سی ایس آئی آر-نیشنل انسٹی ٹیوٹ آف سائنس کمیونیکیشن اینڈ پالیسی ریسرچ (این آئی ایس سی پی آر)، نئی دہلی کا ریسرچ جرنل ڈویژن, ایکسلریٹڈ سائنس ورکشاپ اسکیم کے تحت ‘علمی اشاعتوں پر عملی تربیت’  پر12-18 مئی 2022 کے دوران بورڈ آف سائنس اینڈ انجینئرنگ ریسرچ (ایس ای آر بی) اور محکمہ برائے سائنس اور ٹیکنالوجی (ڈی ایس ٹی) حکومت ہند ایک ہفتہ کے قومی ورکشاپ کا انعقاد کر رہا ہے۔

مذکورہ ورکشاپ کے پانچویں دن 'سائنس کمیونیکیشن میں عجائب گھروں کے کردار' کو لیکچرز، انٹریکٹو سیشنز کے ساتھ ساتھ نباتاتی میوزیم کی تکنیکوں پر عملی تربیت کے ذریعے روشنی ڈالی گئی۔ ریسورس پرسن، سائنسدان اور سربراہ، را میٹریلز ہربیریم اینڈ میوزیم، دہلی (آر ایچ ایم ڈی)، ڈاکٹر سنیتا گرگ، سابق سربراہ سی ایس آئی آر-این آئی ایس سی پی آر، جو اس موضوع پر چار دہائیوں سے زیادہ کا وسیع تجربہ رکھتی ہیں، نے اپنے تجربات کا اشتراک کیا۔

ڈاکٹر گرگ نے اپنی تقریر میں اس وسیع ملک کی بھرپور حیاتیاتی تنوع کے تحفظ میں سائنس میوزیم کے ناگزیر کردار کی وضاحت کی اور نہ صرف سائنس کے نصاب کے طلباء بلکہ عام لوگوں کے درمیان سائنس سیکھنے کو فعال طور پر فروغ دیا۔ انہوں نے کہا کہ میوزیم فزیکل مشاہدے کے لیے حقیقی نمونے فراہم کر کے ایک گہری بصری یادداشت فراہم کرتا ہے، جو طلباء کے لیے سیکھنے کی سب سے مؤثر شکل ہے۔ اصل مستند نمونوں کو محفوظ رکھ کر، میوزیم متعلقہ مضامین کے ماہرین کے ساتھ حقیقی نمونوں کی تصدیق کے لیے ایک مرکز کے طور پر کام کرتا ہے جو سائنسی تحقیق میں انتہائی ضروری ہے، خاص طور پر حیاتیات میں جو حیاتیاتی نمونوں سے متعلق ہے، چاہے وہ مجموعی طور پر ہو یا جانور یا اس کا کوئی حصہ ہو۔ انہوں نے خاص طور پر جڑی بوٹیوں کی صنعت میں ملاوٹ سے پیدا ہونے والے مسائل کے بارے میں بتایا۔ ڈاکٹر گرگ نے اس موضوع میں انٹرپرینیورشپ کے میدان کے بارے میں بھی روشنی ڈالی ہے۔

ڈاکٹر سنیتا گرگ اور ڈاکٹر پرسنا نے عملی طور پر دکھایا کہ نباتیات میں نباتات کو کیسے جمع کیا جاتا ہے۔ نباتیات جمع کرنے کی تکنیک متعلقہ پودوں کے نمونوں کی مورفولوجیکل طور پر غالب خصوصیات کو محفوظ رکھنے میں مدد کرتی ہے۔ شرکاء کو ہربیریم شیٹ کی تیاری پر انفرادی کوشش کرکے سیشن میں جو کچھ سیکھا اس کا مظاہرہ کرنے کا موقع بھی دیا گیا۔

سینئر سائنسدان محترمہ مجمدار اور ڈاکٹر این کے پرسنا نے ورکشاپ کے پانچویں دن کے تینوں سیشنوں کو خوش اسلوبی سے چلایا۔

۔۔۔۔۔۔۔۔۔۔۔۔۔۔۔۔۔۔۔۔

ش ح۔م ع۔ع ن

                                                                                                                                      (U: 5458)

(Release ID: 1826203) Visitor Counter : 133