حکومت  ہند  کی  سماجی انصاف اور  تفویض اختیارات  کی وزارت کی   اے  ڈی آئی  پی  اسکیم کے تحت ‘دیویانگ جن’ کو امداد اور معاون آلات کی تقسیم کے لیے ایک ‘سماجک ادھیکاریتا شیور’  کا انعقاد معذور افراد کے بااختیار بنانے کے محکمے (ڈی  ای پی ڈبلیو  ڈی ) کی طرف  سے  اے  ایل آئی ایم سی او  اور ضلع  سونیت پور انتظامیہ  کے تعاون  سے  آج آسام  کے   ضلع  سونیت پور میں کالاگورو سنگیت مہا ودیالیہ، تیز پور میں  کیا گیا ۔

محترمہ پرتیما بھومک، مرکزی وزیر مملکت برائے سماجی انصاف اور تفویض اختیارات ، تقریب کے مہمان خصوصی نے ویڈیو کانفرنس کے ذریعے کیمپ کا  ورچوئل طور پر افتتاح کیا۔  جناب  اشوک سنگھل، ہاؤسنگ اور شہری امور، آبپاشی، حکومت آسام، جناب پلّب لوچن داس، رکن  پارلیمنٹ، تیز پور حلقہ اور جناب پرتھوی راج رابھا، ایم ایل اے، تیز پور نے سونیت پور ضلع، آسام میں تقریب کے مرکزی مقام پر ذاتی طور پر شرکت کی۔

مختلف زمروں کے کل 3445  امداد  اور معاون آلات جن کی مالیت 199.60  لاکھ  روپے ہے، 1808 شناخت  شدہ  دیویانگ  جنوں ، جن کی تشخیص  ضلع  سونیت پور کے  مختلف  مقامات  میں   اے  ایل آئی ایم سی او کی طرف سے منعقدہ  کیمپوں میں  کی گئی تھی، کو  مرحلہ وار مفت  تقسیم کئے جائیں گے۔

مختلف قسم کے معاون آلات جو شناخت شدہ دیویانگ جن مستحقین جو بلاک سطح پر تشخیصی کیمپوں کے دوران رجسٹرڈ تھے، میں مرحلہ وار تقسیم کیے جائیں گے ، جس میں  154 موٹر والی ٹرائی سائیکل،  231  ٹرائی سائیکل،  429  وہیل چیئرز ، 832 بیساکھیاں، 140 واکنگ اسٹکس، 127 رولیٹرس،  60 اسمارٹ فون، 183 اسمارٹ چھڑی،  26  بریل کٹ،  08  بریل سلیٹ،  02  چھڑی،  110 سی پی چیئر،  278 ایم ایس آئی ای ڈی کٹ،  05  اے  ڈی ایل کٹ (جذام کے لئے)، سیل فون کے ساتھ  اور  825 سماعت کی امداد شامل ہیں۔

کیمپوں کا انعقاد معذور افراد کی مدد کی اسکیم (اے ڈی آئی پی ) برائے امداد/آلات کی خریداری/فٹنگ کے لیے کیا جاتا ہے۔ (اے ڈی آئی پی) دیویانگ جنوں کو معاون امداد اور آلات فراہم کرنے کی سب سے مشہور اسکیم میں سے ایک ہے اور اس کا اہتمام مصنوعی اعضاء مینوفیکچرنگ کارپوریشن  آف انڈیا (اے  ایل آئی ایم سی او) نے کیا ہے، جو کہ سماجی انصاف اور تفویض اختیارات کی وزارت کے تحت ایک عوامی شعبے کے ادارے  کی حیثیت سے ریاستوں اور اضلاع  کے حکام کے ساتھ مل کر اے ڈی آئی پی  اسکیم کو نافذ کرنے والی ایجنسی کے طور پر شناخت کیا گیا  ہے۔

جناب  دیبا کمار مشرا  نائب  کشمنر بسوا ناتھ  ضلع  اور  اے ایل آئی ایم  سی او  کے  سینئر افسران  بھی اس تقریب کے دوران موجود رہیں گے۔

مذکورہ ایونٹ کا یوٹیوب لنک درج ذیل ہے:-

https://youtu.be/Ac5vYzTHm-Q

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح-  ا ک- ق ر)

U-6816

(Release ID: 1836449)