انسانی اعضاء اور ٹشو ٹرانسپلانٹیشن  ایکٹ(ٹی ایچ او ٹی اے)، 1994 علاج کے مقاصد اور انسانی اعضاء اور ٹشو میں تجارتی لین دین کی روک تھام کے لیے انسانی اعضاء اور ٹشو کو ہٹانے، ذخیرہ کرنے اور ٹرانسپلانٹ کرنے کے ضابطے فراہم کرتا ہے۔ مصنوعی اعضاء کا موضوع مذکورہ ایکٹ کے تحت منظم نہیں ہے۔

جیسا کہ ڈائریکٹوریٹ جنرل آف ہیلتھ سروسز کی طرف سے رپورٹ کیا گیا ہے، پچھلی دہائی میں ذیابیطس، ہائی بلڈ پریشر، گردے کی دائمی بیماری، غیر الکوحل والی فیٹی لیور کی بیماری جیسی طرز زندگی کی بیماریوں میں مجموعی طور پر اضافہ ہوا ہے، جس سے اعضاء کو نقصان پہنچ سکتا ہے۔ ایک بار جب آخری مرحلے میں اعضاء کی ناکامی واقع ہو جاتی ہے، ایسے معاملات میں اعضاء کے ٹرانسپلانٹیشن کی ضرورت پڑ سکتی ہے۔

حکومت ہند نے نیشنل آرگن ٹرانسپلانٹ پروگرام(این او ٹی پی) نافذ کیا ہے تاکہ قومی، علاقائی اور ریاستی سطح پر اعضاء اور ٹشو ٹرانسپلانٹ تنظیموں کا ایک نیٹ ورک قائم کیا جا سکے اور انہیں ٹرانسپلانٹ اور بازیافت اسپتالوں اور ٹشو بینکوں سے منسلک کیا جا سکے اور اعضاء کی قومی رجسٹری کو برقرار رکھا جا سکےاور ٹشو کے عطیہ دہندگان اور وصول کنندگان کو اس مقصد کے لیے مردہ عطیہ دہندگان سے اعضاء اور ٹشو کی خریداری اور تقسیم کے لیے ایک موثر نظام فراہم کیا جاسکے۔ پروگرام کے تحت، نئے قائم کرنے یا موجودہ اعضاء اور ٹشو کا ٹرانسپلانٹیشن اور بازیافت کی سہولیات کو اپ گریڈ کرنے اور ٹشو بینک قائم کرنے کے لیے مدد فراہم کی جاتی ہے۔

صحت اور خاندانی بہبود کی  مرکزی وزیر مملکت ڈاکٹر بھارتی پروین پوار نے آج راجیہ سبھا میں ایک تحریری جواب میں یہ بات کہی۔

 

*****

ش ح ۔ا م۔

U:7788

(Release ID: 1842851) Visitor Counter : 177