गोवा, 30 मे 2022

पंतप्रधान नरेंद्र मोदी यांनी केलेल्या आवाहनानूसार आंतरराष्ट्रीय योग दिनाचे महत्त्व सामान्य नागरिकांपर्यंत पोहचवण्यासाठी भारतीय तटरक्षक दल, गोवा क्षेत्र यांनी आज वेळसाव समुद्र किनाऱ्यावर योग प्रात्यक्षिकांचे आयोजन केले होते. तटरक्षक दलाचे जवान आणि कुटुंबीय, स्थानिक मच्छीमार असे सुमारे 250 जणांनी यात सहभाग घेतला.

शरीर आणि मन निरोगी ठेवण्यासाठी योगासने कुठेही केली जाऊ शकतात हे अधोरेखित करण्यासाठी तसेच स्थानिकांमध्ये योगाविषयी जागृती करण्याच्या उद्देशाने या कार्यक्रमाचे आयोजन करण्यात आले होते.

कोविड-19 महामारीच्या काळात योगाचे महत्त्व दिसून आले आहे. नियमित योगामुळे शारिरीक आणि मानसिक आरोग्य संतुलन टिकून राहण्यास मदत होते.

21 जून रोजी 8 वा आंतरराष्ट्रीय योग दिन साजरा करण्यात येणार आहे. ‘मानवतेसाठी योग’ ही यावर्षीच्या आंतरराष्ट्रीय योग दिनाची संकल्पना आहे.

SRT/PM

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 1829444) Visitor Counter : 155