প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কম্মিতি ওন ইকনোমিক এফিয়র্সকী মীফমনা পি.এ.সি.এস.গী ইফিসিএন্সী হেনগৎহন্নবা, মখোয়গী থবক-থৌরমশিংদা ত্রান্সপরেন্সী অমসুং একাউন্তেবিলিতী পুরক্নবা; পি.এ.সি.এস.তা মখোয়গী বিজিনেস দাইভর্সিফাই তৌবা অমসুং এক্তিবিতী/সর্ভিস কয়ামরুম পাইখৎপদা মতেং পাংনবা পান্দমগা লোয়ননা প্রাইমরী এগ্রিকলচরেল ক্রেদিৎ সোসাইতীজ (পি.এ.সি.এস.) কম্প্যুতরাইজ তৌবদা অয়াবা পীখ্রে। প্রোজেক্ত অসিনা ভারত সরকারগী শিয়র লুপা করোর ১৫২৮গা লোয়ননা অপুনবা বজেৎ আউতলে লুপা করোর ২৫১৬ ওইদুনা চহি ৫গী মতমদা মথৌ তৌরিবা পি.এ.সি.এস. ৬৩,০০০ হেনবা কম্প্যুতরাইজেসন তৌনবা ৱাফম পুখৎলি।

প্রাইমরী এগ্রিকলচরেল ক্রেদিৎ সোসাইতীজ (পি.এ.সি.এস.)তা খুঙ্গংগী শেম্মীৎলোন চাউখৎহন্নবগীদমক মরু ওইরিবা, লৌমী চাউরাক্না করোর ১৩ রোমনা মাগী মেম্বরশিং ওইরিবা লৈবাক অসিদা লৈরিবা থ্রী-তায়র শোর্ত-তর্ম কোওপরেতিব ক্রেদিৎ (এস.তি.সি.সি.)গী খ্বাইদগী তাবা তায়র অদু শেম্লি। লৈবাক্কী এন্তিতী পুম্নমক্না পীরিবা কে.সি.সি. লোনশিংগী ৪১% (লৌমী করোর ৩.০১) পি.এ.সি.সি.না ওইরি অমসুং পি.এ.সি.সি.গী খুত্থাংদা পীরিবা কে.সি.সি. লোনশিংগী (লৌমী করোর ২.৯৫) ৯৫% অসি স্মোল অমসুং মর্জিনেল ফার্মরশিংনা ওইরি। অতোপ্পা তায়র অনি হায়বদি স্তেৎ কোওপরেসতিব বেঙ্কশিং (এসতি.সি.বি.শিং) অমসুং দিস্ত্রিক্ত সেন্ত্রেল কোওপরেতিব বেঙ্কশিং (দি.সি.সি.বি.শিং) অসি এন.এ.বি.এ.আর.দি.না ওতোমেতেদ ওইহনখ্রে অমসুং কম্মন বেঙ্কিং সোফৱেয়র (সি.বি.এস.)তা পুররকপা ঙমখ্রে।

অদুম ওইনমক, পি.এস.সি.এস. অয়াম্বা হৌজিক ফাওবা কম্প্যুতরাইজ ওইদ্রি অমদি হৌজিকসু মেন্যুএল ওইনা মথৌ তৌবনা ইনইফিসিএন্সী ওইহল্লি অমসুং থাজবা ৱাৎহল্লি। রাজ্য খরদা পি.এ.সি.এস.কী স্তেন্দ-এলোন অমসুং পার্সিএল কম্প্যুতরাইজেসন তৌখ্রে। মখোয়না শীজিন্নরিবা সোফৱেয়রদা য়ুনিফোর্মিতী লৈতে অমসুং মখোয় অসি দি.সি.সি.বি.শিং অমসুং এসতি.সি.বি.শিংগা ইন্তরকন্নেক্তেদ ওইদে। ইকাই খুম্নরবা গৃহ অমসুং কোওপরেসন মন্ত্রী শ্রী অমিত শাহগী লুচিং মখাদা লৈবাক শিনবা থুংবদা লৈরিব পি.এ.সি.এস. পুম্নমক কম্প্যুতরাইজ তৌনবা অমসুং মখোয়বু জাতিগী থাক্কী কম্মন প্লেৎফোর্ম অমদা পুরক্নবা অমসুং মখোয়গী নুমিৎ খুদিংগী তৌরিবা বিজিনেসকীদমক কম্মন একাউন্তিং সিস্তেম (সি.এ.এস.) অমা লৈহন্নবা প্রপোজ তৌখি।

লৌমীশিংদা মরু ওইনা স্মোল এন্দ মর্জিনেল ফার্মরশিং (এস.এম.এফ.শিং)দা ফাইনান্সিএল ইনক্লুজন তৌনবা অমসুং সর্ভিস দেলিভরী মপাঙ্গল কনখৎহনবগী থৌদাংশিং পাঙথোকপগা লোয়ননা পি.এ.সি.এস. কম্প্যুতরাইজ তৌবা অসিনা হার, মরু অসিনচিংবা ইনপুৎশিংগী তোঙান-তোঙানবা সর্ভিস অমসুং প্রোবিজনগী নোদেল সর্ভিস দেলিভরী পোইন্তসু ওইরগনি। প্রোজেক্ত অসিনা খুঙ্গংগী মফমশিংদা দিজিতাইজেসন তৌবা হেনগৎহনবগী মথক্তা বেঙ্কিং এক্তিবিতীশিং লোয়ননা নন-বেঙ্কিং এক্তিবিতীশিংগীদমক আউতলেৎশিং ওইনা পি.এ.সি.এস.কী আউতরীচ হেনগৎহনবদা মতেং ওইরগনি। দি.সি.সি.বি.শিংনা মখোয় মশাবু পি.এ.সি.এস.কী খুত্থাংদা ইমপ্লিমেন্ত তৌবা য়াবা সরকারগী স্কিম কয়ামরুম (ক্রেদিৎ অমসুং সবসিদী য়াওবা) পাইখৎনবগী মরু ওইবা পাম্বৈশিংগী মনুংদা অমা ওইনা এনরোল তৌবা য়ারগনি। মসিনা লোনশিং থুনা ফংহনবা, ত্রাঞ্জিসন কোস্ত হন্থহনবা, ওদিৎ খোঙজেল য়াংনা তৌবা অমসুং রাজ্য, কোওপরেতিব বেঙ্কশিং অমসুং দিস্ত্রিক্ত সেন্ত্রেল কোওপরেতিব বেঙ্কশিংগী পেমেন্ত অমসুং একাউন্তিংদা খল কাইরিবা অসি হন্থহনবা ঙম্লগনি।

প্রোজেক্ত অসিদা সাইবর সেক্যুরিতী অমসুং দেতা স্তোরেজকা য়াওবা ক্লাউদ বেজ কম্মন সোফৱেয়র দিবেলপ তৌবা, পি.এ.সি.এস.তা হর্দৱেয়র সপ্পোর্ত পীবা, মেন্তেনেন্স সপ্পোর্ত অমসুং ত্রেনিং য়াওনা হৌজিক লৈরিবা রেকোর্দশিং দিজিতাইজেসন তৌবা য়াওরি। সোফৱেয়র অসি রাজ্যশিংগী তঙাই ফদবশিংগী মতুং ইন্না কস্তমাইজেসন তৌবগী খুদোংচাবা লৈহন্দুনা ভর্নক্যুলর লোলদা ফংগনি। প্রোজেক্ত মেনেজমেন্ত য়ুনিৎশিং (পি.এম.য়ু.শিং) কেন্দ্র অমদি রাজ্যগী থাকশিংদা হাংদোক্কনি। পি.এ.এস.সি. ২০০রোমগী ক্লাস্তরদা দিস্ত্রিক্ত লেবেল সপ্পোর্তসু পীগনি। পি.এ.এস.সি.গী কম্প্যুতরাইএসন তৌবা রাজ্যশিংদা কম্মন সোফৱেয়র ইন্তিগ্রেৎ তৌবদা মখোয়না য়ারবা, মখোয়গী হর্দৱেয়রনা মথৌ তাবা স্পেসিফিকেসনশিং থুংলবা অমসুং সোফৱেয়র অদি ২০১৭গী ফেব্রুৱারী ১গী মতুংদা কম্মিসন তৌখিবা ওইরবদি পি.এ.সি.এস. অমদা লুপা ৫০,০০০/-গী রিইম্বর্স তৌবা ফংগনি।

*****