سائنس اور ٹیکنالوجی کے مرکزی وزیر مملکت (آزادانہ چارج)، ارضیاتی سائنس کے مرکزی وزیر مملکت، وزیراعظم کے دفتر میں وزیر مملکت، عملے، شکایات عامہ اور پنشن، ایٹمی توانائی اور خلاء کے وزیر مملکت ڈاکٹر جتیندر سنگھ نے، جو انڈین انسٹی ٹیوٹ آف پبلک ایڈمنسٹریشن کے چیئرمین بھی ہیں، آج تعلیمی میدان میں اعلیٰ کارکردگی میں پبلک ایڈمنسٹریشن میں ڈاکٹر راجندر پرساد میموریل ایوارڈ کے قیام کا اعلان کیا۔ ملک کے اولین صدرڈاکٹر راجندر پرساد کے نام پر یہ ایوارڈ قائم کیا جا رہاہے، جنہوں نے قومی راجدھانی میں آئی آئی پی اے بلڈنگ کمپلیکس کا سنگ بنیاد بھی رکھا تھا۔

آئی آئی پی اے ایگزیکٹیو کونسل کی 320ویں میٹنگ کی صدارت کرتے ہوئے ڈاکٹر جتیندر سنگھ نے آئی آئی پی اے کے ڈائرکٹر جنرل اور عملے کو آئی ایس او 9001:2015 سرٹیفکیشن حاصل ہونے پر مبارکباد دی اور کہا کہ اس سے حکومت ہند کے اس اعلیٰ  ترین تربیتی ادارے کی طرف سے کئے جانے والے شاندار کارکردگی کا اظہار ہوتا ہے۔

مرکزی وزیر نے حکومت ہند کے اسسٹنٹ سکریٹریز کے لئے انڈین انسٹی ٹیوٹ آف پبلک ایڈمنسٹریشن کے ایک روزہ دورے کی صلاح دی تاکہ یہ لوگ ادارے کے تربیتی پروگرام کا برسر موقع جائزہ لے سکیں۔ انہوں نے یہ بھی صلاح دی کہ دوست ملکوں مثلاً مالدیپ، بھوٹان، نیپال، سری لنکا وغیرہ سے افسران کے آئی آئی پی اے کے دورے کا انتظام ہونا چاہئے۔

مرکزی وزیر نے کہا کہ ادارے کو وزیراعظم جناب نریندر مودی کے طے کردہ مقاصد کو حاصل کرنے کے لئے اگلے 25 سال کے لے مستقبل رخی ویژن اختیار کرنا چاہئے۔ وزیر موصوف نے کہا کہ آئی آئی پی اے کے پاس پوری صلاحیت موجود ہے اور اسے ماہرین کے ایک بڑے گروپ اور وسیع تر سرگرمیوں کے ساتھ اپنے کام جاری رکھنے چاہئیں۔

ڈاکٹر جتیندر سنگھ نے اس بات پر اطمینان کا اظہار کیاکہ بھاری تعداد میں موجودہ اور سابق سول سروینٹس اور تعلیمی میدان کی اہم ہستیاں آئی آئی پی اے کی رکنیت لے رہی ہیں۔ وزیر موصوف نے ادارے کے کاموں کو سراہا، جہاں 22-2021 میں 75 تربیتی پروگرام ہوئے اور اپریل سے جون 2022 کے دوران اس طرح کے 20 پروگرام منعقد کئے گئے۔ ادارے نے 22-2021 میں 75 آن لائن ٹریننگ پروگرام کرائے اور 23-2022 کی پہلی سہ ماہی میں 5 پروگرام ہوئے۔

وزیر موصوف کو 27ستمبر 2021 کو منعقد ہوئی ای سی کی319ویں میٹنگ کی تفصیلات سے بھی آگاہ کرایاگیا۔

آئی آئی پی اے ایگزیکٹیو کونسل میں ہندوستان کے محترم صدر جمہوریہ جناب ایم وینکیا نائیڈو پریسیڈینٹ ہیں اور مرکزی وزیر ڈاکٹر جتیندر سنگھ اس کے چیئرمین ہیں۔

میٹنگ میں آئی آئی پی اے ایگزیکٹیو کونسل کے ارکان بشمول جناب شیکھر دت، سابق گورنر ، چھتیس گڑھ، جناب سری نواس آرکٹی کیٹھالا، ڈائرکٹر،  ایل بی ایس این اے اے، جناب جی پی پراسین، جناب جی آر کروپ، جناب کے کے پانڈے اور جناب سریندر ناتھ ترپاٹھی، ڈی جی،  آئی آئی پی اے اور ممبر سکریٹری،  ای سی اور جناب امیتابھ رنجن، رجسٹرار ، آئی آئی پی اے نے شرکت کی۔ کئی علاقائی برانچوں  نے بھی ورچوئل طریقے سے میٹنگ میں شرکت کی۔

***

ش ح۔ ع س۔ ک ا