نئی دہلی۔ 11 جون          ہندوستان کی مسابقتی کمیشن(سی سی آئی) نے آج یہاں جاری آزادی کا امرت مہوتسو (اے کے اے ایم) کے حصے کے طور پر مسابقتی قانون پر ایک قومی کانفرنس کا انعقاد کیا۔

جناب راؤ اندرجیت سنگھ، شماریات اور پروگرام کے نفاذ کے مرکزی وزیر مملکت (آزادانہ چارج)،  منصوبہ بندی اور کارپوریٹ امور کے وزیر مملکت  اس موقع پر مہمان خصوصی تھے۔

مرکزی وزیر مملکت نے کمیشن کے 13 سال کے سفر کی تصویر کشی کرنے والی ایک فلم ریلیز کی۔ اس کے علاوہ سی سی آئی کا سہ ماہی نیوز لیٹر’فیئر پلے‘  کا خصوصی ایڈیشن ، جس کا موضوع اے کے اے ایم ہے،  کے ساتھ ساتھ علاقائی زبانوں میں مقابلہ کی وکالت کرنے والا کتابچہ جاری کیا ۔ انہوں نے اس سے قبل منعقدہ مضمون نویسی اور کوئز مقابلوں کے فاتحین کو بھی اعزاز سے نوازا۔

جناب سنگھ نے اپنے خطاب میں ایم سی اے اور سی سی آئی کو شاندار تقریب  کے انعقاد پر مبارکباد دی۔ انہوں نے زور دے کر کہا کہ ہندوستان کو اپنا کھویا ہوا وقار دوبارہ حاصل کرنا ہوگا اور ایک معاشی پاور ہاؤس بننا ہوگا۔ انہوں نے کہا کہ ہندوستان، اقتصادی ترقی کے میٹرک پر، اپنے ساتھیوں سے آگے بڑھ رہا ہے۔ انہوں نے بتایا کیا کہ، تاریخی طور پر، نوآبادیات سے پہلے، ہندوستان ایک ترقی یافتہ معیشت تھی جس کا عالمی معیشت میں بڑا حصہ تھا۔ انہوں نے کہا کہ ہم بحیثیت قوم آئندہ پچیس سالوں میں سب سے ایڈوانس اور معاشی طور پر ترقی یافتہ ممالک کی صف میں شامل ہوں گے، جیسا کہ ہمارے وزیر اعظم نے تصور کیاہے۔ حکومت ہند اس وژن کو حاصل کرنے کے لیے کاروبار کی سہولت کار بننے کے لیے پرعزم ہے۔ آزادی کے بعد سے جو تبدیلی آئی ہے اس کی عکاسی اس حقیقت سے ہوتی ہے کہ معیشت میں زراعت کا حصہ کم ہوا ہے اور مینوفیکچرنگ اور خدمات کے شعبے اس کے بڑے شراکت دار ہیں۔ انہوں نے امید ظاہر کی کہ سی سی آئی  اچھی طرح سے کام کرنے والی منڈیوں کو یقینی بنا کر اس منتقلی کو آسان بنانے کے لیے ادارہ جاتی مدد فراہم کرے گا۔ انہوں نے سابقہ ​​ایم آر ٹی پی ایکٹ کو جدید مسابقتی قانون میں تبدیل کرنے میں سی سی آئی کی کوششوں کو سراہا جو کہ جدید مارکیٹ اکانومی کے لیے موزوں ہے۔ اپنے خطاب کے اختتام پر، مرکزی وزیر نے ہندوستان کے شہریوں سے درخواست کی کہ وہ آنے والی نسلوں کے لیے ہندوستان کو ایک بہتر ملک بنانے کے لیے متحد ہو کر کام کریں۔

قبل ازیں، سی سی آئی کے چیئرپرسن نے اپنے خطاب میں معززین کا خیرمقدم کیا اور سی سی آئی کے تمام شراکت داروں کے مفادات کے تحفظ کے لیے مارکیٹوں کے اچھی طرح سے کام کرنے کے عزم کا اعادہ کیا۔ چیئرپرسن نے اس بات پر زور دیا کہ جیسے ہی ہم "امرت کال" میں داخل ہوتے ہیں، اچھی طرح سے کام کرنے والی منڈیوں کے لیے ضروری ادارہ جاتی مدد فراہم کرنے کے لیے مسلسل حکمت عملی بنانے اور خود کو دوبارہ تشکیل دینے کی ضرورت ہے۔ انہوں نے کہا کہ آنے والے سالوں میں تجارت اور ٹکنالوجی میں ممکنہ ترقی  اور اس امکان کے پیش نظر کہ کئی شعبے اب بھی حقیقی مقابلے کے لیے کھلے نہیں ہیں، اس میں بھی نئی داخلے اور سرگرمیاں دیکھنے کو مل سکتی ہیں، ایجنسی کا کردار کافی حد تک وسیع کرنے کے لیے تیار ہے۔ ان کا مزید کہنا تھا کہ ہمیں چیلنج سے نمٹنے کے لیے ہر ممکن کوشش کرنا ہوگی۔

 

انہوں نے اس بات پر بھی روشنی ڈالی کہ سی سی آئی نے 1100 سے زیادہ عدم اعتماد کے مقدمات کا جائزہ لے کر قانون کا ایک مضبوط ادارہ تیار کیا ہے۔ انہوں نے کہا کہ تحقیقاتی عمل میں مدد کے لیے فورنسک ٹولز، ڈیٹا اینالیٹکس اور ڈان ریڈس کے بڑھتے ہوئے استعمال کے ساتھ، نرمی برتنے کے پروگرام کے ذریعہ از خود رپورٹنگ کی ترغیب دینے کے ساتھ، نافذ کرنے والا نظام اب غیر رسمی تنظیموں کو بے نقاب کرنے کے لیے اچھی طرح سے لیس ہے۔ انہوں نے کہا کہ جیسا کہ ہندوستان سب سے بڑے اور تیزی سے ترقی کرنے والے ڈیجیٹل صارفین کے مرکز میں سے ایک کے طور پر ابھر رہا ہے، مارکیٹ کی بگاڑ کو فوری طور پر درست کرنے کی ضرورت ہے۔ ایک ہی وقت میں، ٹیکنالوجی کی منڈیوں میں مسابقت کے مسائل کو حل کرتے ہوئے ، جدت اور کارکردگی کے پہلوؤں کا  مناسب خیال رکھا جانا چاہیے۔

انہوں نے کہا کہ انضمام اور حصول سرمایہ کاری کے بہاؤ کے لیے اہم آلات ہیں،جو  اقتصادی ہم آہنگی پیدا کرتے ہیں اور صنعتی ترقی کے عمل میں تعاون کرتے ہیں۔ وہ ان کمپنیوں کے لیے پیمانے کی معیشتیں بنانے میں بھی مدد کرتے ہیں، جو آج کے عالمگیر معاشی نظام میں مقابلہ کرنے کے لیے اہم ہیں۔ سی سی آئی اس عمل میں ایک سہولت کار کے طور پرمجموعہ فائلنگ کی تیز رفتار تشخیص کے ذریعہ کام کرتا ہے۔ گرین چینل کے نظام کے ذریعہ تعمیل کے بوجھ کو کم کیا گیا ہے، اور طریقہ کار کو آسان بنانے، تیزی سے نمٹانے اور تعمیل کو کم کرنے پر توجہ دی گئی ہے۔ اس کے علاوہ، نظرثانی شدہ رہنما نوٹ جاری کیے گئے ہیں، جو مجموعہ فائلنگ کے مختلف پہلوؤں کو واضح کرتے ہیں۔ انہوں نے مزید کہا کہ مستقبل قریب میں، سی سی آئی مختلف مسائل پر اکثر پوچھے گئے سوالات جاری کرے گا، جو ایم سی اے آئیکونک ڈے کی تقریبات کے دوران مرکزی وزیر خزانہ کی رہنمائی کے مطابق علاقائی زبانوں میں دستیاب ہوں گے۔

چیئرپرسن نے کہا کہ معلومات کے فرق کو ختم کرنے کے لیے، سی سی آئی مزید مارکیٹ اسٹڈیز اور تشکیل شدہ ورکشاپ کے ذریعہ شراکت داروں کے ساتھ فعال طور پر مشغول رہے گا۔ معاملات کی بڑھتی ہوئی تعداد اور ڈیجیٹل سیکٹر کی پیچیدگیوں کے ساتھ ساتھ ڈیٹا اور ٹیکنالوجی کی مہارتوں کی بڑھتی ہوئی ضرورت کے پیش نظر، سی سی آئی مہارت کے ایک مرکز کے طور پر ایک سرشار ڈیجیٹل مارکیٹ قائم کرنے کا منصوبہ بنا رہا ہے۔ انہوں نے مسابقت کے کلچر کو فروغ دینے کے لیے سی سی آئی کی پالیسی پر بحث میں حصہ لینے اور حکومت کے مختلف اداروں سے وابستہ ہونے کی اہمیت پر بھی زور دیا۔ چیئرپرسن نے اپنے اختتامی کلمات میں کہا کہ سی سی آئی کی یہ کوشش ہے کہ صنعت کے لیے ہم آہنگ، اعتماد پر مبنی نظام قائم کیا جائے۔

ایم سی اے کے سکریٹری جناب راجیش ورما نے اس موقع پر خصوصی خطاب کیا اور اے کے اے ایم اور عوامی شراکت داری کی وکالت کے پروگراموں کے انعقاد کے لیے سی سی آئی کی تعریف کی اور بتایا کہ اے کے اے ایم کے آغاز کے بعد سے، سی سی آئی نے ہندوستان بھر میں 250 سے زیادہ وکالت کے پروگرام منعقد کیے ہیں، جو ایم سی اے کے تحت کسی بھی ریگولیٹر کے ذریعہ منعقد کیے جانے والے پروگراموں کی سب سے زیادہ تعدادہے، جس میں مختلف حلقوں کے شراکت داروں کو شامل کرنے کے ساتھ ساتھ ٹیکنالوجی کا بھرپور استعمال کیا جاتا ہے۔ انہوں نے ہندوستانی صنعت اور صنعت کاروں ، خاص طور پر ملک کی تعمیر میں نجی شعبے کے تعاون کے کردار کو تسلیم کیا اور کہا کہ ایم سی اے ایک  ریگولیٹری فریم ورک فراہم کرنے کے لیے پرعزم ہے جو کارپوریٹ سیکٹر کو نتیجہ خیز طریقے سے کام کرنے میں سہولت فراہم کرتا ہے۔ انہوں نے کہا کہ مسابقت کے قانون کی توجہ اور ڈیزائن بنیادی طور پر تبدیل ہو گیا ہے، یعنی اس بات سے قطع نظر کہ صنعتی اکائیاں ملکی ہوں یا غیر ملکی، سرکاری ہوں  یا نجی، اجارہ داریوں کو روکنے کے بجائے مسابقت کو تحفظ فراہم کرتا ہے ، یکساں موقع کو یقینی بنانا   اور حکومتی اہلکاروں کو کم سے کم اختیار دیتا ہے۔ انہوں نے کہا کہ کمیشن کمپنیوں کے اخراج کی حکمت عملیوں یعنی انضمام، حصول،الحاق وغیرہ کو منظم کرتا ہے، ، اور دیوالیہ پن کے حل کے مرحلے پر بھی کلیدی کردار ادا کرتا ہے۔

انہوں نے نسبتاً کم وقت میں ایک موثر اور قابل اعتماد ریگولیٹر ہونے پر سی سی آئی کی ستائش کی۔ انہوں نے کمیشن کی وکالت کے اقدامات بالخصوص ریاستی ریسورس پرسن اسکیم کا خصوصی ذکر کیا۔ انہوں نے گلوبلائزڈ دنیا میں مضبوط بین الاقوامی تعاون کی ضرورت اور سی سی آئی نیز دیگر مسابقتی ریگولیٹروں کے درمیان دستخط کیے گئے مختلف مفاہمت ناموں کے بارے میں بات کی۔ اپنے اختتامی کلمات میں، سکریٹری موصوف نے کمیشن کے طریقہ کار پر اعتماد ظاہر کیا اور کہا کہ سی سی آئی جیسا ادارہ مسابقت کے کلچر کو فروغ دینے میں مدد فراہم کرنے والی قوت ثابت ہو سکتا ہے۔

قبل ازیں محترمہ جیوتی جندگر بھانوٹ، سکریٹری، سی سی آئی نے خطبہ استقبالیہ پیش کیا۔  اس کے بعد سی سی آئی کے چیئر پرسن جناب اشوک کمار گپتا نے خطاب کرتے ہوئے سی سی آئی کے ذریعہ کئے گئے مختلف اقدامات کا ذکر کیا۔ خصوصی خطاب ، کارپوریٹ امور کی وزارت (ایم سی اے) میں سکریٹری جناب راجیش ورما نےکیا اور افتتاحی خطاب مرکزی وزیر مملکت برائے کارپوریٹ امور جناب راؤ اندرجیت سنگھ نے پیش کیا۔ اس موقع پر عزت مآب جناب جسٹس راکیش کمار، ممبر (جوڈیشل)، عزت مآب جناب کانتھی نارہاری، ممبر (ٹیکنیکل) اور عزت مآب ڈاکٹر اشوک کمار مشرا، ممبر (ٹیکنیکل)، نیشنل کمپنی لا اپیلٹ ٹربیونل نے بھی شرکت کی۔

اس قومی کانفرنس میں دو پینل مباحثے شامل تھے ۔ 'ایمرجنگ ایشوز ان اینٹی ٹرسٹ انفورسمنٹ' کے موضوع پرایک نشست کی صدارت ڈاکٹر سنگیتا ورما، ممبر، سی سی آئی نے کی اور اس کی نظامت سی این بی سی  ٹی وی 18 کی ایڈیٹر  محترمہ نشا پودار نے کی۔ ’کمبی نیشن کے ضابطے میں ابھرتے ہوئے مسائل‘ کے موضوع پر منعقدہ نشست کی صدارت جناب بھگونت سنگھ بشنوئی، ممبر، سی سی آئی نے کی، اور اس کی نظامت دی اکنامک ٹائمز کے ڈپٹی ریذیڈنٹ ایڈیٹر، جناب ارجیت برمن نے کی۔

پینل کے مباحثوں میں ممتاز مقررین کے درمیان عصری اور ابھرتے ہوئے مسابقتی قانون کے مسائل کی ایک رینج پر پرکشش مباحثے اور مکالمے دیکھنے کو ملے۔مقررین اور رابطہ کاروں نے قانونی برادری، صنعت، کاروبار اور تعلیمی اداروں کی نمائندگی کی۔

۔۔۔۔۔۔۔۔۔۔۔۔۔۔۔۔۔۔۔۔۔

                                                                               

(ش ح ۔ رض  ۔ ج ا  (

U-6380

(Release ID: 1833220) Visitor Counter : 182