کوئلہ، کانوں اور پارلیمانی امور کے مرکزی وزیر جناب پرہلاد جوشی نے کہا کہ کوئلے کی گھریلو پیداوار کو بڑھانا سی آئی ایل کے تمام ذیلی اداروں کی ترجیح ہونی چاہیے تاکہ کوئلے کی مسلسل فراہمی کو یقینی بنایا جا سکے، خاص طور پر آنے والے مانسون کے موسم کے دوران۔ وزیر موصوف  نے انکشاف کیا کہ 12,500 کروڑ روپے کی تخمینی سرمایہ کاری کے ساتھ 35 فرسٹ میل کنیکٹیویٹی (ایف ایم سی) پروجیکٹ ترجیحی بنیادوں پر مکمل کیے جائیں گے۔ مغربی کول فیلڈز لمیٹڈ کے تحت دھوپتالا اوپن کاسٹ مائن کے عملی طور پر دو پروجیکٹوں کا افتتاح کرتے ہوئے اور مہاراشٹر کے چندر پور میں فرسٹ میل کنیکٹیویٹی پروجیکٹ کا سنگ بنیاد رکھتے ہوئے، جناب جوشی نے کہا کہ وزارت کوئلہ،  کوئلے کو گیس میں تبدیل کرنے والے  پروجیکٹوں کو سب سے زیادہ ترجیح دے رہی ہے اور اس میں کوئلے کو گیس میں تبدیل کرنے کے لئے نجی فرموں اور جدید ترین ٹیکنالوجی  لانے کی کوششیں جاری ہیں۔  اس میں خصوصی توجہ آتم نربھر بھارت  پر ہے۔

آج شروع کیے گئے دو پروجیکٹوں کی مشترکہ سرمایہ کاری 1190 کروڑ روپے ہے۔ بلارپور علاقہ  کی دھوپتالا اوپن کاسٹ کان میں سالانہ 2.50 ملین ٹن کوئلے کی گنجائش ہوگی اور اس پر 720.87 کروڑ  روپے لاگت آئے گی۔ 53.11 ملین ٹن  کوئلے کے ذخائر والی اوپن کاسٹ کان 795    افرادکو براہ راست روزگار کے مواقع فراہم کرے گی اور اس منصوبے کے لیے زمین کے رقبے کی ضرورت 1257.46 ہیکٹر ہے۔

وانی علاقہ  کے پہلے میل کنیکٹیویٹی پروجیکٹ کی صلاحیت 80 لاکھ ٹن سالانہ ہوگی اور اس کے مختلف حصوں کے لیے 471 کروڑ روپے کی سرمایہ کاری شامل ہے۔ اس مخصوص منصوبوں کے کچھ فوائد میں کوئلے کی سڑک کی نقل و حمل میں اوسطاً 12 کلومیٹر سے زیادہ کی کمی، کاربن اور سی او 2 کے اخراج میں خاطر خواہ کمی اور ٹپر/پے لوڈر کے ذریعے روایتی لوڈنگ کے مقابلے ڈیزل کی کھپت شامل ہیں۔

تقریب میں شامل ہوتے ہوئے، روڈ نقل و حمل  اور شاہراہوں  کے مرکزی وزیر جناب نتن گڈکری نے کوئلہ وزارت اور کول انڈیا لمیٹڈ پر زور دیا کہ وہ نئی کوئلے کی کانیں شروع کرنے کے لیے زمین اور دیگر محکموں سے منظوری حاصل کرنے میں موجودہ تاخیر سے بچیں۔

تقریب سے خطاب کرتے ہوئے کوئلہ، کانوں اور ریلویز کے وزیر مملکت جناب راؤ صاحب پاٹل دانوے نے کول انڈیا لمیٹڈ اور مغربی  کول فیلڈز لمیٹڈ سے اس مالی سال کے لیے کوئلے کی پیداوار کے مقررہ اہداف کو حاصل کرنے اور بجلی کے شعبے کو ہموار سپلائی کرنے پر زور دیا۔ سکریٹری، وزارت کوئلہ، سی ایم ڈی، کول انڈیا لمیٹڈ اور سی ایم ڈی، مغربی  کول فیلڈ لمیٹڈ نے بھی تقریب سے خطاب کیا۔

 

****

 

ش ح۔ ا ک  ۔ ر ب

U NO : 3476

 

(Release ID: 1811383) Visitor Counter : 141