شہری ہوا بازی کی وزارت اور حکومت ہماچل پردیش نے آج ہماچل پردیش کے منڈی ضلع کے ناگچل میں گرین فیلڈ ہوائی اڈے کی ترقی کے لیے مفاہمت کے اقرار نامے پر دستخط کیے ہیں۔

مفاہمت نامے پر دستخط کئے جانے کی اس تقریب میں شہری ہوابازی کے وزیر جناب جیوترآدتیہ ایم سندھیا اور ہماچل پردیش کے وزیر اعلیٰ جناب جئے رام ٹھاکر کے ساتھ ایئرپورٹس اتھارٹی اف انڈیا، وزارت شہری ہوابازی اور حکومت ہماچل پردیش کے سینئر افسران بشمول جناب راجیو بنسل، سکریٹری، وزارت شہری ہوابازی، جناب سنجیو کمار، چیئرمین، ایئرپورٹس اتھارٹی اف انڈیا، محترمہ روبینہ علی، جوائنٹ سکریٹری، وزارت شہری ہوابازی، جناب رام سبھاگ سنگھ، چیف سکریٹری، حکومت ہماچل پردیش، جناب دیوش کمار، پرنسپل سکریٹری، سیاحت اور شہری ہوا بازی کی وزارت، حکومت ہماچل پردیش، جناب دنیش گلیریا، اے ٹی ڈی او، حکومت ماچل پردیش جناب اے کے پاٹھک، رکن (منصوبہ بندی)، ایئرپورٹس اتھارٹی اف انڈیا، جناب کے ونائک راؤ، رکن (فائنانس)، جناب ایم سریش، رکن (اے این ایس)، ایئرپورٹس اتھارٹی اف انڈیا اور محترمہ وی ودھیا، ای ڈی (جے وی سی/پی پی پی) نے شرکت کی۔

ناگچل، منڈی میں نیا گرین فیلڈ ہوائی اڈہ، شہری ہوابازی کی وزارت کی گرین فیلڈ ہوائی اڈہ پالیسی کے تحت تیار کیا جا رہا ہے اور ریاستی حکومت ہماچل پردیش اور ائیرپورٹس اتھارٹی آف انڈیا کے درمیان ایک مشترکہ ملکیت کی کمپنی تشکیل دی گئی ہے۔ ہوائی اڈے کے لیے زمین کی متوقع ضرورت 515 ایکڑ لگ بھگ ہے اور زمین کی قیمت کو چھوڑ کر اس پروجیکٹ پر تقریباً 900 کروڑ روپے لاگت کا تخمینہ لگایا گیا ہے۔

اس موقع پر بات کرتے ہوئے جناب جیوترآدتیہ ایم سندھیا نے کہا کہ ‘‘ہم ہماچل پردیش کے لوگوں کو آخری میل تک فضائی رابطہ فراہم کرنے کے لیے پرعزم ہیں۔ اس مقصد کو ذہن میں رکھتے ہوئے ہم نئے ہوابازی کے بنیادی ڈھانچے کو تیار کر رہے ہیں اور ساتھ ہی ہماچل پردیش میں موجودہ سہولیات کو اپ گریڈ کر رہے ہیں، چاہے وہ منڈی میں نئے گرین فیلڈ ہوائی اڈے کی ترقی ہو یا موجودہ ہوائی اڈوں پر رن ​​وے کی توسیع کے لیے اضافی زمین کا حصول ہو۔ اس کے ساتھ ہم شہری ہوابازی کو خطے کے لیے اقتصادی ترقی کے محرک کے طور پر ترقی دینے کے لیے پرعزم ہیں۔’’

ہماچل پردیش میں 3 ہوائی اڈے یعنی شملہ، کولو اور کانگڑا اور 5 ہیلی پورٹ ہیں یعنی کنگنیدھر، شملہ، رام پور، بدی، اور ایس اے ایس ای (منالی) جو کہ ترقی یافتہ یا تیار ہو رہے ہیں۔ تیار ہونے کے بعد یہ ریاست کی سیاحت کی صنعت کو ایک بار زبردست فروغ دیں گے۔

 

۔۔۔۔۔۔۔۔۔۔۔۔۔۔۔۔۔۔۔۔۔

 

ش ح۔م ع۔ع ن

                                                                                                                                      (U: 4666)

(Release ID: 1820021) Visitor Counter : 203