লৈবাক অসিনা মনিং-মখা তম্লকপা চহি ৭৫ শুরকপবু নিংশিংনবা ইকাই খুম্নরবা প্রধান মন্ত্রীনা অজাদি কা অমৃত মহোতসবকী অকনবা হুকুম মখাদা (এ.কে.এ.এম.) ভারত সরকারগী হাউজিং অমদি আর্বান এফিয়র্স মন্ত্রালয়না গুজরাতকী সুরাত্তা  ২০২২গী এপ্রীল ১৮-২০ ফাওবা  “স্মার্ত সিতীস, স্মার্ত আর্বনাইজেসন” থৌরম শিল্লি৷ অজাদি কা অমৃত মহোতসবকী থৌরমশিং অসি ইকাই খুম্নরবা প্রধান মন্ত্রী শ্রী নরেন্দ্র মোদীনা ২০২১গী মার্চ থাদা হৌদোকখিবনি, মসিনা ঐখোয়গী নিং-খা তম্বগী চহি ২০২২গী ওগস্ত থাদা ৭৫রকশুবা কুমওন তারিবা অসি য়ৌগদবা চয়োল ৭৫গী মমাংদা পাংথোকপা হৌখিবনি অমদি মখাতানা চহি অমগা মখা শমথরগনি৷

সুরাতকী থৌরম অসিনা লৈবাক অসিদা লৈরিবা স্মার্ত সিতী ১০০দা চৎনরিবা মরু ওইবা ইনিসিয়েতিব খরা পুথোক্লগনি৷ সব-থীম মঙা, মমিং ওইনা হায়রবদা পব্লিক স্পেসশিং রিইমাজিনিং তৌবা, দিজিতেল গভর্নেন্স, ক্লাইমেত স্মার্ত সিতীশিং, ইন্নোবেসন অমদি স্মার্ত ফাইনান্সতা মীৎয়েং থমদুনা, কনফরেন্স অসিনা স্মার্ত সিতীশিংদগী খঙলু হৈলুরবশিং অদু লৈবাক অসিদা লৈরিবা শহরশিং অমদি তাউনশিং শন্দোকপদা মতাং পাংগনি৷ হাউজিং অমদি আর্বান এফিয়র্সকী কেন্দ্র মন্ত্রী শ্রী হার্দীপ এস.পুরি, হকশেল অমদি য়াইফ-য়ুম্বালগী কেন্দ্র মন্ত্রী শ্রী মন্সুখ মন্দাবিয়া, গুজরাতকী মুখ্য মন্ত্রী শ্রী ভুপেন্দ্রবাই পতেল, হাউজিং অমদি আর্বান এফিয়র্সকী কেন্দ্র রাজ্য মন্ত্রী শ্রী কৌশাল কিশোর, রেলৱেজকী কেন্দ্রগী রাজ্য মন্ত্রী শ্রীমতি দর্শানা জার্দোশ অমসুং স্তেন্দিং কম্মিতী ওন হাউজিং এন্দ আর্বান এফিয়র্সকী মেম্বর অমদি  পার্লিয়ামেন্তকী মেম্বর শ্রী সি.আর. পতিলনা থৌরম অসিদা শরুক য়াখিবা মরু ওইনা ইকাই খুম্ননিংঙাই ওইরবা মীওই খরনি৷

থৌরম অসিদা কেন্দ্র সরাকারগী ওফিসরশিং, রাজ্যশিং/য়ু.তি.শিংগী প্রিন্সিপাল সেক্রেতরীশিং, শহরশিংগী মুনিসিপাল কম্মিশনারশিং, স্মার্ত সিতী ১০০গী এম.দি.শিং/সি.ই.ও.শিং, স্তেত লেবেল নোদেল এজেন্সীশিং/মিসন দাইরেক্তোরেৎশিং অমদি মখোয়গী ওফিসিয়েলশিং অমদি তীম মেম্বরশিং, প্রোফেসনেলশিং, ইন্দস্ত্রী রিপ্রজেন্তেতিবশিং, গ্লোবেল পার্তনরশিং অমদি এক্সপর্তশিং, মেদিয়া অমসুং একাদমিয়াগী মেম্বরশিং য়াওনা কেন্দ্র অমসুং রাজ্য সরকারগী মরু ওইবা আর্বান স্তেকহোল্দর পুম্নমক্না শরুক য়াগনি৷ লৈবাক অসিনা মনিং-মখা তম্লকপা চহি ৭৫ শুরকপবু পাংথোক্লদুনা ‘হ্বোল ওফ গভর্মেন্ত’ এপ্রোচ উৎপা থবকশিং, মীয়াম শরুক য়াবা, ঐখোয়গী মমল লৈরবা কলচরেল হেরিতেজ, ইন্নোবেসনশিং অমদি ফ্যুচর এস্পিরেসনশিংবু থৌরম অসিদা উৎলগনি৷

এম.ও.ঐচ.য়ু.এ.না ইন্দিয়া স্মার্ত সিতীস এৱার্দস কন্তেস্ত (আই.এস.এ.সি.) ২০২০দা মাই পাক্লবা শহরশিংবু ওক্লগনি৷ এৱার্দশিং অসি সুরাত্তা ২০২২গী জনুৱারী ১-৩১ ফাওবা পাংথোকখিবা ওপন দাতা ৱীক, আর্বান জিও-স্পাসিয়েল দাতা স্তোরীস চেলেঞ্জ, প্লেসমেকিং মরাথোন, ফ্রীদম তু ৱাল্ক এন্দ সাইকল, অমদি ক্লাইমেত স্মার্ত সিতীস এসেসমেন্ত ফ্রেমৱার্ক ২.০ ৱিন্নর্স (সি.এস.সি.এ.এফ.) য়াওনা থৌরম অসিগী মাংজৌননা পাংথোকখিবা প্রি-ইভেন্ত এক্তিবিতী খরগী ৱিন্নরশিংদসু পীগনি৷

থৌরম অসিদা মরু ওইবা তোঙান তোঙানবা ইনিসিয়েতিবশিং, মমিং ওইনা হায়রবদা 'ইজ ওফ লিবিং', ‘মুনিসিপাল পর্ফোমেন্স ইন্দেক্স’, ‘দাতা মেচুরিতী এসেসমেন্ত ফ্রেমৱার্ক ৩.০ অমসুং ক্লাইমেত স্মার্ত সিতীস এসেসমেন্ত ফ্রেমৱার্ক ৩.০ য়াওনা আর্বান আউতকমস ফ্রেমৱার্ক ২০২২ রিলিজ তৌদুনা হৌদোক্লগনি৷ ভারতকী শহরশিংদা মমল লৈরবা দাতা ফংহল্লিবা মন্ত্রালয়গী ইন্তিগ্রেতেদ দাতা পোর্তেল এ.এম.পি.এল.আই.এফ.আই.সু হৌদোক্লগনি৷ মসিগীসু মথক্তা, আর্বান লাইফ অমদি সস্তেনেবল দিবেলপমেন্ত গোলশিংদা কন্ত্রিব্যুসনশিং তৌববু ওল্লিবা প্রোজেক্ত ৭৮০০ হেন্না লৈরিবা আউতকম আউতপুত মেনেজমেন্ত ফ্রেমৱার্ক (জি.এম.আই.এস.তা ও.ও.এম.এফ. দাশবোর্দ) অমগী কমপ্রিহেন্সিব দাশবোর্দ অমসু থৌরম অসিদা রিলিজ  তৌরগনি৷

থৌরম শিল্লিবা মফম অদুদা শেম্লিবা মওং মতৌ অদুনা থৌরম অদুগী অখন্ননা পুক্নিং চিংশিনফম ওইরগনি, মদুনা শহরশিংনা মতৌ তম্নিংবা পোক্কদবা মোদেল নৈবরহুদ অমগী শকলোন লৌরগনি৷ অহল ওইরবা মীওইশিং, অঙাংশিং অমদি মখোয়গী কেয়রগিবরশিং য়াওনা স্তেকহোল্দর পুম্নমক্কীদমস নৈবরহুদ অমবু মতৌ করম্না হেন্না শাফনবা, চৎথোক-চৎশিন য়ানবা অমদি হেল্দী ওইনা থমগদগে হায়বা অসিনা মোদেল অসিদগী মরু ওইনা খঙজিনগদবা ওইরি৷ মসিগীসু মথক্তা, মফম অদুদা তোঙান তোঙানবা স্তার্তঅপশিংনা মখোয়গী ইন্নোবেতিব প্রদক্তশিং অদু উৎথোক্লগনি৷

থৌরম অদু গ্রীন ইভেন্ত অমা ওইরগনি, মসিনা থৌরম শিল্লিবা মফম অদুদা চৎথোক-চশিন তৌনবগীদমক গ্রীন ত্রান্সুপোর্ত খলহন্নবা অমদি অতোপ্পা ওপ্সনশিংদগী হেন্না ইলেক্ত্রতিক গারীশিং ওইনা খন্নবা শরুক য়ারিবা মীওই পুম্নমক্কী পুক্নিং থৌগৎলগনি৷ কনফরেন্স অসি প্লাস্তিক-ফ্রী  ওইগনি অমদি শরুক য়ারিবা মীওইশিংনা মশানা থকচনবা ইশিং পুজরক্নবা খঙহল্লগনি৷ মখাতানা, পেপর ব্রোঞ্চরশিং অমদি অতোপ্পা পানবা পোৎলমশিং থম্বগী মহুৎতা , শরুক য়ারিবা মীওইশিংনা তোঙান তোঙানবা মিসনগী ইনিসিয়েতিবশিং অদুগী মতাংদা পাজনবা তোঙান তোঙানবা মফমশিংদা ক্ব্যু.আর. কোদ স্কেন তৌনবা ওপ্সন পীরগনি৷

থৌরমগী থিমেতিক পেবিলিয়নশিং:

থৌরম অসিনা ইন্তরেক্তিব এক্তিবিতী কয়ামরোম উৎলগনি অমদি লৈবাক অসিগী মীওই ১০০০+না রেজিস্তর তৌদুনা থীম ৫দা মমিং লৈরবা স্পিকরশিং অমদি তম্লিবশিংগা উন্নদুনা ৱারি ৱাতায় শানহল্লগনি৷

• পব্লিক স্পেসশিং রিইমাজিং তৌবা – শাফবা, চৎপা য়াবা অমদি হেল্দী ওইবা নৈবরহুদ শেমগৎপা

শহরশিংদা পব্লিক রিল্ম দিবেলপমেন্ত, স্মার্ত নৈরহুদশিং, মফম শিনবা লাংবা, চাইল্দ অমদি কেয়র-গিবরগী মরক্তা তোৎন-তিন্নবা, নেত-জিরো কার্বোন মোবিলিতীগী পাথৱেশিং অমদি আর্বান হেল্থ প্রমোত  তৌনবা সেসন অসিদা কুপথনা খন্ন-নৈননবগী থৌরমশিং শিন্নবা প্লান তৌখ্রে৷

• দিজিতেল গভর্নেন্স – দাতা অমসুং দিজিতেল তেক্নোলোজীগা লোইননা কম্ম্যুনিতীশিংবু শক্তি লৈহনবা

দিজিতেল গভর্নেন্স পেবিলিয়নদা, শহরশিংদা দিজিতেল গভর্নেন্সতগী ফংখিবা কান্নবশিং অদু উৎথোক্নবা ইন্তরেক্তিব ৱার্কশোপশিং অমদি সেসনশিং শিল্লি৷ হায়রিবশিং অসি রিএল-তাইম দাতা, এ.আই./এম.এল.কেসশিং অমদি ইন্দিয়া আর্বান দাতা একচেঞ্জ (আই.য়ু.দি.এক্স.) অমদি ইন্তিগ্রেতেদ কম্মান্দ অমসুং কন্ত্রোল সেন্তর্স (আই.সি.সি.সি.)গুম্বা প্লেতফোর্মশিং অসি শিজিন্নদুনা উৎলি৷ পেবিলিয়ন অসিদা সুরাতকী লাইব সেসন অমা উৎলগনি৷ ওপন দাতাগী ভেল্যু অসি খঙবা ঙম্নবা স্পেস অসিনা স্তেকহোল্দরশিংগীদমক দাতা গেম অমসু পাংথোক্লগনি৷

• ইন্নোবেসন– সমাজকী ইসুশিং ফোংদোকপা অমদি তাইশিনবা

ইন্নোবেসন পেবিলিয়ন অসিনা লর্নিংগী থৌওং অসিবু নুংঙাইহন্নবগীদমক প্রোগ্রামগী এৱার্নেস অমদি কমপ্রিহেন্সনদা মতেং পাংনবা দিজাইন তৌখিবা ইন্তরেক্তিব এক্তিবিতীশিং অমদি সেসনশিংগা লোইননা আর্বান তেখ সেক্তরদা লমজিংলিবা স্তার্তঅপশিংদগী কত্তিং এদজ সোলুসনশিং ফংলগনি৷ সেসন অসিনা সিতী ইন্নোবেসন একচেঞ্জ (সি.আই.এক্স.) অমদি স্মার্ত প্রোক্যোর গাইদলাইনশিং শিজিন্নবগী খন্নরগনি/প্রমোত তৌরগনি, স্মার্ত সিতী মিসননা স্মার্ত সিতীশিংদা ইন্নোবেসনগী ইন্সতিত্যুসনেলাইজেসন তৌনবা হোৎনরি৷

• ক্লাইমেত স্মার্ত সিতীশিং– শহরশিংদা ক্লাইমেত এক্সনশিং শেমগৎপা

ক্লাইমেত স্মার্ত সিতীশিংনা কল্লেক্তিব কার্বোন ত্রেদিং, ক্লাইমেত এদাপ্তেসন প্লান, ক্লাইমেত এক্সনশিং প্রমোত তৌনবা স্ত্রাতিজীশিং অমদি ক্লাইমেতকা মরী লৈনবা খুদোংথিবশিং অমদি চেলেঞ্জশিংগা কম্মুনিকেৎ তৌদুনা খন্ন-নৈননবা মীৎয়েং থম্লগনি৷ ইন্দিয়ন স্মার্ত সিতীশিংনা মখোয়গী মরু ওইবা থৌদাং অদু খঙহন্দুনা অমদি কোওর্দিনেতেদ ইফর্তশিং শেমগৎতুনা ক্লাইমেত চেলেঞ্জশিং থেংনরিবা অসি হন্থনবা মতৌ করম্না প্রোজেক্তশিং মাই পাক্না চৎনখিবগে হায়বদুগী মতাংদা সেসনশিংনসু খন্ন-নৈনরগনি৷

• স্মার্ত ফাইনান্স –শহরশিংনা লৈবাক্কী ৱেল্থদা দ্রাইবরশিং ওইহনবা

স্মার্ত ফাইনান্স থীমনা আর্বান ফাইনান্সকী ইন্নোবেসনদা মীৎয়েং থম্লগনি, মসিনা শহরশিংবু রেভেন্যুগী অনতেপ সোর্সশিং খন্দোকপদা মতাং পাংলি৷ সেক্সন অসিনা ইনবেস্ত ইন্দিয়া গ্রিদ সেক্সন, নেসনেল ইনফ্রাস্ত্রকচর পাইপলাইন (এন.আই.পি.), মুনিফাইগী সেক্সন অমা (য়ু.এল.বি.শিংনা মখোয়গী বজেৎশিং অমদি ফাইনান্স ওভর্ব্যুশিং খঙনবা মফম), আউতপুত অমদি আউতকম মোনিতরিং ফ্রেমৱার্ক (ও.ও.এম.এফ.) ক্লিনিক, স্মার্ত সিতীস মিসনগী মাই পাক্লবা অমদি ইন্নোবেতিব ওইবা পি.পি.পি. প্রোজেক্ত ২০+গী একজিবিসন অমা উৎলগনি৷  আর্বান ফাইনান্স ইসু কয়ামরোমদা গ্লোবেল/নেসনেল এক্সপর্ত ২৯না ৱা ঙাংগদৌরি৷

স্মার্ত সিতীস মিসন– ফিজিকেল অমদি ফাইনান্সিয়েল প্রোগ্রেস

স্মার্ত সিতীস মিসন (এস.সি.এম.) অসি অওনবা মিসন অমনি, মসিনা লৈবাক অসিদা শহরশিংগী লমদমশিংবু চাওখৎহনবদা পেরাদিজম শিফত অমা পুরক্নবা মীৎয়েং থমখি৷ এস.সি.এম.গী মখাদা পুথোরকখিবা অপুনবা প্রোজেক্তশিংগী মনুংদা, লুপা কোতি ১,৯৩,১৪৩গী মমল ওইগদবা প্রোজেক্ত ৭,৯০৫দি হৌজিক ফাওবগী ওইনা তেন্দর তৌখ্রে, লুপা কোতি ১,৮০,৫০৮গী (ভেল্যুদা ৮৮%) মমল ওইগদবা প্রোজেক্ত ৭,৬৯২গী ৱার্ক ওর্দরশিং অসু তৌখ্রে৷ লুপা কোতি ৬০,৯১৯গী মমল (ভেল্যুদা ৩৩%) ওইগদবা প্রোজেক্ত ৩,৮৩০দি মাই পাক্না লোইশিনখ্রে অমদি চলাইরি (২০২২গী এপ্রীল ১০)৷

স্মার্ত সিতীস মিসনগী মখাদা থাদরিবা অপুনবা লুপা কোতি ২,০৫,০১৮গী শেনফম অসিগী মনুংদা, লুপা কোতি ৯৩,৫৫২গী মমল ওইগদবা প্রোজেক্তশিংদি কেন্দ্র অমদি রাজ্যগী ফন্দশিংদগী শেমগৎনবা হৌদোরকখি৷ হৌজিক ফাওবগী ওইনা, হায়রিবা প্রোজেক্তশিং অসিগী ১০০% রোম, হায়বদি লুপা কোতি ৯২,৩০০গী মমল ওইগদবা প্রোজেক্তশিংদি থবক শুবা য়াবগী অয়াবা পীখ্রে৷ স্মার্ত সিতীস মিসনদা ফাইনান্সিয়েল প্রোগ্রেস অসিসু খোঙজেল য়াংখৎলকখ্রে৷ মিসনগী অপুনবা চাদিং অসি লুপা কোতি ১,০০০ ওইরিঙৈ ২০১৮দগী, শেনফম অসি লুপা কোতি ৪৫,০০০দা হেনগৎলকখ্রে৷ শহরশিংদা থাদখিবা অপুনবা ভারত সরকারগী ফন্দশিংগী শিজিন্নখিবা পর্সেন্তেজ অসি ৯১%নি৷

স্মার্ত সিতীস মিসনগী মখাদা শেমগৎখিবা প্রোজেক্তশিং অসি মল্তি-সেক্তোরেল ওই অমদি লমদম অসিদা লৈরিবা মীয়ামগী অনিংবশিং অদু উৎলি৷ ঙসি ফাওবদা, লৈবাক অসিদা স্মার্ত সিতীস ৮০ শেমগৎখ্রে অমদি মখোয়গী ইন্তিগ্রেতেদ কম্মান্দ অমদি কন্ত্রোল সেন্তরশিং (আই.সি.সি.সি.শিং) চলাইখ্রে৷ মিসন অসিগী মখাদা শেমগৎখিবা অতোপ্পা স্মার্ত ইনফ্রাস্ত্রকচরগা লোইননা চলাইরিবা আই.সি.সি.সি.শিং অসি কোবিদ-মেনেজমেন্তগীদমক ৱার-রুমশিং ওইনা মথৌ তৌখি, মসিনা ই-পাউ শন্দোক্তুনা, কম্ম্যুনিকেসন ফগৎহন্দুনা, মাংজৌননা নৈনদুনা অমদি ইফেক্তিব মেনেজমেন্তবু সপোর্ত তৌদুনা লাইনা-লাইচৎ অসি লান্থেংনবদা শহরশিং অসিবু মতেং পাংখি৷

*******

(রিলিজ আই.দি.: 1818190) ভিজিতর কাউন্তর : 140