રેલવે ભરતી બોર્ડ દ્વારા આયોજિત નોન ટેક્નિકલ પોપ્યુલર કેટેગરી (NTPC) બીજા તબક્કાની પરીક્ષા આપનારા વિદ્યાર્થીઓની સુવિધા માટે રેલવે પ્રશાસન દ્વારા સાબરમતી અને ભિવાની વચ્ચે અનરિઝર્વ્ડ પરીક્ષા સ્પેશિયલ ટ્રેનની એક-એક ટ્રિપ ચલાવવાનો નિર્ણય લેવામાં આવ્યો છે. તેની જાણકારી નીચે મુજબ છે :

ટ્રેન નંબર 0 4707/04708  ભિવાની-સાબરમતી-ભિવાની પરીક્ષા સ્પેશિયલ ટ્રેન (અનરીઝર્વ્ડ)

ટ્રેન નંબર 04707 ભિવાની-સાબરમતી પરીક્ષા સ્પેશિયલ ટ્રેન તા. 15 જૂન 2022 બુધવારના રોજ ભિવાનીથી સવારે 04:30 વાગ્યે રવાના થશે અને એ જ દિવસે રાત્રિના 23:10 વાગ્યે સાબરમતી પહોંચશે. એ જ રીતે ટ્રેન નંબર 04708 સાબરમતી-ભિવાની પરીક્ષા સ્પેશિયલ ટ્રેન તા. 16 જૂન 2022 ગુરુવારના રોજ સાબરમતીથી સાંજે 19:45 વાગ્યે રવાના થઇને બીજા દિવસે બપોરે 13:00 વાગ્યે ભિવાની પહોંચશે. રસ્તામાં બંને દિશાઓની આ ટ્રેનો રેવાડી, અલવર, બાંદીકુઇ, દૌસા, ગાંધીનગર (જયપુર), જયપુર, ફુલેરા, કિશનગઢ, મદાર જંક્શન, અજમેર, બ્યાવર, મારવાડ જંક્શન, ફાલના, આબૂ રોડ, પાલનપુર અને મહેસાણા સ્ટેશનો પર રોકાશે. આ ટ્રેનોમાં તમામ કોચ અનરીઝર્વ્ડ રહેશે.

ટ્રેનોનો ઉપડવાનો સમય, રોકાણ અને સંરચના અંગેની વિગતવાર જાણકારી માટે www.enquiry.indianrail.gov.in વેબસાઇટ પરથી મેળવી શકાશે.

પેસેન્જરોને વિનંતી છે કે કોવિડ-19 સંબંધિત તમામ સૂચનાઓનું પાલન કરવાનું રહેશે. પ્રવાસ દરમિયાન માસ્ક પહેરવાનું રાખે.

SD/GP/JD

(Release ID: 1834065) Visitor Counter : 124