مرکزی وزیر مملکت (آزادانہ چارج) سائنس اور ٹیکنالوجی کی وزارت؛ وزیر مملکت (آزادانہ چارج) ارضیاتی سائنس کی وزارت؛ وزیر اعظم کے دفتر اور عملہ، عوامی شکایات اور پنشن، ایٹمی توانائی اور خلا کے وزیر مملکت ڈاکٹر جتیندر سنگھ نے آج کہا کہ بہترین طرز حکمرانی اختراعی خیالات سے حاصل ہوتی ہے۔ انھوں نے کہا، سرکاری ملازمین کو ان اختراعی خیالات پر توجہ مرکوز کرنے کی ضرورت ہے جن میں پائیداری ہو اور جن کا استعمال بہترین طرز حکمرانی کے طور پر کیا جا سکتا ہے۔

صحت پر دوسری نیشنل گڈ گورننس ویبینار سیریز سے خطاب کرتے ہوئے، ڈاکٹر جتیندر سنگھ نے کہا، 21 اپریل 2022 کو سول سروسز ڈے کے لیے، وزیر اعظم نریندر مودی نے ڈی اے آر پی جی کو اپریل 2022 سے مارچ 2023 تک اگلے 12 مہینوں کے لیے ضلع کلکٹروں اور دیگر افسران کے ساتھ ورچوئل کانفرنس منعقد کرنے کا حکم دیا ہے۔

 

 

صحت اور بنیادی طور پر گجرات کی قبائلی آبادی میں ”سکیل سیل انیمیا کنٹرول پروگرام“ کے موضوع پر موجودہ ویبینار میں خطاب کرتے ہوئے، ڈاکٹر جتیندر سنگھ نے کہا کہ یہ ایک جینیاتی خون کی خرابی ہے جس کے لیے معاشرے میں بیداری کی عام کمی ہے اور انھوں نے اس کا پتہ لگانے کے لیے جامع اسکریننگ کا مطالبہ کیا۔ وزیر موصوف نے کہا، یہ حکومت کے مختلف محکموں اور مختلف این جی اوز کے درمیان مختلف سرگرمیوں کو یکجا کرنے کی ایک مثال ہے تاکہ سکیل سیل انیمیا کے بوجھ کو کم کرنے کے پروگرام کو بہتر طریقے سے نافذ کیا جا سکے، اور اس کے ذریعے پیداواریت، لمبی عمر اور معیار زندگی میں اضافہ ہو سکے۔

چتور گڑھ، حکومت راجستھان میں ادویات کو سستی بنانے کے لیے صحت کے شعبے میں وزیر اعظم کے ایک اور ایوارڈ یافتہ اقدام کا حوالہ دیتے ہوئے، وزیر موصوف نے کہا کہ یہ ضلع وار کم قیمت ادویات کی دکانوں (مناسب قیمت کی دکانوں) کے قیام، ادویات کو زیادہ سستی اور لوگوں کے لیے قابل رسائی بنانے اور ان کے مکمل علاج کو یقینی بنانے کے لیے اچھی حکمرانی کی پہل کی بھی ایک مثال ہے۔

 

 

سکریٹری، ڈی اے آر پی جی، جناب وی سرینیواس نے کہا کہ گڈ گورننس کے اقدامات کے تحت مختلف موضوعات پر 13 ویبینار منعقد کیے جائیں گے جنھیں 2006 میں اپنے قیام کے بعد سے گزشتہ سالوں میں پبلک ایڈمنسٹریشن میں بہترین کارکردگی کے لیے وزیر اعظم کے ایوارڈ سے نوازا گیا ہے۔ قومی ویبینار کے لیے منتخب کیے گئے موضوعات میں صحت، تعلیم، ماحولیات، ڈیزاسٹر مینجمنٹ، ترجیحی پروگرام، جل/واٹر مینجمنٹ وغیرہ جیسے متعدد شعبوں کا احاطہ کرنے کی تجویز ہے۔ اس سلسلے کا پہلا ویبینار 28 اپریل 2022 کو ’سروس کی فراہمی کو بہتر بنانے میں وزیر اعظم کے ایوارڈ یافتہ اقدامات‘ کے موضوع پر منعقد ہوا تھا۔

ریاست کے اے آر سکریٹریز، ڈسٹرکٹ کلکٹرس، ایڈیشنل چیف سیکریٹریز/پرنسپل سیکریٹریز/صحت اور خاندانی بہبود کے سیکریٹریز، ریاستوں/مرکز زیر انتظام علاقوں کے نیشنل ہیلتھ مشن کے مشن ڈائریکٹرز، تمام اضلاع کے پرنسپل میڈیکل آفیسرز/ کمیونٹی ہیلتھ سینٹرز اور انڈین انسٹی ٹیوٹ آف پبلک ایڈمنسٹریشن کی فیکلٹیز اور پورے ہندوستان میں اس کی شاخوں نے عملی طور پر اس تقریب میں شمولیت اختیار کی۔

*********

 

ش ح۔ ف ش ع-م ف

U: 5817

(Release ID: 1828836) Visitor Counter : 141