ভারতনা নীংতম্বা ফংবগী চহি ৭৫ মপুং ফারকপগী কুমওন পালন তৌবা ওইনা, ইন্দিয়ন আর্মী অমসুং ইন্দিয়ন এয়র ফোর্সনা জুলাই ২, ২০২২দগী হৌদুনা দিল্লীদগী দ্রাস ফাওবগী মশক থোক্লবা সাইক্লিং এক্সপেদিসন অমা পাংথোক্নবা পুনখ্রে। তীম অসিদা লান্মী অমসুং নোংথক্কী লান্মী ২০না শরুক য়াগনি অমসুং মখোয়বু আর্মী অমসুং এয়র ফোর্সকী থৌনা লৈরবী নুপী ওফিসর অনিনা লুচিংগনি। এক্সপেদিসন অসিবু সিগ্নেল কোরগী সিগ্নেল ওফিসর অমসুং সেনিয়র কোলোনেল কম্মান্দেন্ত, এ.ভি.এস.এম. এস.এম., ল্যুতেনেন্ত জেনেরেল এম. য়ু. নাইর অমসুং ৱেস্তর্ন এয়র কম্মান্দগী সেনিয়র এয়র ওফিসর, এ.ভি.এস.এম. ভি.এম., এয়র মার্শেল আর. রধিসনা নই দিল্লীগী নেস্নেল ৱার মেমোরিএলদগী পুন্না লম্থাখিবনি। সাইক্লিস্তশিং অসিনা নুমিৎ ২৪নিদা কিলোমীতর ১৬০০ থৌবগী লুরবা শিংনবা অমা থেংনগনি অমসুং মসিগী মপুং ওইবা থৌরম্না কার্গিল লান্দা মশাগী থৱাই কত্তুনা খ্বাইদগী থোইরবা থৌওং পাংথোকখিবা থৌনা লৈবা অথৌবশিংদা ইকায় খুম্নবা উৎপগী মতিক চারবা থৌওং অমা ওইনা জুলাই ২৬, ২০২২দা কার্গিল ৱার মেমোরিএলদা লোইশিনগনি।

সাইক্লিস্তশিংনা মখোয়গী খোঙচৎকী তোঙানবা থাক্তা স্কুলগী মহৈরোই কয়াগা ৱারী শাবগী থৌরাং লৈবনা মরম ওইরগা নহা ওইরিবা ভারত মচাশিংদা লৈবাক নীংবগী ইথিল পীবনা এক্সপেদিসন অসিগী মপুং ওইবা পান্দম্নি। মখোয়না লৈবাক্কী তুংগী লুচিংবশিংগী চাং ওনবা ঙম্লরোইদবা থৱাই য়াওবা অমসুং শেম-শাবগী মতৌবু নীংথিনা শিজিন্নবা ঙমহনবদা তেংবাংবা লমজিং মৈরা ওইগনি। নোমিনেত তৌরবা স্কুলশিংগী পরিং মখাদা পীরিঃ

সাইক্লিস্তশিংগী তীম অসিবু সিগ্নেল কোরগী মেজর শৃশ্তী শর্মনা লুচিংগনি। শৃশ্তী অসি তোঙান-তোঙানবা তেক্নিকেল বেজ ইন্তেল্লিজেন্স ওপরেসন কয়াদা তেংবাংবগীদমক্তা ইং ২০১৯দা চীফ ওফ ইন্তিগ্রেতেদ স্তাফ  কম্মেন্দেসন কার্দকী মনা ফংখ্রবী সেকেন্দ-জেনেরেসন ওফিসর অমনি। দিল্লীদা হৌজিক পোস্তিং তারিবী মহাকপু রিপব্লিদ দে অমসুং ইন্দিপেন্দেন্স দেগুম্বা লৈবাক্কী থৌরম কয়াদা এয়র দিফেন্স কম্ম্যুনিকেসনগী হীরমশিংদা তেংবাংবগীদমক্তা ইং ২০২১দা ভাইস চীফ ওফ এয়র স্তাফ কম্ম্যুনিকেসন কার্দকী মনাসু পীখ্রবনি।

ইন্দিয়ন এয়র ফোর্স তীম্বু লুচিংগদৌরিবী অসিনা মশাগী সর্ভিসকী চহি ১০গী মনুংদা বিদর, গ্বালিওর অমসুং দেবলালীদা লোজিস্তিক্স ওফিসরগী থৌ পুখ্রবী স্ক্বাদ্রোন লীদর মনেকানি। কলাইকুন্দাগী এয়র ফোর্স স্তেসন্দা হৌজিক পোস্তিং তারিবী মহাক্কী মফমদা ইং ২০১৬তা গ্বালিওর এয়র ফোর্স স্তেসনগী লোজিস্তিক্সকী তোঙানবা শিংনবা কয়াগী ৱারোইশিন কয়া খোঙজেল য়াঙনা অমসুং নীংথিনা পুরকখিবগীদমক্তা এয়র ওফিসর কম্মান্দিং-ইন-চীফ সেন্ত্রেল এয়র কম্মান্দ কম্মেন্দেসন কার্দকী মনা পীখ্রবনি। মহাক অসি শান্ন-খোৎনবদা থৱাই য়াওবীনি অমসুং ইন্দিয়ন এয়র ফোর্সনা শীনখিবা সাইকল এক্সপেদিসন মশিং কয়াদা শরুক য়াখ্রবনি।

এক্সপদিসন অসিনা হিমাচল প্রদেশ চঙদ্রিঙৈদা পঞ্জাব ফাওদুনা থৌগনি। এক্সপেদিসন অসিনা লদাখ মাইকৈ পাংলকপদা অৱাংবা হেনগৎলকপা মফম অমসুং ওক্সীজেন ৱাৎলকপগী ফিভমগুম্বা শিংনবা কয়া মাইয়োক্নগনি। মসিগুম্বা অচৌবা শিংনবা কয়া মাইয়োক্নবা ঙম্নবগীদমক্তা ত্রেনিং অমসুং শেম-শাবগী থৌওং কয়া মমাংদা হান্ননা পাংথোকখ্রবনি। তীম অসিদা মখোয়গী খাঙবা কনবা মতৌ অমসুং স্তেমিনা শাগৎপদা তেংবাংগদবা গ্রেজুএতেদ ওইরবা ত্রেনিং সেদ্যুল লৈখি। তীম অসিবু দ্রাস্তা তরাম্না ওকপগী থৌরম্না নোরথর্ন কম্মান্দগী জেনেরেল ওফিসর কম্মান্দিং-ইন-চীফ,এ.ভি.এস.এম., ল্যুতেনেন্ত জেনেরেল উপেন্দ্র ভ্বিবেদীনা পাংথোক্কনি।

***