گزار سکیں۔ اس اسکیم کے تحت مشکل حالات اور ٹریفکنگ کی شکار عورتوں کو قیام، طعام، کپڑے اور صحت کے ساتھ اقتصادی اور سماجی تحفظ جیسی سہولیات فراہم کی جاتی ہیں، ان میں بیوہ عورتیں، پریشان حال اور بزرگ خواتین شامل ہیں۔

ضمیمہ

مظالم کے امکانات والے علاقوں کی تفصیلات

1. آندھرا پردیش

شناخت شدہ مظالم کے امکانات والے علاقوں کی تفصیلات درج ذیل ہیں:-

 

 

2. بہار

ریاست میں درج فہرست ذات اور درج فہرست قبائل کے ممبران کے خلاف ہونے والے مظالم کے مدنظر حساس سمجھے جانے والے 34 ضلعوں کی شناخت کی گئی ہے۔ یہ ضلعے ہیں پٹنہ، نالندہ، روہتاس، بھابھوا، بھوجپور، بکسر، گیا، جہان آباد، نوادہ، اورنگ آباد، سارن، سیوان، گوپال گنج، مظفرپور، سیتامڑھی، مغربی چمپارن (بیتیا)، مغربی چمپارن (بگہا)، مشرقی چمپارن (موتیہاری)، ویشالی، دربھنگہ، مدھوبنی، سمستی پور، سہرسہ، مدھے پورہ، پورنیہ، بھاگلپور، بانکا، مونگیر، شیخ پورہ، بیگوسرائے، کھگڑیا، کٹیہار، جموئی اور ارریہ۔

 

3. چھتیس گڑھ

شناخت شدہ مظالم کے امکانات والے علاقوں کی تفصیلات درج ذیل ہیں:-

 

 

 

4. گجرات

مظالم کے واقعات رونما ہونے کی بنیاد پر حساس سمجھے جانے والے 11 ضلعوں کی شناخت کی گئی ہے۔

1. مہسانہ
2. احمد آباد (دیہات)
3. جوناگڑھ
4. کچھ
5. بانس کانٹھا
6. کھیڑا
7. امریلی
8. راجکوٹ (دیہات)
9. سریندر نگر
10. وڈودرا (دیہات)
11. بھروچ

 

5. جھارکھنڈ

حکومت جھارکھنڈ نے ریاست کے اندر مظالم کے امکانات والے درج ذیل علاقوں کی شناخت کی ہے:-

 

6. کرناٹک

حکومت کرناٹک نے ریاست کے اندر مظالم کے امکانات والے درج ذیل علاقوں کی شناخت کی ہے:-

 

7. مدھیہ پردیش

ریاست میں ایسے 11 ضلعوں کی شناخت کی گئی ہے، جہاں ایس سی اور ایس ٹی کے خلاف مظالم ہونے کے امکانات ہیں۔

 

 

8. مہاراشٹر

ریاست کے محکمہ داخلہ نے  ریاست میں مظالم کے امکانات والے درج ذیل علاقوں کی شناخت کی ہے:-

 

9. اوڈیشہ

ریاست کے محکمہ داخلہ نے  ریاست میں مظالم کے امکانات والے درج ذیل علاقوں کی شناخت کی ہے:-

 

 

10. راجستھان

ریاست کے اندر مظالم کے امکانات والے 11 ضلعوں کی شناخت کی گئی ہے، جن کے نام ہیں بھرت پور، شری گنگا نگر، ٹونک، الور، اجمیر، پالی، باڑمیر، ہنومان گڑھ، سیکر، بارن اور ناگور۔

 

11. تمل ناڈو

تمل ناڈو کے  محکمہ سماجی انصاف اور حقوق انسانی نے  37 ضلعوں کے 345 گاؤوں کی شناخت ’مظالم کے امکانات‘ والے علاقوں کے طور پر کی ہے۔  7 کمشنریوں میں، 27 گاؤوں کی شناخت سال 2020 میں ’مظالم کے امکانات‘ والے کے طور پر کی گئی تھی۔

سماجی انصاف اور حقوق انسانی کے اکائیوں کے عملہ کے ذریعے ضلعوں کے گاؤوں کا سروے کیا گیا تھا اور سپرنٹنڈٹ آف پولیس اور ڈسٹرکٹ کلکٹروں کے نوٹس میں یہ بات لائی گئی تھی کہ وہ درج فہرست ذاتوں اور غیر درج فہرست ذاتوں کے درمیان کسی تنازع/تصادم کو روکنے کے لیے احتیاطی قدم اٹھائیں۔

 

12. تلنگانہ

شناخت شدہ مظالم کے امکانات والے علاقوں کی تفصیلات درج ذیل ہیں:-

 

13. انڈمان و نکوبار جزائر

شناخت شدہ مظالم کے امکانات والے علاقوں کی تفصیلات درج ذیل ہیں:-

*****

ش ح – ق ت – ت ع

U: 8161

 

 

(Release ID: 1845194) Visitor Counter : 136