اعداد و شمار اور پروگراموں کے نفاذ کی وزارت (ایم او ایس پی آئی) 27 جون 2022 سے متعدد سرگرمیوں کے انعقاد کے ذریعے ’آزادی کا امرت مہوتسو (اے کے اے ایم) ہفتہ منا رہی ہے۔ جشن کے ایک حصے کے طور پر وزارت نے آج 28 جون 2022 کو ‘‘پائیدار ترقی کے لیے اعداد و شمار: بھارت کے ماحولیاتی اکاؤنٹس اور پالیسی اور فیصلہ سازی میں اس کا کردار’’ کے موضوع پر ہائبرڈ موڈ میں ایک نصف روزہ سیمینار کا انعقاد کیا۔

سیمینار کا مقصد ‘فطرت کی قدر کرنے’ اور ان اقدار کو بین الاقوامی شماریاتی معیار ‘‘سسٹم آف انوائرنمنٹ اکنامک اکاؤنٹس (ایس ای ای اے) فریم ورک’’ کے ساتھ ہم آہنگ کرتے ہوئے عالمی اور قومی شماریات میں استعمال کرنے کی طرف ایک تیز رفتاری فراہم کرنا ہے۔ پائیدار ترقی کے 2030 ایجنڈے کے لیے عالمی عزم کے ساتھ قدرتی وسائل کی تشخیص میں ایس ای ای اے کے استعمال میں کئی گنا اضافہ ہوا ہے۔ ایس ای ای اے فریم ورک پائیدار ترقیاتی اہداف کے ساتھ منسلک ہے اور ایس ای ای اے ڈیٹا کا استعمال کرتے ہوئے نو پائیدار ترقی کے اہداف کے لیے تقریباً 40 عالمی اشاریوں کا جائزہ لیا جا سکتا ہے۔ یہ اکاؤنٹس ایک مستقل نگرانی کا فریم ورک فراہم کرتے ہیں جو ماحولیاتی نظام کی حد اور حالت کے ساتھ ساتھ ایکو سسٹم خدمات کی فراہمی اور استعمال پر قابل عمل اشاریے تیار کرتا ہے۔ اس کا استعمال موسمیاتی تبدیلیوں سے متعلق پالیسی سوالات کی ایک وسیع رینج کو مطلع کرنے کے لیے بھی کیا جا سکتا ہے جو موسمیاتی اثرات اور موافقت کی حکمت عملیوں سے متعلق ہے۔

اعداد و شمار اور پروگراموں کے نفاذ کی وزارت نے 2018 میں ایس ای ای اے فریم ورک کو اپنایا ہے اور مختلف ماحولیاتی نظاموں پر باقاعدگی سے اکاؤنٹس مرتب کر رہا ہے۔ ماحولیاتی اکاؤنٹنگ کے شعبے میں بھارت کے ذریعہ کئے گئے کام کو ظاہر کرنے اور بھارت میں ماحولیاتی کھاتوں کی کوریج کو بڑھانے کے لئے مستقبل کی کوششوں کی راہ ہموار کرنے کے لئے وزارت نے اس سیمینار کا انعقاد کیا۔

یہ سیمینار انڈیا انٹرنیشنل سنٹر، لودھی روڈ، نئی دہلی میں منعقد ہوا۔ تاہم نوعیت میں ہائبرڈ ہونے کی وجہ سے شرکاء نے دیگر ذرائع ابلاغ کے ذریعے بھی پروگرام میں شمولیت اختیار کی۔ سیمینار کو یوٹیوب اور فیس بک پر بھی لائیو اسٹریم کیا گیا۔ سیمینار کا آغاز افتتاحی اجلاس سے ہوا جس کے بعد دو تکنیکی اجلاس منعقد ہوئے۔ اس تقریب میں ملک بھر سے اور بین الاقوامی تنظیموں کی نمایاں شرکت دیکھنے میں آئی۔ سیمینار کی ریکارڈنگ وزارت کی ویب سائٹ پر دستیاب کرائی جائے گی۔

بھارت کے اعلی ماہر شماریات اور اعداد و شمار اور پروگراموں کے نفاذ کی وزارت کے سکریٹری جی پی سامنتا نے اپنے خطبہ استقبالیہ میں ماحولیاتی کھاتوں کے شعبے میں وزارت کے اقدامات کے بارے میں مختصراً بات کی جس میں ماحولیاتی-اقتصادی اکاؤنٹنگ کے نظام (ایس ای ای اے) کو اپنانا شامل ہے۔ اس کے بعد نیتی آیوگ کے وائس چیئرمین جناب سمن کے بیری نے کلیدی خطبہ دیا جو سیمینار کے مہمان خصوصی تھے۔ انہوں نے اعداد و شمار اور پروگراموں کے نفاذ کی وزارت کے ابتدائی مرحلے میں ماحولیاتی اکاؤنٹس کو اپنانے اور اس سمت میں اس کی مسلسل کوششوں کو سراہا۔ انہوں نے ملک کی وسیع ساحلی لائن اور معیشت میں اس کے کردار کو دیکھتے ہوئے سمندری کھاتوں کی اہمیت پر زور دیا۔ انہوں نے مشورہ دیا کہ نیتی آیوگ اور اعداد و شمار اور پروگراموں کے نفاذ کی وزارت کو اپنی شراکت جاری رکھنی چاہیے۔ دیگر ممتاز شخصیات میں جناب آشیش چترویدی، سربراہ ماحولیات، توانائی اور لچک، یو این ڈی پی، انڈیا اور اعداد و شمار اور پروگراموں کے نفاذ کی وزارت کے سینئر اقتصادی مشیر جناب ارون کمار شامل تھے۔ سیمینار کے دوران سامنے آنے والا مرکزی خیال یہ تھا کہ ماحولیاتی خدشات کسی سرحد کا احترام نہیں کرتے اور موجودہ اور آنے والی نسلوں کی تمام زندگیوں کو متاثر کرتے ہیں۔ اس بات کو بخوبی تسلیم کیا گیا کہ ماحولیات اور پائیداری خوشحالی کی طرف راستہ ہے اور فیصلہ سازی میں ‘ماحول’ کو مرکزی دھارے میں لاتے ہوئے پالیسیاں بنانے کی ضرورت ہے۔

ایس ای ای اے نقطہ نظر اور پائیدار ترقیاتی اہداف کے ساتھ اس کے باہمی روابط کے موضوع پر تقریب کا پہلا تکنیکی اجلاس ماحولیاتی اکاؤنٹنگ کے دائرے میں بھارت کی طرف سے کی گئی کوششوں، ایس ای ای اے اور پائیدار ترقیاتی اہداف کے روابط اور ایس ای ای اے کی درخواستوں پر بات چیت کے لیے وقف تھا۔ ذیلی قومی سطح پر چونکہ ‘اوشین اکاؤنٹ’ وزارت کی پانچ سالہ حکمت عملی دستاویز برائے ماحولیاتی اقتصادی اکاؤنٹس (2026-2022) میں شناخت کیے گئے ترجیحی شعبوں میں سے ایک ہے، اس لیے سیمینار کا دوسرا تکنیکی اجلاس ‘اوشین اکاؤنٹنگ’ بھارت کی معیشت میں سمندری اور ساحلی وسائل کی اہم شراکت کو تسلیم کرنے

کے موضوع کے لیے وقف پینل مباحثہ تھا۔ اس اجلاس میں سمندری کھاتوں کی ترقی کے لیے درپیش مختلف طریقوں اور چیلنجوں پر تبادلہ خیال کیا گیا جس کے ذریعے بھارت میں سمندری اکاؤنٹنگ کے لیے روڈ میپ تجویز کیا گیا۔

سیمینار نے ایک ایسے تصوراتی فریم ورک کے استعمال کی اہمیت پر زور دیا جو سائنسی اور اقتصادی ڈیٹا کو روایتی اکاؤنٹنگ اصولوں کے ساتھ مربوط کرتا ہے اور اس حقیقت پر زور دیتا ہے کہ ایس ای ای اے ثبوت پر مبنی پالیسیاں بنانے میں مدد کر سکتا ہے جو ایک پائیدار مستقبل کو یقینی بناتی ہے۔ اس بات پر بھی زور دیا گیا کہ یہ خاص طور پر بھارت جیسے ترقی پذیر ممالک کے لیے بہت ضروری ہو گیا ہے، تاکہ اس بات کو یقینی بنایا جا سکے کہ تمام اقتصادی فیصلوں میں ماحول کو منظم طریقے سے مدنظر رکھنے کے لیے میکانزم قائم کیے جائیں۔ سیمینار این ایس او، اعدادوشمار اور پروگراموں کے نفاذ کی وزارت کی طرف سے پالیسی کے نمونہ میں ماحول کو ایک کلیدی جہت بنانے کی کوشش تھی۔ این ایس او، انڈیا تمام قومی اور بین الاقوامی ایجنسیوں سے حمایت اور تعاون کا منتظر ہے۔

 

۔۔۔۔۔۔۔۔۔۔۔۔۔۔۔۔۔۔۔۔۔

ش ح۔م ع۔ع ن

                                                                                                                                      (U: 6999)

(ریلیز آئی ڈی: 1837788) وزیٹر کاؤنٹر : 244