جل شکتی کے وزیر مملکت جناب بشویشور ٹوڈو نے آج لوک سبھا میں ایک تحریری جواب میں یہ اطلاع دی ہے کہ ملک کی اقتصادی ترقی میں  پانی کی ترقی اور انتظام ایک  خاص کردار ادا کرتا ہے۔ پانی زندگی، ذریعہ معاش اور اہم ماحولیاتی نظام کی دیکھ بھال کے  لیے بے حد اہمیت رکھتا ہے۔ زراعت ہندوستانی معیشت میں ریڑھ کی ہڈی کی حیثیت رکھتی ہے اور ملک کی غذائی تحفظ کو یقینی بنانے میں آبپاشی سب سے اہم کردار ادا کرتی ہے۔ قومی آبی پالیسی (2012) اس بات پر بھی زور دیتی ہے کہ عوامی اعتماد کے نظریے کے تحت خوراک کی حفاظت حاصل کرنے، معاش کی حمایت کرنے اور سب کے لیے مساوی اور پائیدار ترقی کو یقینی بنانے کے لیے پانی کو  ریاست کے زیر انتظام ایک مشترکہ پول کمیونٹی ریسورس کے طور پر منظم کرنے کی ضرورت ہے ۔

پانی کی ری سائیکلنگ تازہ پانی کی دستیابی پر دباؤ کو کم کرتی ہے اور جہاں بھی ممکن ہو، اس عمل کے ذریعے پانی کی طلب کو پورا کرنا ضروری ہے۔

پانی  ایک ریاستی موضوع ہے، لہذا پانی کا انتظام بشمول گندے پانی کی صفائی اور ری سائیکلنگ ریاست کے دائرہ کار میں آتےہے۔ مرکزی حکومت  اصول طے کرتی ہے اور مخصوص پروگراموں کے تحت تکنیکی اور مالی مدد فراہم کرتی ہے۔ سنٹرل پولوشن کنٹرول بورڈ(سی پی سی بی) کے ذریعہ سال 2020 کے لئے سیوریج ٹریٹمنٹ پلانٹ(ایس ٹی پیز) کی ایجاد کے مطابق شہری مراکز کے لئے سیوریج کی پیداوار کا تخمینہ 72,368  ایم ایل ڈی ہے اور کل نصب شدہ ٹریٹمنٹ کی صلاحیت 31,841 ایم ایل ڈی ہے۔

کامن ایفلوئنٹ ٹریٹمنٹ پلانٹ (سی ای ٹی پی) گندے پانی کی صفائی کی سہولت ہے، جس میں، درمیانے/چھوٹے درجے کی صنعتوں سے، ایک صنعتی کلسٹر/ اسٹیٹ میں، ٹریٹمنٹ کے لیے ایک مرکزی جگہ پر لایا جاتا ہے۔ اس وقت ملک بھر میں 20 ریاستوں/ مرکز کے زیر انتظام علاقوں میں کل 197 سی ای ٹی پی کام کر رہے ہیں، جن کی ڈیزائن کی گنجائش 1810 ایم ایل ڈی اور آپریشنل صلاحیت 1070 ایم ایل ڈی ہے۔

صنعتوں سے پیدا ہونے والے صاف کئے گئے گندے پانی کو پانی کی باز یابی کے نظام (زیرو لیکویڈ ڈسچارج) کو شروع کر کے ری سائیکل/دوبارہ استعمال کیا جا سکتا ہے۔ اس وقت7 ریاستوں میں 45 سی ای ٹی پیز قائم ہیں  ، جن کی آپریشنل صلاحیت  114.13 ایم ایل ڈی  ہے، جنہوں نے پانی کی بحالی کے نظام کو نصب کیا ہے۔

****************

 (ش ح ۔ا م۔رض )

U NO: 4016

(Release ID: 1814712) Visitor Counter : 134