بھاری صنعتوں کی وزارت (ایم ایچ آئی) نے بھاری صنعتوں کے وزیر ڈاکٹر مہندر ناتھ پانڈے اور ایم ایچ آئی کے سکریٹری جناب ارون گوئل کی موجودگی میں آج یہاں ہندوستانی کیپٹل گڈس سیکٹر میں مسابقت کو بڑھانے کی اسکیم کے آسان نفاذ کے لیے مختلف سرگرمیاں شروع کرنے کے لیے نیشنل ریسرچ ڈیولپمنٹ کارپوریشن (این آر ڈی سی) کے ساتھ ایک مفاہمت نامے پر دستخط کیے ہیں۔ این آر ڈی سی کے سی ایم ڈی، این آر ڈی سی، کموڈور امیت رستوگی (ریٹائرڈ) اور بھاری صنعتوں کی وزارت کی جانب سے جوائنٹ سکریٹری جناب وجے متل نے مفاہمت نامے پر دستخط کیے۔

مفاہمت نامے کے مطابق این آر ڈی سی بھاری صنعتوں کی وزارت کی جانب سے کیپٹل گڈز اسکیم مرحلہ اول اور دوم کے تحت تیار کردہ مصنوعات کے لیے اسکیم کا جائزہ اور دانشورانہ املاک کے حقوق کا انتظام اور کمرشلائزیشن سپورٹ وغیرہ جیسی سرگرمیاں انجام دے گا۔

اس موقع پر خطاب کرتے ہوئے ڈاکٹر پانڈے نے کہا کہ بھارتی معیشت کو اعلیٰ ترقی کے پہیے پر گامزن کرنے کے وژن اور مشن کے ساتھ وزیر اعظم نریندر مودی نے آتم نربھر بھارت کا منتر دیا اور یہ مفاہمت نامہ یقیناً اس کو حاصل کرنے میں ہماری مدد کر سکے گا۔ انہوں نے مزید کہا کہ اس مفاہمت نامے کا وژن ہندوستان کو کیپیٹل گڈس کی تیاری کا عالمی مرکز بنانا ہے۔

واضح رہے کہ بھاری صنعتوں کی وزارت نے 25 جنوری 2022 کو مشترکہ ٹکنالوجی کی ترقی اور خدمات کے بنیادی ڈھانچے کو مدد فراہم کرنے کے لیے انڈین کیپیٹل گڈس سیکٹر مرحلہ دوم میں مسابقت کو بڑھانے کی اسکیم کو مطلع کیا ہے۔ 975 کروڑ روپے کے بجٹ تعاون اور 232 کروڑ روپے کی صنعت کے تعاون کے ساتھ اسکیم کا مالی اخراجات 1207 کروڑ روپے ہے، تاکہ کیپٹل گڈز اسکیم کے مرحلہ اول کے ذریعے پیدا ہونے والے اثرات کو وسعت  اور اسے بڑھایا جاسکے۔ اس طرح ایک مضبوط اور عالمی سطح پر مسابقتی کیپٹل گڈز سیکٹر کی تعمیر کے ذریعے زیادہ ترغیب فراہم کیا جاتا ہے۔

 

*****

ش ح۔م ع۔ع ن

                                                                                                                                      (U: 5513)

(Release ID: 1826549) Visitor Counter : 144