അമ്പലപ്പുഴയിലെ പ്രളയ പുനരധിവാസ പദ്ധതിയിലെ മികച്ച ആശയത്തിന് ഹഡ്‌കോ ഡിസൈൻ അവാർഡ് ഹാബിറ്റാറ്റ് ടെക്‌നോളജി ഗ്രൂപ്പ് ചെയർമാൻ ഡോ.ജി.ശങ്കറിന് സമ്മാനിച്ചു. ചെലവ് കുറഞ്ഞ ഗ്രാമീണ/നഗര ഹൗസിംഗ് ഡിപ്ലോയിംഗ് ഇന്നൊവേറ്റീവ്/എമർജിംഗ്, ഡിസാസ്റ്റർ റെസിസ്റ്റന്റ് ടെക്‌നോളജി വിഭാഗത്തിലാണ് ഹാബിറ്റാറ്റ് ഗ്രൂപ്പിന് ഒന്നാം സമ്മാനം ലഭിച്ചത്. കോട്ടയം തെക്കുംതലയിലുള്ള കെ ആർ നാരായണൻ ഇൻസ്റ്റിറ്റ്യൂട്ട് ഓഫ് വിഷ്വൽ സയൻസ് ആൻഡ് ആർട്‌സിന്റെ ശ്രദ്ധേയമായ പ്രവർത്തനത്തിന് "ഗ്രീൻ ബിൽഡിംഗ്" വിഭാഗത്തിൽ അവർക്ക് രണ്ടാം സമ്മാനവും ലഭിച്ചു. ഹാബിറ്റാറ്റ് ടെക്‌നോളജി ഗ്രൂപ്പിന് കഴിഞ്ഞ 3 വർഷമായി തുടർച്ചയായി ഹഡ്‌കോ ഡിസൈൻ അവാർഡുകൾ ലഭിക്കുന്നുണ്ട്.

ഇന്ത്യൻ ഗ്രീൻ ബിൽഡിംഗ് കൗൺസിൽ ചെയർമാനും ഹഡ്‌കോ മുൻ സിഎംഡിയുമായ ശ്രീ വി സുരേഷ് ആർക്കിടെക്റ്റ് ജി ശങ്കറിന് അവാർഡുകൾ സമ്മാനിച്ചു. "ഗ്രീൻ ബിൽഡിംഗ്" വിഭാഗത്തിൽ  തിരുവനന്തപുരത്തെ  ആഷംസ് രവിക്ക് ഒന്നാം സമ്മാനം ലഭിച്ചു. പരിസ്ഥിതിയെ നല്ല രീതിയിൽ സ്വാധീനിക്കുകയും പ്രകൃതിവിഭവങ്ങൾ സംരക്ഷിക്കുകയും  ജീവിതനിലവാരം ഉയർത്തുകയും ചെയ്തുകൊണ്ട് അദ്ദേഹത്തിന്റെ വീട് നിർമ്മിച്ചതിനാണ് അവാർഡ് നൽകിയത്. 

രൂപകൽപ്പനയിലും നഗരവികസനത്തിലും മികവ് പുലർത്തുന്നതിനാണ്  ഹഡ്‌കോ ഡിസൈൻ അവാർഡുകൾ ഏർപ്പെടുത്തിയിട്ടുള്ളത്. നമ്മുടെ നഗരങ്ങളെ ജീവിക്കാനും പരിസ്ഥിതി സുസ്ഥിരമാക്കാനുമുള്ള നൂതന സംരംഭങ്ങളെയും ഹഡ്‌കോ അവാർഡുകൾ അഭിനന്ദിക്കുന്നു.

തിരുവനന്തപുരം ഹഡ്‌കോ റീജിയണൽ ചീഫ് ശ്രീമതി ബീന ഫിലിപ്പോസും ഹഡ്‌കോ ജോയിന്റ് ജനറൽ മാനേജർ (പ്രോജക്‌ട്‌സ്) ശ്രീ ജോൺ ജോസഫ് വടശ്ശേരിയും അവാർഡ് ജേതാക്കളെ അനുമോദിച്ചു.

( റിലീസ് ഐ.ഡി: 1843219) സന്ദര്‍ശക കൗണ്ടര്‍ : 24