নেস্নেল ক্রাইম রেকোর্দ্স ব্যুরো (এন.সি.আর.বি.)না নুপীদা চত্থবা ক্রাইমশিংগী মরমদা দেতা ফোঙলি অমদি হায়রিবা দেতা অসি ইং ২০২০ ফাওবগী ফংলি‍। এন.সি.আর.বি.না ফোঙলিবা দেতা অসিনা নুপীদা চত্থবা ক্রাইম মশিং ২০১৯দা ৪,০৫,৩২৬ ওইরমবদগী ২০২০দা ৩,৭১,৫০৩ ওইদুনা হন্থরকপগী মতৌ উৎলি‍।

অহানবা ওইনা, অউনপোৎকী মীশি (সেক্সন ৩০৪বি. ইন্দিয়ন পেনাল কোদ নৎত্রগা আই.পি.সি.), মপুরোইবা অমদি শাগৈ নাতৈনা তাথি তাওইনা তৌবিবা (সেক্সন ৪৯৮এ. আই.পি.সি.), অউনপোৎকীদমক ওৎপি নৈবিবা (দাউরী প্রোহিবিসন এক্ত), ইমুং মনুংদা ওৎ নৈবা (প্রোতেক্সন ওফ ৱুমেন ফ্রোম দোমেস্তিক ভাইওলেন্স এক্ত) অসিনচিংবা য়ুমবানবা অমদি নেতেল ভাইওলেন্সকী ইন্দিকেতর অয়ামবদা মখাদা পীরিবা তেবলদা উৎলিবা অসিগুম্না হন্থরকপগী মতৌ উৎলি‍:

য়ুম্বান মরীদা লঙজবা	২০১৯	২০২০
মপুরোইবা অমদি শাগৈ নাতৈনা তাথি তাওইনা তৌবিবা (সেক্সন ৪৯৮এ. আই.পি.সি.)	১,২৪,৯৩৪	১,১১,৫৪৯
অউনপোৎকীদমক ওৎপি নৈবিবা (দাউরী প্রোহিবিসন এক্ত, ১৯৬১)	১৩,৩০৭	১০,৩৬৬
অউনপোৎকী মীশি (সেক্সন ৩০৪বি. আই.পি.সি.)	৭,১৪১	৬,৯৬৬
ইমুং মনুংদা ওৎ নৈবা (প্রোতেক্সন ওফ ৱুমেন ফ্রোম দোমেস্তিক ভাইওলেন্স এক্ত, ২০০৫কী মখাদা)	৫৫৩	৪৪৬

 

ভররত সংবিধানগী তরেৎশুবা সিদ্যুলগী মতুং ইন্না ‘পুলিস’ অমসুং ‘পব্লিক ওর্দর’ অসি স্তেত সবজেক্তনি অমদি লো অমসুং ওর্দর ঙাকপা, নুপীদা চত্থবা ক্রাইম থীজিনবা অমদি প্রোজিক্যুসন তৌবা য়াওনা মীয়ামগী পুন্সি অমদি লনথুম ঙাকপগী থৌদাং মরী লৈনবা স্তেত লৈঙাকশিংগী মফমদা লৈ‍।

ভারত সংবিধান্না চপ মান্নবা মীৎয়েঙদা য়েংবগী হক ঙাক্লি অমদি নুপীবু হন্থনা য়েংবগী মখল খুদিংমক মুত্থৎনবা অমদি মখোয়বু মপুং ফানা মপাঙ্গল কলহন্নবগীদমক স্তেতনা মরম চাবা মওংদা খুৎ থিংজিনবগী অয়াবসু পীরি‍। সংবিধান্না পীরিবা ৱাফমশিং অসি মাঙদা থমদুনা পা-পী থোং মান্নদবা, নুপীশিংনা থেংনরিবা হন্থনা য়েংবিবা অমদি মীওৎ মীনৈগী ৱাফমশিংগী ৱাখৈ পুরক্নবা ইন্দিয়ন পেনাল কোদ, ১৮৬০, দাউরী প্রোহিবিসন এক্ত, ১৯৬১, দি প্রোতেক্সন ওফ ৱুমেন ফ্রোম দোমেস্তিক ভাইওলেন্স এক্ত, ২০০৫ অমসুং দি প্রোহিবিসন ওফ চাইল্দ মেরিএজ এক্ত, ২০০৬ অসিনচিংবা আইন কয়া শেমদুনা চৎনহল্লি‍।

 

মসিগী মথক্তা, লৈবাক পুমবদা নুপীশিং শাফনবা লৈননবগীদমক ভারত লৈঙাক্না মীওৎ মীনৈ নংলবা নুপীশিংগীদমক ৱন স্তোপ সেন্তর (ও.এস.সি.)তোল ফ্রী তেলিফোনিক সোর্ত কোদতা মথৌ তৌরিবা ৱুমেন হেল্পলাইন (দব্লিউ.ঐচ.এল.), বেতি বচাও বেতি পরাউ (বি.বি.বি.পি.), খুদোংথিবা নৎত্রগা ফীভম চাদবা মায়োক্নরবা নুপীশিংগীদমক্তা স্বাধর গ্রেহ, ভারত পুম্বগী ওইবা সিঙ্গল নম্বর (১১২)/মোবাইল এপতা য়ুম্ফম ওইবা ইমর্জেন্সী রেসপোন্সকী সিস্তেম অমা ওইরিবা ইমর্জেন্সী রেস্পোন্স সপ্পোর্ত সিস্তেম (ই.আর.এস.এস.), ময়োল্লম ৮দা (অহমদবাদ, বেঙ্গলুরু, চেন্নাই, দিল্লী, হায়দরবাদ, কোলকতা, লখনৌ অমসুং মুম্বাই) পায়খৎলিবা সেফ সিতী প্রোজেক্তশিং, ইন্ভেস্তিগেসন ওফিসর, প্রোজিক্যুসন ওফিসর অমসুং মেদিকেল ওফিসরশিংগী ত্রেনিং অমসুং স্কিল দেভেলপমেন্ত প্রোগ্রামশিং, পুলিস স্তেসনশিংদা ৱুমেন হেল্প দেক্স (দব্লিউ.ঐচ.দি.) লিংখৎপা/মপাঙ্গল কনখৎহনবা অসিনচিংবা স্কিম অমসুং প্রোজেক্ত কয়া পায়খৎলি‍।

মখা তানা, নেস্নেল কম্মিসন ফোর ৱুমেন (এন.সি.দব্লিউ.), চুম্নগী ওইবা থৌওংদা ৱাকৎশিং লৌখৎপগী মথক্তা, দোমেস্তিক ভাইওলেন্সকী থৌদোকশিং পাউদম্লক্নবগীদমক অকক্নবা ৱাতসএপ নম্বর ৭২১৭৭-৩৫৩৭২গী খুত্থাঙদা অৱাবা তারবা নুপীশিংদা তেংবাং পীরি‍। এন.সি.দব্লিউনা সোসিএল মীদিয়াদা পাউদম্লকপা দোমেস্তিক ভাইওলেন্সকা মরী লৈনবা ৱাকৎশিংসু শকখঙদুনা লৌখৎলি‍। এন.সি.দব্লিউ.দা লাকপা ৱাকৎশিং খুদোংথিবা নংলবা মীওইশিং, পুলিস অমসুং অতৈ ওথোরিতীশিংগা খুৎশম্নদুনা খুদক্কী ওইবা তেংবাং পীননবগীদমক থবক লৌখৎলি‍।

নির্ভয়া ফন্দগী মখাদা ব্যুরো ওফ পুলিস রিসর্স এন্দ দেভেলপমেন্ত (বি.পি.আর. এন্দ দি.)নসু ইনভেস্তিগেসন ওফিসর, প্রোজিক্যুসন ওফিসর অমসুং মেদিকেল ওফিসরশিংগী ত্রেনিং অমসুং স্কিল দেভেলপমেন্ত প্রোগ্রামশিং, স্তেত/য়ু.তি.শিংদা সেক্সুএল এসোল্ত ইভিদেন্স কল্লেক্সন (এস.এ.ই.সি.) কিতশিং য়েন্থোকপা য়াওনা থৌরাং কয়ামরুম পায়খৎলি‍। বি.পি.আর. এন্দ দি.না ইনফ্রাস্ত্রকচর, ত্রেনিং, হ্যুমেন রিসোর্স দেভেলপমেন্ত অমসুং রেসপোন্স মেকানিজম হায়রিবা মরুওইবা মচাক মরিসিদা মীৎয়েঙ থমদুনা ৱুমেন হেল্প দেক্সশিংবু মথৌ নীংথিনা তৌহন্নবগীদমক পুলিস স্তেতসনশিংদা লৈরিবা ৱুমেন হেল্প দেক্সশিংগী স্তেন্দর্দ ওপরেতিং প্রোসিজর (এস.ও.পি.)সু শেম্লি‍। অখন্ননা সেক্সুএল এসোল্তগী মতাঙদা মীৎয়েঙ থমদুনা নুপীদা চত্থবা ক্রাইমশিং থোকহন্দনবা অমদি থীজিন্নবগী পান্দমদা থীজিন হুমজিনবা, ভিক্তিম কম্পেন্সেসন অমসুং রিহেবিলিতেসনগী মতাঙ য়াওরবা ‘ৱুমেন্স সেফ্তী এন্দ সিক্যুরিতী – এ হেন্দবুক ফোর ফর্স্ত রেসপোন্দর্স এন্দ ইনভেস্তিগেতর্স’ কৌবা লাইরিক অমসু ফোঙলি‍। মসিদা নুপী অমসুং অঙাঙদা চত্থবা ক্রাইমশিং থোকহন্দনবা অমদি থিদোক্নবা, অমদি ক্রাইমী চৈথেং নংলবা মীওইশিংগা ৱারী ৱাতায় শানবগী মতাঙদা পুলিসকী চুনবা লমচৎ অমদি থৌওং, হৈশিংবদা মীৎয়েঙ থম্লি‍। ৱুমেন্স সেফ্তী ৱিথ সেন্সিতিবিতীগী মতাঙদা ৱেবিনারশিং, পুলিস পর্সনেলশিংগী জেন্দর সেন্সিতাইজেসন্নচিংবা থৌওং কয়াসু বি.পি.আর. এন্দ দি.না পাঙথোক্তুনা লাক্লি‍। মীওৎ মীনৈ নংলবী অমসুং অৱাবা তারবী নুপীশিংদা ঙাক্লৌ পীনবগীদমক সাইকো-সোসিএল অমসুং মেন্তেল হেল্থ কেয়রগী মথৌ তাবশিংগী থবক পায়বদা লৈবাক শিনবা থুংনা লৈরিবা ৱন স্তোপ সেন্তর (ও.এস.সি.)শিংগী স্তাফশিংদা ‘স্ত্রী মনোরক্সা’ তৌবা প্রোজেক্ত অমগী মখাদা তঙাইফদবা অমদি অহেনবা থাক্কী ত্রেনিং পীননবগীদমক নুপী অমসুং অঙাঙগী চাউখৎ থৌরাং মন্ত্রালয়না নেস্নেল ইন্সতিত্যুৎ ওফ মেন্তেল হেল্থ এন্দ ন্যুরো সাইন্সেস (নিমহান্স)কী সর্ভিস লৌরি‍।

হায়রিবা থৌরাং অসিনা মরম ওইরগা মৱা-মপুরোইবনা ওৎপি নৈবিবগী ফীভম থেংনবা চহি ১৮-৪৯গী মরক্তা লৈবা নুপীগী চাং নেস্নেল ফেমিলী হেল্থ সর্ভে (এন.এফ.ঐচ.এস.)-৪ (২০১৫-১৬)দা ৩১.২% ওইরমবদগী এন.এফ.ঐচ.এস.-৫ (২০১৯-২০)দা ২৯.৩%দা হন্থরকপা, অপুনবা মীশিংগী সেক্স রেসিও (নুপা ১০০০ খুদিংগী লৈবা নুপী মশিং) এন.এফ.ঐচ.এস.-৪দা ৯৯১ ওইরমবদগী এন.এফ.ঐচ.এস.-৫দা ১,০২০দা হেনগৎলকপা, অমসুং মার্চ, ২০২২ ফাওবদা লৈবাক শিনবা থুংনা মথৌ তৌরিবা ৱন স্তোপ সেন্তর ৭০৮গী খুত্থাঙদা মীওৎ মীনৈ নংলবা নুপী লাখ ৫.৪০ হেনবদা ঙাক্লৌ পীবনচিংবা থৌওংশিং উবা ফংলি‍।

ৱাফম অসি নুপী অমসুং অঙাঙগী চাউখৎ থৌরাংগী কেন্দ্র মন্ত্রী শ্রীমতি স্মৃতি জুবিন ইরানিনা ঙসি রাজ্য সভাদা অইবা পাউখুম ওইনা পীদুনা ফোঙদোকখিবনি‍।

 

*****

(Release ID: 1843170) Visitor Counter : 136