ঙাকশেল মন্ত্রী, শ্রী রাজনাথ সিংহনা ঙসি ওথোরাইজ লোকেল কেমিস্তস (এ.এল.সি.)দগী নন এভাইলেবল (এন.এ.), ইমর্জেন্ত, পুন্সি কন্নবা অমসুং তঙাই ফদবা হীদাকশিং লৈবগী মোনিতরী সীলিং অসি পোলিক্লিনিক্সকী কেতগোরী পুম্নমক্তা ১০০% হেনগৎহনবদা অয়াবা পীখ্রে। মসিনা ই.সি.ঐচ.এস. বেনিফিসরীশিংগীদমক্তা হীদাক-লাংথকশিং লায়না অমসুং মতম চানা ফংহনবা ঙম্লগনি। (তাইপ এ অমসুং বি.গী ওইনা লুপা লাখ ২.৫দগী লাখ ৫, তাইপ সি.গীনা লুপা লাখ ১.৫দগী লাখ ৩, তাইপ দি.গীনা লুপা লাখ ১দগী লাখ ২ ফাওবা)

হীদাক-লাংথকশিং সপ্লাই তৌবগা মরী লৈননা ভেতরেনশিংদগী রিপ্রজেন্তেসন কয়ামরুম লৈখি। সরকারনা ই.সি.ঐচ.এস. বেনিফিসরীশিংগী হীদাক-লাংথকশিং প্রোক্যুর্মেন্তগী থৌওংদা শেমদোক-শেমজিন কয়ামরুম পাইখৎখ্রে। ই.সি.ঐচ.এস. পোলিক্লিনিক্সকী স্তেসন পুম্নমক্তা নন এভাইলেবল (এন.এ.), ইমর্জেন্ত, পুন্সি কন্নবা অমসুং তঙাই ফদবা হীদাকশিং মথৌ তাবগী মতুং ইন্না সপ্লাই তৌনবা লোকেল মেদিকেল স্তোর/কেমিস্তশিং এম্পেনেল তৌখি। লোকেল মেদিকেল স্তোর/কেমিস্তশিং এম্পেনেল তৌবগী থবক অসি স্তেসন কম্মান্দরনা শেম্বা বোর্দ ওফ ওফিসর্স অমনা চত্থখি। এম.দি., ই.সি.ঐচ.এস.না অয়াবা পীখিবা অসিদগী হেনবা এক্সপেন্দিচর অদু অয়াবা পীগনি। সি.ও., ই.সি.ঐচ.এস.না করিগুম্বা মথৌ তারবদি অতোপ্পা ই.সি.ঐচ.এস. পোলিক্লিনিক্সতগী মথৌ তাবা ফন্দশিং রি-এপ্রোপ্রিএৎ তৌবা য়াগনি।

সরকারনা ২৫.০৩.২০২২দা হান্ননা জেনরেল কন্দিসনগী মখাদা অমুক্তা লুপা ২৫,০০০/-দগী হেন্দনা অমসুং মমাংদা লুপা লাখ ২ ওইরম্বা হীদাক-লাংথক অমসুং কঞ্জুমেবেলগী খ্বাইদগী য়াম্বা ভেল্যু অমুক্তা লুপা লাখ ৫ ওইবা কেন্সর মেদিসিনশিংগী ওইনা অখন্নবা কন্দিসন্দা অমুক্তা লুপা ৭৫,০০০/-দগী হেন্দবা ওইদুনা মমাংদা নুমিৎ ১৫গী ওইরম্বদগী নুমিৎ ৩০নিগী ওইনা ই.সি.ঐচ.এস. পোলিক্লিনিক/ওথোরাইজ লোকেল কেমিস্ততা ফংদবা ওপন মার্কেৎতগী লৈবা হীদাক-লাংথকশিং অমসুং কঞ্জুমেবলশিংগী মমলগী রিইমবর্সমেন্ত তৌনবগী সেঙ্কসন তৌবদা অয়াবা পীখি। মসি ভেতরেনশিংদা তঙাই ফদবা হীদাক-লাংথকশিং ফংহন্নবা মাইকৈদা চংশিল্লিবা অচৌবা খোঙথাং অমা ওইরগনি। 

*****

(Release ID: 1838351) Visitor Counter : 106