কেন্দ্রগী লৌউ-শিংউ অমসুং লৌমীশিং য়াইফ-থৌরাংগী মন্ত্রী, শ্রী নরেন্দ্র সিং তোমারনা মহাক্কী নাগালেন্দ খোংচৎকী অহানবা নুমিত্তা  ইন্দিয়ন কাউন্সিল ওফ রিসর্চ, আই.সি.এ.আর.গী নেস্নেল রিসর্চ সেন্তর ওন মিথুন অমসুং পাইনেপল ফার্মদা চৎখি। শ্রী তোমারনা হায়খি মদুদি ভারত সরকার অসিনা আত্মানির্ভর ভারত কেমপেনদা ‘ভোকল ফোর লোকল’গী থীমদা লেপ্তনা থবক তৌরি। “কোবিদ-১৯ লাইচৎ মনুংদা, প্রধান মন্ত্রী, শ্রী নরেন্দ্র মোদীনা মসিগীদমক্তা অনৌবা থৌরাং লৌখৎখি, মসিদা অখন্না মীয়েং চংখি  অমসুং লৈবাক অসিগী ইকোনোমিক দেবেলপমেন্তকীদমক্তা মসিবু মিসন মোদতা থবক তৌখি,” হায়না মহাক্না হায়খি।

শ্রী তোমারনআ হায়খি মদুদি নেস্নেল রিসর্চ সেন্তর ওন মিথুন অসি নোর্থ ইস্ত ইন্দিয়াগী তোপ-তোপ্পা বায়োলোজিকেল রিসোর্সনি অমসুং মসিবু ও্রিজর্ব তৌবা হায়বসি ময়াম পুম্নমক্কী মথৌদাংনি।

“হান্নদি মিথুন অসি ফ্রী-রেঞ্জ সীস্তেমদা লৌইরম্মি, অদুবু হৌজিক্তি লৌউ-শিংউবা হেনগৎলকপনা, উমং-ৱামংগী লম অসি হন্থরক্লি, মরম অদুনা লৌমীশিংনা আই.সি.এ.আর.- এন.আর.সি.না দেবেলপ তৌবা সেমি-ইন্তেন্সিব সীস্তেমগী মখাদা মিথুন লোইনবগীদমক্তা অতোপ্পা প্রক্তিসশিং লৌখৎকদবনি।” হায়না মহাক্না হায়খি।

শ্রী তোমারনা মিথুন লৌরিবা লৌমীশিংনা মখোয়গী শেনমীৎলোন চাউখৎহনবদা কান্নখিবা তেক্নোলোজীশিং দেবেলপ তৌবদা ইন্সতিত্যুত অসিনা মাইপাকপা অমসুং মসিগা লোইননা মসিদা থৱায় য়াওবা হেনগৎহন্দুনা অমসুং মখোয়গী ইনকমশিং হেনগৎহন্দুনা লৌমীশিংগী হিংবগী স্তেন্দার্দ ফগৎহন্নবা সেন্তরগী থবকশিং অদুবু থাগৎপা ফোংদোকখি। লৌমীশিংদা খ্বাইদগী হেন্না কান্ননবগীদমক্তা মহাক্না মিথুনশিং (শনগী ধার অমা ) অসিবু শিজিন্নবগী মতাংদা মখাতানা রিসর্চ তৌনবা হায়নসু হায়খি। শ্রী তোমারনা ইন্সতিত্যুতশিংদা শঙ্গোম অদুগী ন্যুত্রিশন অমসুং থেরাপেতিক প্রোপর্তিশিং অদু খঙদোক্নবা রিসর্চ তৌনবা অমসুং বিজনেস মোদেল অমা দেবেলপ তৌনবা  হায়খ্রে অমসুংনেচরেল ফার্মিংগীদমক্তা অতোপ্পা মোদেল অমা ওইনা  মিথুনগী শন্থি অমসুং শনয়ুংগী ফর্তিলাইজর পোতেন্সিয়েল অদুবুসু থিজিনগদবনি হায়না মহাক্না হায়খি। শ্রী তোমারনা মিথুন ফার্মঅমসুং সেন্তরনা পুথোকপা মখল-মখা কয়াগী তেক্নোলোজীশিং অমসুং প্রোদক্তশিং অদুবু উৎলিবা অসমুং একজিবিশন স্তোলশিংদসু চৎখি। মহাক্না সেন্তরনা দেবেলপ তৌবা তেক্নোলোজীশিং, খুদম ওইনা ফীদ ব্লোকশিং, মিনরেল ব্লোক দিসপেন্সরশিং অমসুং রিজন স্পেসিফিক ওইবা মিনরেল মিক্সচরশিং?। শ্রী তোমারনা থৌরম অদুদা চরা অমসু থাখি। ৱেলকম এদ্রেস পীরদুনা, এন.আর.সি. দাইরেক্তর, দা. এম.ঐচ. খাননা হৌখিবা চহি ৩৩গী মনুংদা ইন্সতিত্যুত অসিগী মরু ওইবা এচীবমেন্তশিং অদুবু মরু ওইনা পনখি।

 

শ্রী তোমারনা আই.সি.এ.আর.গী নাগালেন্দ সেন্তরদসু চৎখি, হায়রিবা অসি চহি ১৯৭৫দা লিংখৎখি। সেন্তর অসিনা লৌউ-শিংউ অমসুং মসিগা মরী লৈনবা সেক্তরশিংদা রিসর্চ, এক্সতেন্সন অমসুং হ্যুমেন রিসোর্স দেবেলপমেন্তকী থবক-থৌরমশিং প্রোমোত তৌদুনা নাগালেন্দগীদমক্তা থবক-থৌরম কয়া আমা পাংথোক্লি। দেবেলপ তৌরবা তেক্নোলজীশিংগী দিসেমিনেশন তৌবা অসি কেন্দ্র সরকারগী দিমাপুর, পেরেন, ৱোখা, কিফিরে অমসুং লোংলেং দিস্ত্রিক্তশিংদা লৈরিবা কৃশি ৱিগ্যান কেন্দ্র ৫গী য়াম্না লিংবা নেতৱার্ক অসিনা মতেং পাংঙি।  কেনদ্র সরকার অসিনা স্কীশিং, রিসর্চশিং অমসুং এক্সতেন্সনগী থবক-থৌরমশীংগী খুত্থাংদা  ত্রাইবলশিংগী হিংননবগী পাম্বৈশিং ফগৎহনবদা য়াম্না মরু ওইবা থৌদাং লৌরি। মসিগী আই.সি.এ.আর. সেন্তর অসিনা নাগালেন্দগি অপিকপা অমসুং ময়াই ওইরপ তৌবা লৌমীশিংগীদমক্তা তোঙান-তোঙানবা এগ্রো-ক্লাইমেতিক কন্দিশনশিংগীদমক্তা অখন্নবা মফমশিংগী ওইবা ইন্তিগ্রেতেদ ফার্মিং মোদেলশিং দেবেলপ তৌখ্রে, অদুগা দ্যুএল পর্পোস ব্রীদশিং – ৱনরাজ অমসুং স্রিনিধি উচেকশিংনা ত্রাইবলগী লৌমী ৫,০০০ হেন্নগী মরক্তা প্রোমোত তৌখ্রে। মসিগী সেন্তরঅসিনা ওকশিংদা আর্তিফিসিবেল ইনসেমিনেশনগী তেক্নিক দেবেলপ তৌখিঅমসুং মীয়ামদা য়েন্থোকখি। ত্রাইবল লৌমী লিশিং কয়া অমনা কেন্দ্র সরকারগী মখাদা কে.ভি.কে.শিংদগী কান্নখি। আই.সি.এ.আর.গী থবকশিং অদুবু থাগৎলদুনা, কেন্দ্র মন্ত্রীনা মখোয়দা দাইনামিজমগা লোইননা থবক তৌনবা হায়খি।

কোন্নথংদা শ্রী তোমারনা ভোলভামদা লৈবা পাইনএপল ফীল্দদা চৎখি অমসুং ফার্মর্স প্রোদ্যুসর ওর্গনাইজেশন (এফ.পি.ও.)গী মেম্বরশিংগা ৱারী-ৱাতাই শানখি। থৌরম অসিদা, নাগালেন্দগী লৌউ-শিংউ মন্ত্রী, শ্রী জি. কাইতো, কেন্দ্রগী হোর্তিকচর কমিস্নর, দা. প্রভত কুমার, নাগালেন্দেদভাইজর ওন হোর্তিকলচর এন্দ বোর্দর এফিয়র্স, শ্রী মাথুং য়ান্থান, সেন্ত্রেল এগ্রিকলচরেল য়ুনিভর্সিতীগী ভাইস চান্সেলর, দা. অনুপম মিশ্রা, আই.সি.এ.আর. রিসর্চ কমপ্লেক্স ফোর নোর্থ ইস্তর্ন রিজনগী দাইরেক্তর, দা. ভি.কে. মিশ্রানা অতোপ্পা ওফিসিয়েলশিং, সাইন্তিস্তশিং অমসুং লৌমীশিংগা লোইননা শরক য়াখি।

****

(Release ID: 1837246) Visitor Counter : 128