چھوٹی ، بہت چھوٹی اوراوسط درجے کی صنعتوں کے مرکزی وزیرجناب نارائن رانے اورچھوٹی ، بہت چھوٹی اوراوسط درجے کی صنعتوں کے وزیرمملکت جناب بھانوپرتاپ سنگھ ورمانے دیگرریاستی وزرائے مملکت  نیزسینئرحکام کے ساتھ کوئمبٹور، تمل ناڈومیں ‘‘آزادی کا امرت مہوتسوکے تحت ’’ منعقد ہونے والے ‘انٹرپرائز انڈیا نیشنل کوئر (ناریل کے ریشے ) کانکلیو 2022’  کاافتتاح  کیا۔ اس موقع پر ایک تقریب سے خطاب کرتے ہوئے جناب رانے نے  نئی مصنوعات کی ترقی، مصنوعات کی تنوع اور نئی ٹکنالوجی کو اپناکرنئی مصنوعات اور ناریل کے ریشے  کے نئے استعمال پر توجہ مرکوز کی۔

وزیرموصوف نے کہاکہ ناریل کے ریشوں  کی مصنوعات میں ترقی کی بے پناہ صلاحیت ہے اور یہ برآمدات کو بڑھانے اور ملک کے جی ڈی پی میں ایم ایس ایم ای کی شراکت داری  میں اضافہ کرنے میں ایک اہم کردار ادا کر سکتی ہے۔ انہوں نے مزید کہا کہ ناریل کے ریشے فضلے سے دولت حاصل کرنے کی ایک بہترین مثال ہے ۔ جو ایک پائیدار حل فراہم کرتی ہے، کیونکہ یہ ماحول دوست ہے اور پانی اور مٹی کے تحفظ میں مدد کرتی ہے۔

جناب رانے نے کہا کہ ناریل کی صنعت کی بدولت ناریل پیداکرنے والی ریاستوں کے دیہی علاقوں میں سات لاکھ سے زیادہ افراد کو روزگارفراہم ہوتاہے ۔ اس سے زیادہ دلچسپ بات یہ ہے کہ ان میں سے 80فیصد دستکار خواتین ہیں لیکن ناریل کے ریشوں کی مصنوعات اب تک ملک کی ناریل کی پیداوار والی جنوبی ریاستوں اورمرکز کے زیرانتظام علاقوں  تک ہی محدود ہے ۔ انھوں نے کہا کہ چھوٹی ، بہت چھوٹی اوردرمیانہ درجہ کے صنعتوں (ایم ایس ایم ای) کی وزارت کا ملک کی دوسری ریاستوں میں بھی ناریل کے ریشوں  کی مصنوعات  کو فروغ دینے کا ارادہ ہے اوراس کے لئے حکومت نے مختلف النوع اقدامات  کئے ہیں تاکہ صارفین اورصنعتوں میں استعمال کے لئے ناریل کے ریشے سے بنی مصنوعات کو مقبول بنایاجاسکے۔

جناب بھانوپرتاپ ورمانے کہاکہ یہ تقریب ریاستوں اورمرکزی حکومت کے مابین تال میل پرمبنی کوششوں کو مدنظررکھتے ہوئے منعقد کی جارہی  ہے تاکہ ناریل کے ریشوں  کی پیداوار اوراس سے متعلق مصنوعات  کو فروغ دیاجاسکے اورناریل کے ریشوں  کی ایپلی کیشن  کے نئے علاقوں کی نشاندہی کی جاسکے ۔

اس موقع پر، کوائرانڈسٹری یعنی ناریل کے ریشوں کی صنعت سے متعلق  ایوارڈس ناریل کے ریشوں اور ناریل کے ریشوں سے بنی مصنوعات کی مینوفیکچرنگ /برآمدات  سے متعلق  یونٹوں کو 44ایورڈس عطاکئے گئے ہیں ۔ ناریل کے ریشوں سے متعلق کوائربورڈ نے بھی بہت سی نئی کوائر مصنوعات  متعارف کرائی ہیں ۔

تمل ناڈو اورآسام کی صنعت /چھوٹی ، بہت چھوٹی اور درمیانہ درجہ کی صنعتوں کے وزیروں  نے بھی اس تقریب میں شرکت کی ۔ ان کے علاوہ  کوئمبٹو کے رکن اسمبلی اورمختلف ریاستوں کے 11پرنسپل سکریٹریز/ڈائرکٹر صاحبان بھی اس تقریب میں موجود تھے ۔

6مئی کو ‘‘ناریل کے ریشوں کے لئے دوڑ ’’ کا بھی انعقاد کیاگیاتھا تاکہ ناریل کے ریشوں کو ایک قدرتی ، قابل تحلیل اورماحولیات کے لئے ساز گارمصنوعات  کے طورپرفروغ دیاجاسکے ۔ اس دوڑ میں اہم شخصیات ، کالجوں کے طلباء اورعام لوگوں سمیت ایک ہزارسے زیادہ افراد نے حصہ لیا۔

*****

ش ح ۔ع م۔ ع آ

U-5080

(Release ID: 1823168) Visitor Counter : 186