ఆజాదీ కా అమృత్ మహోత్సవ్ (ఆకాం)లో భాగంగా కాంపిటీషన్ కమిషన్ ఆఫ్ ఇండియా (సీసీఐ) పోటీ చట్టంపై న్యూ ఢిల్లీ లో జాతీయ సదస్సును నిర్వహించింది.

స్టాటిస్టిక్స్ , ప్రోగ్రామ్ ఇంప్లిమెంటేషన్ ,ప్రణాళిక శాఖ సహాయ (స్వతంత్ర హోదా) మంత్రి, కార్పొరేట్ వ్యవహారాల సహాయ మంత్రి శ్రీ రావు ఇందర్ జిత్ సింగ్ ఈ కార్యక్రమానికి ముఖ్య అతిథిగా హాజరయ్యారు

కమిషన్ 13 సంవత్సరాల ప్రయాణాన్ని వివరించే ఒక చిత్రాన్ని మంత్రి విడుదల చేశారు, ఫెయిర్ ప్లే యొక్క ప్రత్యేక ఎడిషన్, సిసిఐ త్రైమాసిక వార్తాలేఖ, ఆకాం ఇతివృత్తం, అలాగే ప్రాంతీయ భాషలలో పోటీ అద్వొకసి బుక్ లెట్ లను మంత్రి విడుదల చేశారు. అంతకు ముందు నిర్వహించిన వ్యాసరచన,  క్విజ్ పోటీల విజేతలను సత్కరించారు.

ఐకానిక్ ఈవెంట్ ను జరుపుకున్నందుకు ఎంసిఎ , సిసిఐలను శ్రీ సింగ్ తన ప్రసంగంలో అభినందించారు. భారతదేశం కోల్పోయిన వైభవాన్ని తిరిగి పొంది, ఆర్థిక శక్తిగా ఎదగాలని ఆయన కోరారు. ఆర్థిక వృద్ధి కొలమానంలో భారతదేశం తన సహచరుల కంటే ముందుంటుందని ఆయన అన్నారు.

చారిత్రాత్మకంగా, వలసరాజ్యానికి ముందు, భారతదేశం ప్రపంచ ఆర్థిక వ్యవస్థలో అధిక వాటాతో అభివృద్ధి చెందిన ఆర్థిక వ్యవస్థగా ఉందని ఆయన పేర్కొన్నారు. గౌరవ ప్రధానమంత్రి ఆశించిన విధంగా, ఒక దేశంగా, రాబోయే ఇరవై ఐదు సంవత్సరాలలో అత్యంత అభివృద్ధి చెందిన మరియు ఆర్థికంగా అభివృద్ధి చెందిన దేశాల కూటమి లో మనం ఉంటాము  అని ఆయన అన్నారు.

ఈ దార్శనికతను సాధించడానికి వ్యాపారాన్ని సులభతరం చేయడానికి భారత ప్రభుత్వం కట్టుబడి ఉంది. స్వాతంత్ర్యం వచ్చినప్పటి నుండి వచ్చిన మార్పు ఆర్థిక వ్యవస్థ లో  వ్యవసాయం వాటా తగ్గి తయారీ , సేవా రంగాల ప్రాధాన్యం పెరిగిన  వాస్తవం నుండి ప్రతిబింబిస్తుంది. బాగా పనిచేసే మార్కెట్లను నిర్ధారించడం ద్వారా ఈ పరివర్తనను సులభతరం చేయడానికి సి సి ఐ  సంస్థాగత మద్దతును అందిస్తుందని ఆయన ఆశాభావం వ్యక్తం చేశారు. పూర్వపు ఎం ఆర్ టి పి చట్టం నుండి ఆధునిక మార్కెట్ ఆర్థిక వ్యవస్థకు అనువైన ఆధునిక పోటీ చట్టంగా రూపాంతరం చెందడంలో సి సి ఐ ప్రయత్నాలను ఆయన ప్రశంసించారు. భారతదేశాన్ని రాబోయే తరాలకు మెరుగైన దేశంగా మార్చేందుకు భారత పౌరులు ఐక్యంగా పని చేయాలని కేంద్ర మంత్రి తన ప్రసంగాన్ని ముగిస్తూ అభ్యర్థించారు.

అంతకుముందు, సి సి ఐ చైర్‌పర్సన్ సదస్సు కు హాజరైన వారికి స్వాగతం పలికారు మార్కెట్‌లు బాగా పనిచేసేలా చేయడం ద్వారా వాటాదారులందరి ప్రయోజనాలను పరిరక్షించడానికి సి సి ఐ తిరుగులేని నిబద్ధత తో పనిచేస్తుందని ఆయన పునరుద్ఘాటించారు. మనం "అమృత్ కాల్"లోకి ప్రవేశించినందున బాగా పనిచేసే మార్కెట్లకు అవసరమైన సంస్థాగత మద్దతును అందించడానికి నిరంతరం వ్యూహరచన , మనల్ని మనం పటిష్ట పరుచుకోవలసిన అవసరం ఉందని చైర్‌పర్సన్ నొక్కిచెప్పారు. రాబోయే సంవత్సరాల్లో వాణిజ్యం , సాంకేతిక పరిజ్ఞానంలో సంభావ్య వృద్ధి , నిజమైన పోటీకి ఇంకా తెరవని అనేక రంగాలు కూడా కొత్త ప్రవేశం , కార్యకలాపాలను చూసే అవకాశం ఉన్న దృష్ట్యా, ఏజెన్సీ పాత్ర గణనీయంగా విస్తరించడానికి సిద్ధంగా ఉందని ఆయన అన్నారు. సవాలును ఎదుర్కోవడానికి మనం సాధ్యమైన ప్రతిదీ చేయాలని ఆయన పేర్కొన్నారు

1100 కి పైగా యాంటీట్రస్ట్ కేసులను సమీక్షించడం ద్వారా సిసిఐ న్యాయశాస్త్రం యొక్క బలమైన వ్యవస్థను అభివృద్ధి చేసిందని ఆయన అన్నారు. దర్యాప్తు ప్రక్రియకు సహాయపడటానికి ఫోరెన్సిక్ సాధనాలు, డేటా అనలిటిక్స్ , డాన్ రైడ్‌ల వినియోగం పెరగడంతో పాటు, మెలిజెన్సీ ప్రోగ్రామ్ ద్వారా సెల్ఫ్ రిపోర్టింగ్‌ను ప్రోత్సహించడంతో పాటు, కార్టెల్‌లను వెలికితీసేందుకు ఎన్‌ఫోర్స్‌మెంట్ పాలన ఇప్పుడు బాగా అమర్చబడిందని ఆయన అన్నారు. భారతదేశం అతిపెద్ద , వేగంగా అభివృద్ధి చెందుతున్న డిజిటల్ వినియోగదారుల కేంద్రాలలో ఒకటిగా ఆవిర్భవిస్తున్నందున, మార్కెట్ వక్రీకరణలను వెంటనే సరిదిద్దాల్సిన అవసరం ఉందని ఆయన అన్నారు. అదే సమయంలో, టెక్నాలజీ మార్కెట్లలో పోటీ సమస్యలను పరిష్కరించేటప్పుడు, సృజనాత్మకత , సమర్థత అంశాలకు తగిన గౌరవం ఇవ్వాలి.

విలీనాలు, సముపార్జనలు పెట్టుబడుల ప్రవాహానికి కీలకమైన సాధనాలని,  ఆర్థిక సమన్వయాలను సృష్టించడం, పారిశ్రామిక అభివృద్ధి ప్రక్రియలకు దోహద పడుతున్నాయని ఆయన అన్నారు. నేటి గ్లోబలైజ్డ్ ఎకనామిక్ ఆర్డర్ లో పోటీ పడటానికి కీలకమైన సంస్థలకు స్కేల్ ఎకానమీలను సృష్టించడంలో కూడా ఇవి సహాయపడతాయి

కాంబినేషన్ ఫైలింగ్ ల వేగవంతమైన మదింపు ద్వారా సిసిఐ ఈ ప్రక్రియలో ఫెసిలిటేటర్ గా పనిచేస్తుంది.  గ్రీన్ ఛానల్ సిస్టమ్ ద్వారా కాంప్లయన్స్ భారం తగ్గించబడింది, ఇంకా విధానపరమైన సరళీకరణ, వేగవంతమైన డిస్పోజల్ , కాంప్లయన్స్ ని తగ్గించడంపై దృష్టి కేంద్రీకరించబడింది. అంతేకాకుండా, కాంబినేషన్ ఫైలింగ్ ల వివిధ అంశాలను స్పష్టం చేస్తూ, సవరించిన మార్గదర్శక నోట్ లు జారీ చేయబడ్డాయి. సమీప భవిష్యత్తులో, సిసిఐ వివిధ సమస్యలపై ఎఫ్ఎక్యూలను విడుదల చేస్తుందని, ఎంసిఎ ఐకానిక్ డే వేడుకల సందర్భంగా కేంద్ర ఆర్థిక మంత్రి మార్గదర్శకత్వంలో ప్రాంతీయ భాషల్లో ఇవి అందుబాటులో ఉంటాయని ఆయన అన్నారు.

సమాచార అంతరాలను పూడ్చడానికి, సిసిఐ మరింత మార్కెట్ అధ్యయనాలు ,క్యూరేటెడ్ వర్క్ షాప్ ల ద్వారా భాగస్వాములతో క్రియాశీలకంగా నిమగ్నం అవుతుందని చైర్ పర్సన్ తెలిపారు. డిజిటల్ రంగం పెరుగుతున్న కేసులు , సంక్లిష్టతల సంఖ్య డేటా , టెక్నాలజీ నైపుణ్యాల కోసం పెరుగుతున్న అవసరాన్ని దృష్టిలో ఉంచుకుని, సిసిఐ నైపుణ్య కేంద్రంగా అంకితమైన డిజిటల్ మార్కెట్లను ఏర్పాటు చేయాలని యోచిస్తోంది. సిసిఐ విధాన చర్చల్లో పాల్గొనడం , పోటీ సంస్కృతిని ప్రోత్సహించడానికి ప్రభుత్వం వివిధ వ్యూహాలతో నిమగ్నం కావల్సిన ప్రాముఖ్యతను కూడా ఆయన నొక్కిచెప్పారు. పరిశ్రమ కోసం సామరస్యపూర్వక, నమ్మకం-ఆధారిత పాలనను నిర్మించడం సిసిఐ ప్రయత్నమని ఆయన చివరిగా పేర్కొన్నారు.

ఈ సందర్భంగా ఎంసిఎ కార్యదర్శి శ్రీ రాజేశ్

వర్మ త్యేక ప్రసంగం చేస్తూ, ఆకాం, జన్ భాగీదారీ న్యాయవాద కార్యక్రమాలను

నిర్వహించినందుకు సిసిఐని అభినందించారు.. ఆకాం ను ప్రారంభించిన నాటి నుండి, సిసిఐ భారత దేశ వ్యాప్తంగా 250 కి పైగా  అడ్వకసి కార్యక్రమాలను

నిర్వహించిందని చెప్పారు. ఇది వివిధ వర్గాల వాటాదారులను భాగస్వాములను చేసి ,సాంకేతిక పరిజ్ఞానాన్ని పూర్తి స్థాయిలో ఉపయోగించడం ద్వారా ఎం సి ఏ కింద మరే రెగ్యులేటర్ నిర్వహించనంత  అధికం.

భారతీయ పరిశ్రమ , ఔత్సాహిక పారిశ్రామికవేత్తలు, ముఖ్యంగా జాతీయ నిర్మాణంలో ప్రైవేట్ రంగం సహకారాన్ని గుర్తించాలని ఆయన ఆన్నారు. కార్పొరేట్

రంగం ఉత్పాదకంగా పనిచేయడానికి దోహదపడే ఒక సమర్థవంతమైన నియంత్రణ చట్రాన్ని అందించడానికి ఎంసిఎ కట్టుబడి ఉందని పేర్కొన్నారు. పోటీ చట్టం దృష్టి,  రూపకల్పన ప్రాథమికంగా మారిందని, అంటే, గుత్తాధిపత్యాలను అణిచివేసేందుకు బదులుగా పోటీని రక్షించడానికి , సంస్థ దేశీయ లేదా విదేశీ, పబ్లిక్ లేదా ప్రైవేట్ అనే దానితో సంబంధం లేకుండా ఒక స్థాయి ఆట మైదానాన్ని నిర్ధారించడానికి , ప్రభుత్వ అధికారుల వద్ద తక్కువ విచక్షణను వదిలివేస్తుందని ఆయన అన్నారు. కంపెనీల నిష్క్రమణ వ్యూహాలు, అంటే విలీనాలు, కొనుగోళ్లు, సమ్మేళనాలు మొదలైన వాటిని కమిషన్ నియంత్రిస్తుందని , దివాలా పరిష్కార దశలో కూడా కీలక పాత్ర పోషిస్తుందని ఆయన అన్నారు.

సాపేక్షంగా తక్కువ కాలంలో సమర్థవంతమైన, విశ్వసనీయమైన రెగ్యులేటర్ గా ఉన్నందుకు సిసిఐని ఆయన ప్రశంసించారు.  కమిషన్ న్యాయవాద కార్యక్రమాలను, ప్రత్యేకించి స్టేట్ రిసోర్స్ పర్సన్ పథకం గురించి ఆయన

ప్రత్యేకంగా ప్రస్తావించారు. గ్లోబలైజ్డ్

ప్రపంచంలో బలమైన అంతర్జాతీయ

సహకారం అవసరం గురించి, సిసిఐ

ఇతర కాంపిటీషన్ రెగ్యులేటర్ల మధ్య కుదిరిన వివిధ అవగాహన పూర్వక ఒప్పంద పత్రాల గురించి ఆయన ప్ర స్తావించారు. కమిషన్ పనితీరుపై విశ్వాసం వ్యక్తం. చేశారు.సిసిఐ వంటి సంస్థ పోటీ సంస్కృతికి సహాయపడటానికి ఒక చోదక శక్తి కాగలదని అన్నారు.

అంతకు ముందు, సిసిఐ కార్యదర్శి శ్రీమతి జ్యోతి జింద్ గార్ భానోట్ స్వాగతోపన్యాసం చేశారు, తరువాత సిసిఐ ఛైర్ పర్సన్ శ్రీ అశోక్ కుమార్ గుప్తా ప్రసంగించారు, ఆయన సిసిఐ చేపట్టిన వివిధ కార్యక్రమాలను వివరించారు.

ఈ ప్రత్యేక ప్రసంగాన్ని కార్పొరేట్ వ్యవహారాల మంత్రిత్వ శాఖ (ఎమ్ సిఎ) కార్య ద ర్శి శ్రీ రాజేశ్ వర్మ చదివారు. కేంద్ర కార్పొరేట్

వ్యవహారాల శాఖ సహాయ మంత్రి శ్రీ రావు ఇందర్ జిత్ సింగ్ ప్రారంభోపన్యాసం చేశారు. జస్టిస్ రాకేశ్ కుమార్, సభ్యుడు (జ్యుడిషియల్), శ్రీ కాంతి నరహరి , సభ్యుడు (టెక్నికల్) , డాక్టర్ అశోక్ కుమార్ మిశ్రా ,  l నేషనల్ కంపెనీ లా అప్పిలేట్ ట్రిబ్యునల్ సభ్యుడు (టెక్నికల్) కూడా ఈ కార్యక్రమానికి హాజరయ్యారు.

నేషనల్ కాన్ఫరెన్స్ లో రెండు ప్యానెల్ చర్చలు కూడా జరిగాయి. 'యాంటీట్రస్ట్ ఎన్ ఫోర్స్ మెంట్ లో ఎమర్జింగ్ ఇష్యూస్' అనే అంశంపై జరిగిన సెషన్ కు సిసిఐ మెంబర్ డాక్టర్ సంగీత వర్మ అధ్యక్షత వహించారు.  సిఎన్ బిసి టివి18 ఎడిటర్ శ్రీమతి నిషా పొద్దార్ మోడరేట్ చేశారు. ‘‘కలయికల నియంత్రణలో ఎమర్జింగ్ ఇష్యూస్' అనే అంశంపై జరిగిన మరో సెషన్ కు సిసిఐ సభ్యుడు శ్రీ భగవంత్ సింగ్ బిష్ణోయ్ అధ్యక్షత వహించారు. ది ఎకనామిక్ టైమ్స్ డిప్యూటీ రెసిడెంట్ ఎడిటర్ శ్రీ అరిజిత్ బర్మన్ మోడరేట్ చేశారు.

సమకాలీన , ఉద్భవిస్తున్న పోటీ చట్ట సమస్యల పై ప్రముఖ ప్యానెలిస్టుల మధ్య చర్చలు జరిగాయి. న్యాయ, పారిశ్రామిక, వ్యాపార,  విద్యా రంగాలకు చెందిన

నిపుణులు  ప్యానలిస్టులు , మోడరేటర్లు గా పాల్గొన్నారు.

****

(Release ID: 1833306) Visitor Counter : 116