خواتین کے قومی کمیشن (این سی ڈبلیو) نے خواتین سے متعلق مسائل اور میڈیا میں خواتین کی تصویر کشی پر توجہ مرکوز کرنے کے لیے ‘میڈیا کے عملے کے لیے صلاحیت سازی اور حساسیت کے پروگرام’ کے موضوع پر ایک ورکشاپ کا انعقاد کیا۔ اس ورکشاپ میں چیئرپرسن، قومی کمیشن برائے خواتین محترمہ ریکھا شرما اور انڈیا ٹی وی کے چیئرمین اور چیف ایڈیٹر جناب رجت شرما نے شرکت کی۔

مختلف آراء حاصل کرنے کے لیے کمیشن نے میڈیا کے مختلف شعبوں سے ماہرین کو مدعو کیا۔ ورکشاپ میں سمیر کمار، ہیڈ، پرسار بھارتی نیوز سروسز اینڈ ڈیجیٹل پلیٹ فارم، آدتیہ راج کول، ایگزیکٹو ایڈیٹر، ٹی وی9 نیٹ ورک، نشا نارائنن، سی ای او اور ڈائریکٹر ریڈ ایف ایم اینڈ میجک ایف ایم، کویتا دیوی، بانی خبر لہریا اور وارتیکا نندا، ہیڈ، ڈیپارٹمنٹ آف جرنلزم، لیڈی شری رام کالج نے مقررین/ ریسورس پرسن کے طور پر شرکت کی۔ مقررین نے صحافت میں اپنے وسیع تجربات شیئر کیے اور میڈیا میں خواتین کی تصویر کشی پر توجہ دی۔ مختلف تنظیموں کے میڈیا پروفیشنلز نے کھلے مباحثہ میں اپنے تجربات کا اشتراک کیا۔

چیئرپرسن محترمہ ریکھا شرما نے میڈیا میں معیاری ترقی، رپورٹنگ کے حوالے سے زیادہ حساس نقطہ نظر اور میدان میں مردوں اور عورتوں کی مساوی نمائندگی کی ضرورت پر زور دیا۔ انہوں نے رپورٹنگ کے دوران خواتین صحافیوں کو درپیش چیلنجز اور میڈیا ہاؤسز میں انتظامی عہدوں پر مزید خواتین کی ضرورت پر زور کیا۔

مہمان خصوصی جناب رجت شرما نے میڈیا میں خواتین کی تعریف کی اور کہا کہ سماج کی منفی سوچ کے باوجود ملک کی خواتین نہ صرف صحافت بلکہ ہر شعبے میں بلندیوں پر پہنچی ہیں۔ انہوں نے یہ بھی کہا کہ معاشرے کی ذہنیت کو بدلنے کی ضرورت ہے اور میڈیا اس سلسلے میں اہم کردار ادا کر رہا ہے۔

ورکشاپ کو تین تکنیکی سیشنز میں تقسیم کیا گیا تھا۔ ‘میڈیا آپریشنز اور مواد میں میڈیا کے لیے صنفی حساس اشارے’، ‘خواتین میڈیا پروفیشنلز کو درپیش چیلنجز’ اور ‘خواتین کو بااختیار بنانے میں میڈیا کا کردار’۔ ورکشاپ کا مقصد میڈیا کے اسٹیک ہولڈرز کی حوصلہ افزائی کرنا تھا کہ وہ خواتین کے مسائل اور خواتین کو بااختیار بنانے اور قیادت کی کہانیوں کو حل کرنے کے لیے مزید پلیٹ فارم مختص کریں اور خواتین کے حقوق اور اس طرح کے حقوق کی خلاف ورزی کی صورت میں ان کے دستیاب وسائل کے بارے میں عوام کو آگاہ کرنے والے پروگراموں کا انعقاد کریں۔

*****

 

ش ح۔م ع۔ع ن

                                                                                                                                      (U: 5512)

(Release ID: 1826548) Visitor Counter : 161